 |
| الخميس، مايو 14، 2009 |
| ورتلناه ترتيلا(24) |
ياااااااااهمززززززة
حدش شاف همزة الوصل ياناااااااااس
همزة ضايعه ياولاد الحلاااااااااااال
هااااااااااا في ايييييييييييه انا هناااااااا ايه الدوشة الي انتوا عاملينها دي
انت كنت فين ؟؟؟؟؟؟
رحتي فين؟؟؟؟؟ يعني لازم اقعد ادور عليكي
طب ما تدوري فيها ايه يعني ؟؟؟؟ كنت نايمة !!!!
بقيل حرام يعني ولا ما ليش نفس ياسااااااااااتر
قومي اعمليلي كباية شاية ومعاهم سندوتش لحمة عشان اعرف اركز يلااااااا بسررررررعه ....... انت لسه قاعده
حاااااااضر امري لله ؟؟؟!!!!!
احنا كنا وفقنا فيييييييين يا همزة ؟؟؟؟؟ وقفنا فين
اني ما بكشونش في حرف الا في ( ايم الله ) للقسم على القول بحرفيتها وفي ال التعريف وبكون مفتوحة فيها واحذف بعد همزة الأستفهام زي ( استغفرت لهم) و( قل اتخذتم) بالبقره و( افترى على الله كذباً ) بسبأ و( اطلع على الغيب) بمريم) و( استكبرت) بص و( اصطفى البنات) بالصافات و( واتخذناهم) بص عند بعض القراء
حلو الكلام
حلوووووو يا همزة الوصل
واذا وقعت في......
وقعتي من اين وايه الي وقعك
وقعت من قعر القفة ياااااااختييييييييي
خليني اكمل وبلاش غلبة مش كفاية مصحياني من احلاها نومة ده انا كنت بشوف حلم جمييييييل ....... اعمل فيكي اييييييييه ارجع الحلم ازاي تاااااااني
ارجعي نامي وكملي حلمك هههههههههههه
بتتريقي يا اختيييييييييييي ....... مااااااااشي ليكي يووووووم
بقلك اني لما ..... بلاش اقع دي عشان بتعملك قزعرينه
خليها لو تحطيت بين همزة الأستفهام ولام التعريف فلا احذف لئلا يلتبس الأستفهام ..... بل تبدل الفا وتمد طويلا للألتقاء الساكنين , او تسهل بين الهمزة والألف والأبدال اقوى وده بيكون في ست كلمات
(اّلذكرين) موضعي الأنعام و( اّلآن) موضعين في يونس و( اّلله اذن لكم بها) و( اّلله خير) بالنمل وكلمة عند أبي عمرو وابي جعفر وهي( به اّلسحر) بيونس.
طب الجزريه بتقول ايييييييييه
مستعجل على رزقك لييييييييه
اديني جاليك في الكلام اهو
بتقول:
وابدأ بهمز ا لوصل من فعل بضم
وان كان ثالث من الفعل يضم
واكسره حال الكسر والفتح وفي
الأسماء غير اللام كسرها وفي
ابن مع ابنة امرئ واثنين
وامرأة واسم من اثنتين
تم بحمد الله
|
| posted by شهووووده @ 14.5.09 |
|
|
|
|
| ورتلناه ترتيلا(23) |
اديني رجعتلكو اهو ...........
ماكان من الأول
ايه مش عاجب امشي يعني ولا ايه العبارة؟؟!!
براحتك هو اكمن مافيش همزة وصل غيرك حتزلينا يعني
لألألألألأ كله الا الذل
ده حتى انا في قممممممممة التواضع وعشان كده حكملللل
نبتدي الكلام: وحدوا الله
لا اله الا الله
صلو ا على النبي
اللهم صلي وسلم عليه
بصوا يا امامير : لو لقيتوني في فعل امر فأنظروا الى ثلاثة
لو كان مكسور او مفتوحاً فيبدأ فيه بكسري( بكسر الهمزة) زي : اضرب واذهب ,وارجع. ولو كان ثالثه مضموماً ضماً لازماً فيبدأ فيه بضم الهمزة زي: اتل ,و انظر, واضطر , والي يشبه ده
اما لوكان ثالثه مضموماً ضماً عارضاً فيبدأ بالكسر نظراً لأصله زي : امشوا, و اقضوا ,وابنوا ,وأتوا فاءن اصله :امشيوا ,و أقضيوا ,و أتيوا, وابنيوا.
لأنك لو امرت الواحد او الأثنين حتقول امش وامشيا , واقض , واقضيا ونحو ذلك , فحتلاقي عين الفعل مكسورة في الأفعلا دي فعلم ان الضمة فيها عارضة
وبكون برضه في ماضي الخماسي والسداسي( همزةالوصل) وامرهما ومصدرهما
ناخد مثل: كانطلق ,وانطلق , وانطلاق, و استخرج ,واستخرج, واستخراج,
وامر الثلاثي: كاضرب , و اعلم ويبدأ في ذلك كله بكسر الهمزة .
نكمل المرة الجاية سلام يا جميل |
| posted by شهووووده @ 14.5.09 |
|
|
|
|
| ورتلناه ترتيلا(22) |
مساااااااااء الفل اخبارنا ايه
ميــــــــــــــن همزة الوصل عندنااااااااا يامرحبا يامرحبا
ايه اخر اخبارك
نخش على اولها ولاحقين على اخرها
اولها انه ما ينفعش تبتدي بساكن ولا تقف على متحرك
فالحركة لازماً ولا بد نبتدي بيها واخد بال سيادتك
اما لوكان الحرف الأولاني ساكن هينا اخش انا في الموضوع
ومين حضرتك ؟؟؟؟؟؟
ما تصحى معايااااا اناا همزة الوصل
نكمل كلامنا بالصلاة على النبي
عليه افضل الصلاة والسلام
لما اخش انا .ايه الي يحصللللل؟؟؟؟ يتوصل بيا الى النطق بالساكن, وهمزة الوصل الي هيا حضرتي , هي التي تثبت في الأبتداء وتسقط في الدرج وتكون في الأسماء والأفعال والحروف , كوووول ده انا والله .... ياختي علياااااااا
احم احم....................
فأذا كنت في اسم فلا يخلو .يأما يكون معرفا بأل زي الحمدلله فتفتح الهمزة واما منكرا وده في سبعة الفاظ وقعت في القرأن وهي زي ابن في ( عيسى ابن مريم) ثانيهما ابنت في ( مريم ابنت عمران) ( وابنتي هاتين) ثالثهما امرئ
( لكل امرئ منهم)( وان امرؤ هلك ) ( وامرأ سوء) رابعهما اثنين لاتتخذوا الهين اثنين ) خامسهما امرأت( امرأت عمران)( وامرأتين تذودان ) وسادسهما اسم
( اسم ربك ) ( واسمه احمد) سابعهما اثنتين( فإن كانتا اثنتين,( واثنتا عشرة)
رحتي فين ياهمزة كملي
لا مش حكمل انا زعلااااااانة
ليه بس كده كلنا ودان مطرطقه
لا ده انا بسمع طرقعت لباااااااان
مش ودان مطرطقه
انا ماااااااااشية |
| posted by شهووووده @ 14.5.09 |
|
|
|
|
| ورتلنته ترتيلا(21) |
بخخخخخخخخخ نحن هناااااا
نسيتونا ولا ايه؟؟؟؟!!!
وراكم والزمن طوييييل
وقققققققققففففف تعالى لي هناااااااا انا الوقف القبيح
مين ميييييييين ميييييييين
وقف ايه؟؟؟؟؟
هي الأسامي خلصت ولا ايه ياخواااااااااتي؟؟؟!!!!
بقلك ايه امشي لحسن ازعل منك دي الملافظ سعد قال قبيح قال
يا ابني هو انا الي سميت نفسي يعني ؟؟؟
في حاجات ومجتجات واسباب خلتني ابقى وقف قبيح
هو في حد بيختار اسمه يعني ؟؟؟ عجبيييييييييي
طيب امري لله اسمع اسبابك ولو انك صعبان عليا قووووووي
ياعم ما يصعبش عليك غالي حتخليني اقول الكلمتين الي عندي والا اتكل من هنااااا خااااااالص
لا قول قول خلينا وراااااااااك
بص يا غلاباوي انت
الوقف القبيح الي هو سيادتي طبعا بلا فخر
هو ماليتم معناه لتعلقه بما بعده لفظاً ومعني
زي ايه
هااااااااااا
زي الوقف على المضاف من غير المضاف اليه , او المبتداء من غير الخبر او الفعل من غير الفعل
طيب طيب ما تنحليش
خد عندك المثل ده: تقف مثلا على( الحمد من الحمدلله) او على ( بسم من بسم الله) وكل مالا يفهم منه معنى لأنه لا يعلم الى لااي شيئ اضيف ففي الحالة دي الوقف عليه قبيح لايجوز تعمده الا للضرورة
زي ايه الضرورة دي يعني
زي مثلا عطس ( هاااااااااااااتشوووووووو)
نفس حضرتك اتقطع ساعتها مسموحلك تقف ويبقى اسم الوقف في الحالة دي وقف للضرورة.
بس خد بالك مش جينفع تبتدي بالي بعده لألألألألأ فتحلي مخك واصحا معايااااا
تبتدي بالي قبله , فأن وقف وابتدأ بما بعده اختيارا كان قبيحا واقبح القبح الوقف والأبتداء الموهماتن خلاف المعنى المراد كالوقف على ( ان الله لايستحيي) و( ان الله لايهدي) او على قوله تعالى(فبهت الذي كفر والله) وعلى نحو قوله تعالى( لقد سمع الله قول الذين قالوا ) وبعد كده يروح يبتدي بقوله( ان الله فقير ) والأقبح من كده واشنع منه كمان
الوقف على المنفي الي يجي بعد ايجاب:
( ومامن اله)من قوله تعالى( وما ارسلناك الا مبشراً ونذيراً)
فالي يقف هنا وهو مش مضطر يعتبر اااااثم
ومافيش في القرأن وقف واجب يتحمل القارئ زمب عشان ما وقفش عليه فالوقف لايوصف بوجوب او حرمه
وحنشوف الجزية بتقول ايه ؟؟؟؟
وبعد تجريدك للحروف
لابد من معرفة الوقوف
والأبتداء وهي تقسم اذن
ثلاثة تام وكاف وحسن
وهي لما تم فأن لم يوجد
تعلق او كان معنى فابتدى
فالتام فالكافي ولفظاً فامنعن
الا رؤس الآي جوز فالحسن
وغير ماتم قبيح وله
يوقف مضطراً ويبدأ قبله
وليس في القرأن من وقف وجب
ولا حرم غير ماله سبب
المرة الجاية موضوع جديد فانتظرونا |
| posted by شهووووده @ 14.5.09 |
|
|
|
|
| ورتلناه ترتيلا(20) |
هااااااااااا الفيلم خلص خلاص
اه خلص ماهو كمان بايخة ومالوش معنى مش كان احسن لنا نتعلم كلام ربنا
اي والله طب اكيد ده مشي وزعل كمان يا خساااااااارة
لالالا ما تقلقوش انا موجود مامشيتش ومش حمشي
الوقف الحسن يااااااه كتر خيرك معلش احنا متأسفين
معلش خير يلا نبتدي عشان نخلص كده والحق المجموعه التانية
ربنا يديك الصحة يااااااااارب
اللهم امين
شوف ياسيدي لما يسألوك عني تروح قايل هو الوقف على ماتم في ذاته وتعلق بما بعده لفظا ومعنى لكونه اما موصوف والأخر صفة له او مبدلاً منه والثاني بدل او مستثنى منه والتاني مستثنى ونحو ذلك من كلام تعلق بما بعده لفظا ومعنى زي الوقف على لفظ الله من قوله( الحمدلله ) وبعدين يروح بادي برب العالمين فده كلام تعلق بما بعده لفظا ومعنى حتى ولو انه كلام افهم معنى فأن بعده لفظ الجلالة تعلق به على انه صفه له وله حكمه انه يحسن الوقف عليه والأبتداء بما بعده ان كان رأس اية كالعالمين من قوله الحمدلله رب العالمين , بل هو سنة كما ذكر ابن الجزري رحمه الله
فأذا لم يكن رأس ايه كالحمدلله حسن الوقف عليه دون الأبتداء بما بعده فلو وقف واراد الأبتداء وصله بما بعده لأنه الأبتداء بما هو متعلق بما قبله لفظا قبيحا
المرة الجاية بعون الله حنعرف الوقف القبيح
سلام ياحلويييييين |
| posted by شهووووده @ 14.5.09 |
|
|
|
|
| ورتلناه ترتيلا(19) |
مسااااااء الفل منور انا مش كده
شكرا شكر مافيش داعي للترحيب ده بس
خلاص خلاص ماتتحايلوش عليا انا حتكلم
هوماله ده اما غريبة
ماغريب الا الشيطان بس انا لأ
انت مين اصلا وايه الي جابك
انا الوقف الكافي
هو انت يامرحب نورت يلا خش في المفيد
هو ايه اصله ده هو ده كرم الضيافة مش احنا في قهوة برضه
امال فين المشاريب
مشاريب ايه بقلك ايه خلص وخليك لزيز
طيب اكمني في قهوتكم يعني ياعم حدفع وعلى العموم انا جايب مشاريبي معايا
وبعد مايشرب ويتهنى يبتدي الكلام والف صلىعليك ياسيد الأنام
انا يا اخوانا الي بتم على نفسي وبتعلق بالي بعدي بالمعنى مش باللفظ والأحسن الوقوف عليا والأبتداء بالي بعدي زي كده ما تقف على( لايؤمنون) وتبتدي بقوله(ختم الله على قلوبهم) وقد يتفاضل النوع ده في الكفاية كقوله( في قلوبهم مرض)فهو كاف
وقوله ( فزادهم الله مرضاً) اكفى منى يعني ياخد مرتبة اعلى في كونه وقف كافي وقوله ( بما كانوا يكذبون) اكفى منهما
يلا اشوفكم على خير وخدوا عندكوا صاحبي عايز يقول كلمتين
مين ده كمان
ايه هو مش كفاية تاعب نفسه وجاي هو انتوا حتتبطروا علىالنعمة ولاايه
لاااااا ابدا بس اصل في فيلم حلوووووو قوووووووي حيبتدي كمان شويه
طب خلاص براحتكوا امشي انا بقى ولما يخلص الفيلم لو عايزني انتوا عارفين طريقي
سلام وابقى ركز في الفيلم
|
| posted by شهووووده @ 14.5.09 |
|
|
|
|
| ورتلناه ترتيلا(18) |
الوقف والأبتداء رجع يا واد ياعلاء
علاء مين
اناعارفة اهي جت كده وخلاص
بص ياجميل وصلي علىالي حيشفع فيا وفيك
اللهم صلي وسلم عليه
نخش على المفيد ونعرف التفاصيل
الوقف التام عايزيقلنا كلمة كده
انا الي لما تقف عليا يتم المعنى ( الوقف على ماتم معناه) وماليش علاقة بالي بعدي لا لفظ ولا معنى واكتر مابتلاقوني في رؤوس الأيات
وكمان عند انقضاء القصص؟؟؟؟؟؟
يعني ايه؟؟؟؟؟
الوقف عند( مالك يوم الدين) وعلى المفلحون في قوله تعالى(اولئك على هدى من ربهم واولئك هم المفلحون) ولما تبتدي بقوله تعالى( ان الذين كفروا) فا الأولى من تمام احوال المسلمين والتاينة متعلقة بالكافرين, وقد يكون هذا الوقف قبل انقضاء الأية كالوقف علىاذلة من قوله تعالى(وجعلوا اعزة اهلها اذلة) ثم الأبتداء بقوله ( وكذلك يفعلون)
طب هوالوقف ممكن يكون في وسط الأية؟؟؟؟؟؟
اه ممكن ازاي!!!!!
حنقول: لما يكون الوقف على جاءني من قوله (لقد اضلني عن الذكر بعد اذ جاءني )وممكن يكون بعد انتهاء الأية بكلمة زي ايه ياحلوين
زي ماتقف كده على ( وباليل) فقوله (مصبحين ) رأس الأية صح كده
بس ايه (باليل) تمام الأية يعني التكملة بتاعتها
وحكمه انه يستحسن الوقف عليه والأبتداء بما بعده
ماشي الكلام هوده الوقف التام ثواني بقى اروح اجيبلكوا
الكافي هو والشلة التانية يكملوا الباقي لحسن اناعندي درس تاني
انا مين
يادي النهار الي مش فايت هوانا بكلم نفسي كوووووول ده
اناالوقف التااااااااااااااام
سلام خلوني ابعت الكافي
طب استنى مش تدينا فكرة عنه الأول
لاااااااااا ياحبايبي هو خير مين يعرفكوا على نفسه عايزينه استنوووووه
في امان الله
|
| posted by شهووووده @ 14.5.09 |
|
|
|
|
| ورتلناه ترتيلا(17) |
كللللللللللللله يوقف يلالالالالالالالالا
الوقف والأبتداء وصل يا اصدقاء
مين الي حيتكلم النهاردة ويشجينا مين الي حيعرفنا على الخير ويدينا
اناااااااااااا ............... اناااااااااااااااا...........
انت مين وجيت منين
انا الي كنت للأسف بتريق على واحد صاحبنا يوم ماقالي الأستاذ تجويد وصل
قلت ليه هو في حد اسمه تجويد؟؟ فاكرني ولا نسيتوني
اديني جيت بس دلوقتي عايزكم تسامحوني وعلى كل الي عملته تسامحوني ووعد مني مش حتريق بعد كده ...... لكن!!!!!!!! ممكن تقبولني وتسمعوني
عايز اقلكم عن حاجة قريتها واتعلمتها ياترى حتقبلوني ولا حتقولوا مش فاضل غير انك كما يالي ماجيتش غير بعد مافات الأوان تعلمنا احنا اااااااا ؟؟؟!!! اجري العب بعيد وبلاش تهريج واقعد في مكانك زيك زي باقي التلاميذ؟؟؟؟؟؟؟
العلم ما لوش كبير والخير ما فيهوش غني ولا فقير
لو كنت صغير حتعلم منك ولو كنت كبير حاخد من خبرتك
ولوحتى كنت طفلرضيع سبحان الله يوضع سره في اضعف خلقه فما تتوقعش مني اني ممكن اسيب فرصة تسمحلي بأني اتعلم فيها ولو كلمة او حتى حركة او مجرد همسة ......... متهيألي فهمتني وكمان جربتني فبلاش تغمني وكمان تزلني وتقطع نفسي يلا تعالىىىىىىىىىى انا عايز اتعلم
طب حقلوكو على موضوع جميل اتعلمته من يومين الوقف والأبتداء مجرد كلمتين
حلوين ياترى هما ايه وليه بنقف وازاي وعشان ايه
حنبتدي بالوقف والي بنعرفه بأنه لغة : الكف والحبس وزي ما بيقولوا اوقفت الدابة اي حبستها
وفي الأصطلاح : قطع الصوت عن الكلمة زمن ما يتنفس فيه القارئ عادة بنية ايه بقى بنية استئناف القراءة مش بنية الأعراض عنها
يعني لما تبقى قاصد انك تواصل القراية مش توقفها وبتكون في رؤس الأيات واوسطها ولابد من التنفس مش تقطع النفس تروح فيها؟؟؟؟؟!!!!!!!!
بس ايه مش بتيجي لا في النص الكلمة ولا فيما اتصل رسما
يعني ايه ما بلاش كلكعه فهمنا بالهداوة
ماشي ماشي يعني مثلا ( اينما يوجه) بعكس لاسكت والقطع فالسكت لغة المنع واصطلاحاً قطع لاكلمة عما بعدها من غير تنفس بنية استئناف القراءة ويكون في وسط الكلمة وفي اخرها . والقطع في اللغة الأبانة تقول: قطعت الشجرة لو ابنتها وازلتها . اما في الأصطلاح قطع القراءة رأساً
وهو يعتبر زي الأنتهاء وتستحب الستعاذة بعده ولا يكون الا على رؤس الأيات والي عايزك تعرفه ان للوقف اربع اقسام وتسمى الأقسام العامة
ياترى هي ايه
اولها الأضطراري: وهو لما يحصل للقارئ ضيق نفس وحاجات من دي كعجز او نسيان ماكلنا ببنسى مااحنا بشر
في الحالة جي ليه الحق انه يقف على اي كلمة ولكن لازم يبتدي بالكلمة الي وقف عنها لو كانت البداية بيها صح
تانيها انتظاري: وهو ان يقف القارئ على الكلمة ليعطف عليها غيرها عند جمعه لاختلاف الروايات
ثالثها اختباري: بالباء الموحدة وهو الذي يتعلق بالرسم لبيان المقطوع والموصول والثابت والمحذوف ونحوه ولايتوقف عليه الا لحاجه كسؤال حد بيمتحن او تعليم قارئ يقف ازاي لو اضطر لكده
اما الرباع يا حلوين فهو اختياري: بالياء المثناه وهو يقصد لذلاته من غير عروض سبب من الأسباب المتق\مه والنوع ده من الوقف هو لامقصود بيائه زهو على ربعة اقسام : تام, كاف, حسن وقبيح والقبيح وان كان لا يصح الوقوف عليه ولكنه ذكر لتكملة الأقسام عشان الحزر منه وعشان القارئ يعرفه ويتجنب الوقوف عليه والا فالأقسام ثلاثه زي ماقال ابن الجزري رحمة الله عليه
ثلاثة تام وكاف وحسن
كده بقى نكون خلصنا حلقتنا بس لسه فيه باقي التفاصيل وبأذن الله راجعين
|
| posted by شهووووده @ 14.5.09 |
|
|
|
|
| ورتلناه ترتيلا(16) |
ياربي هو راح فين الجدع ده عمال يقلي الصبر طيب الصبر طيب
انا زهقت هو مش ناوي يرجع ولا ايه
حدش يعرف هوة راجع امتى
طيب مش مهم بقى امشي انا بقى يظهر ما فيش فايدة انا باين عليا كده حاخد برد هاااااااااااااااااااااتشييييييييييييي من طول الأنتظار
اهو جه اهو جه هييييييييييييييييييييييييييه
ايه ياابني انت هو انت فيوزات مخك ضرت بتكلم نفسك هو مين الي اهو جه اهو جه
ييييييييييييييه هو انت انا اصلي مستني الأستاذ تجويد
استاذ تجويد
هو انت انلطشت في مخك هو في حد اسمه الأستاذ تجويد
اه في تحب اعرفك عليه
تعرفني على مين ياعم انا مش فاضي
امال فاضي لأيه فاضي للف والدوران واللـــــــــــــــ في الشوارع
ويوصل الأستاذ تجويد وسط الخناقة
ايه بتتخانقوا ليه
ما هو اصل يا استاذ تجويد البتاع ده بيتريق وبيقولي هو في حد اسمه استاذ تجويد
ولما قلت له تحب اعرفك عليه قعد يتريق ويقول هو انا فاضي
ماهو انت كمان قعدت تستم فيا وتقلي كلام وحش قوووووووووووووي
بس بس بس شششششششششششششششش انت وهو احنا فين
انتوا الأتنين غلطانين
يعني حضرتك بدل ما تتريق ععلى غيرك كنت استنى وشوف هو مين الأول ولو ما عجبشك سيه وامشي
وانت يا استاذ كان المفروض انك تتكلم بأدب اكتر بدل ما تتهم غيرك بكلام مش كويس
" ان كنت فظ غليظ القلب لانفضوا من حولك" ولا ايه طب انا حروح دلوقتي ولما تخلصوا خناق ابقوا انهدولي
لالالالالالالالالا خلاص احنا اتصالحنا مش كده ولا ايه
صافيه لبن ..................... حليب يا قشطة
كده فل دلوقتي اقدر اتكلم معاكو نخش في المفيد
يلا بينا بسم الله الرحمن الرحيم
احنا كنا وقفنا فين اخر مرة
وقفنا على محطة المد الحرفي
الي هو ايه بقى
ها حتقو ل انت ولا اقول انا
لا قول حضرتك اصلي قريت وما فهمتش
ماشي يا باشا ولا يهمك وشف يا سيدي وشوف انت كمان يا ضيفنا العزيز
هو الي بيجي فيه بعد حرف المد سكون ثابت وصلا ووقفاً في حر ف هجاؤه على ثلاثة احرف وسطها حرف مد ولين او حرف لين فثط وده بيجي في ثمانية احرف جمعها صاحب التحفة في ( كم عسل نقص) والبعض جمعوها في
( سنقص علمك) وهي السين والنون والقاف والصاد والعين واللام والميم والكاف .
وكلها تمد ست حركات من غير خلاف ما عدا العين من فاتحة مريم والشورى يعني بداية سورة مريم والشورى فيها يا حبايبي توسط والطول افضل ,فأن ادغم ساكنه فيما بعده كان مثقلا وان لم يدغم فهو مخفف : والنعين نلاقيهم في الم فلام مثقل وميم مخفف وبكده يتم للمد اللازم اربعة اقسام
وتنقسم الحروف الموجوده في اوائل السور الى ثلاثة اقسام : منها الي بتمد 6 حركات وهي الثامن حروف الموجوده في ( سنقص علمك) ومنها الي بيتمد مد طبيعي يعني حركتين وهي الخمس حروف الي مجموعه في قو ل صاحب التحفة
( حي طهر) ومنها الي مافيش فيها مد زي الألف وده لأن كل حرف وضعه على ثلاثة احرف وليس وسطه حرفا ً ساكانا لايمد اصلاً . وكمان عايزك تعرف انه اذا اجتمع مدان لازمان مثقلان زي ( اتحاجوني ) او مثقل ومخفف( الم) او مخففان ( كلان و الي هي في سورة يونس في موضعين لايجوز مد احدهما دون الآخر بل تجب التسوية لقوله( واللفظ نظيره كمثله , وكمان عايز اقول حاجه انه لو كان الساكن في كلمة وحرف المد في كلمة تانية ححذف المد في الوصل نحو( وقالوا اتخذ و( المقيمي الصلاة)
اما لو اجتمع سببان من اسبا بالمد قوي وضعيف الغي الضعيف وعمل بالقوي نحو( ولا اّ مين البيت الحرام ) ففيه بدل ولا زم فيلغى البدل ويعمل باللازم
المدود ياحضرات : اللازم فالمتصل فالعارض للسكون فالمنفصل فالبدل وقد اشار بعضهم الى هذه المراتب بقوله:
اقوى المدود لازم فما اتصل
فعارض فذو انفصال فبدل
وسببا مد اذا ما وجدا
فأن اقوى اللسببين انفردا
والتحفة بتقول ايه حد يعرف??????
انا اناااااااااااااااااااا
طب قول قول
ااااااااااااااا
اقسام لازم لديهم اربعة
وتلك كلمي وحرفي معه
كلاهما مخفف مثقل
فهذه اربعة تنفصل
فأن بكلمة سكون اجتمع
مع حرف مد فهو كلمي وقع
او في ثلاثى الحروف وجدا
والمد وسطه فحرفي بدا
كلاهما مثقل ان ادغما
مخفف كل اذا لم يدغما
واللازم الحرفي اول السور
وجدوه في ثمان انحصر
يجمعهما حروف كم عسل نقص
وعيز ذو وجهين والطول اخص
وما سوى الحرف الثلاثي ولا ألف
فمده مد طبيعيا الف
وذلك ايضا في فواتح السور
في لفظ ( حي طاهر) قد انحصر
ويجمع الفواتح الأربع عشر
صله سحيراً من قطعك ذا استهر
شااااااااااااااااااطر
الله ياسلام هو ده بقى الأستاذ تجويد وهو ده الكلام الي بيسمعهولك كل يوم
وانت ما بتقوليش انا زعلان منك يا صاحبي
وليه الزعل بس ما احنا فيها ايه رأيك تقبل تبقى ضيفنا
اقبل ............ ده انا اقبل ونص وتلات تربع ياريت انتوا لي تقبلوني معاكوا
يا اهلا وسهلا بحضرتك وبأي حد يشرفنا احنا رهن الأسارة وتحت اوامر حضارتكم
اقول سلام واشوفكوالحلقة الجاية ياترى مع ايه
تحبوا نقلهم لا ايه رايكم
لالالالالالالالالالالالا مش حنقلهم لما نرجع بأذن الله
انتوا شايفين كده
طبعاااااااااااااااا
طب سلام عليكووووووووووو |
| posted by شهووووده @ 14.5.09 |
|
|
|
|
| ورتلناه ترتيلا(15) |
انا جيت اخباركو ايه
انا مين
انا الأستاذ مد جائز
اممممممممم طب عايز ايه
عايز اقول الي جويا زهقت من كتر ما انا ساكت اصل المد الواجب اتكلم طول الوقت وانا ساكت
طب ما تتكلم كلنا ودان مطرطقة
بجد اتكلم هيييييييييييه بص بقي وفتحلي مخك
اولها المنفصل وهو الي بيجي فيه بعد حرف المد همز منفصل عنه في كلمة تانية زي ( بما أنرل, قالوا أمنا/وفي أنفسكم/) وحكمه الجواز لجواز مده وقصره ولحفص فيه اربع حركات وخمس كمان
خد عندك القاعدة المهمة دي ( لو اجتمع مدان متصلان مثل انزل من السماء ماء) ما ينفعش مد واحد والتاني لأ خدبالك يا عسل منك ليه ونفس الحكاية لو اتجمع مدان منفصلان زي( بما أنزل اليم , وما أنزل من قبلك) لقول ابن الجزي
واللفظ في نظيرة :" كمثله " ووجه المد هو ان حرف المد ضعيف والهمز قوي فزيد في المد تقوية للضعيف عند مجاورة القوي وقيل للتمكن من النطق بالهمز لأنه شديد مجهور.
تانيها العارض للسكون:
انت فين يا عارض
ياعارض تعالى
زهق ومشي اما غربية راح فين
هو راح فين بجد
حنرجعه ما تقلقووووووش وراه والزمن ط |
| posted by شهووووده @ 14.5.09 |
|
|
|
|
| ورتلناه ترتيلا (14) |
النهاردة الأستاذ تجويد حيحكلنا حكاية جديدة خالص اصل الضيف الي المفروض يجي النهاردة اعتذر
عنده تلامذه تانين غيرنا فقا لخلاص انا مش حسيب صاحبي وحبايبي وحهرفهم على ضيف جديد لحد ما احبي الي اعتذر عن الدعوة يرجع ياترى مين الضيف الجديد وياترى حلو وامور ولا نص نص
اما نشوف اخباره ايه طب
استاذ تجويد: يلا نرحب بيه عشان هو مش حيدخل غير لما ترحبوا بيه
بسسسسسس كده
ده احنا نرحب ونص وتلات تربع كمان
حللت اهلا ونزلت سهلا ياااااااااااا
شرفتنا وانستنا
هاااااااا مبسوط كده ؟؟؟؟؟؟؟
شكرا شكرا ماكانش في داعي للترحيب ده كله اشكركم اشكركم
ااااااااااااااه ده المد وصاحبه القصر
ايوة احنا
الأستاذ تجويد: ايه مالكوا مش عايزين تقدم نفسك انت وهو ليييييييييه
المد : يا استاذ تجويد انا نفسي اتقطع ياريت تلكم حضرتك
الأستاذ تجويد: فعلا عنك حق من كتر ما بتمد في صوتك اجيبلك عرقسوس
نخش في الجد الأساتذه دول ليهم حكاية وحكايتهم ابتدت من الي اتنقل عن ابن مسعود رضي الله عنه
لما ابن مسعود سمع راجل بيقرا ( انا الصدقات للفقراء والمساكين ) مرسلة يعني مقصورة فقل ابن مسعود ما هكدذا اقرأنيها رسول الله صلى الله عليه وسلم , فقال وكيف اقرأكها يا ابا عبد الرحمن فقال اقرأنيها ( انما الصدقات للفقراء والمساكين) فمدها رواه الطبراني
اما تعريف المد في اللغة فهو مطلق الزيادة لقول الله تعالى( ويمدكم بأموا ل وبنين) يعني يزدكم
وفي الأصطلاح : اطالة الصوت بحرف من حروف المد الثلاثة عند ملاقات همز او سكون ويقابله القصر وهو في اللغة الحبس لقوله تعلاى( حور مقصورات في الخيام) يعني محبوسات فيها
واصطلاحا: اثبات حرف المد من غير زيادة عليه
والمد قسمان
اصلي وفرعي
الأصلي هو المد الطبيعي الذي لاتقوم ذات الحرف الا به
ولا يتوقف على سبب من همز او سكون بس كفاية فيه وجود حروف المد الثلاثة وسمس طبيع لأن صاحب الطبيعة السليمة البني ادم العادي يعني لا بيزود و لابينقص فيه ومقداره الف والألف حركتان والحركة بمقدار قبض اليد وبسطها ( والفرعي) هو المد الزائد عن الطبيعي لسسب من الأسباب الي هي
استنونا الحلقةالجاية
|
| posted by شهووووده @ 14.5.09 |
|
|
|
|
| ورتلناه ترتيلا(13) |
وحشتوووووووووووووني ازيكو يا حلوين
انا مين لالالالالا مش عارفني
اناااااااااااااا
الأستاذ تجويد حعرفكم النهاردة على اتنين من صحابي الي هما
التفخيم والترقيق
بصوا يا احلى اصحاب
يا تفخيم انت فين حبايبي عايزين يتعرفوا عليك
التفخيم / انا موجود وتحت الطلب انا في اللغة التسمين وفي الأصطلاح انا عبارة عن سمن بيدخل علىصوت الحرف
ههههههههههه سمن ولا زبده
التفخيم: ايه يا استاذ تجويد حضرتك جايبهم يتريقوا علي
الأستاذ تجويد: لا ابدا بس انت وهو
حاضر حاضر اسفين يا تفخيم افندي
التفخيم: طيب طيب زي ما كنت بقول انا في الأصطلاح سمن بيدخل على صوت الالحرف لحد ما يتملي الفم بالصدأ . وانا والتسمين والتغليظ اخوات وبناخد نفس المعنى بس الي بيستخدم في اللام التغليظ وفي الراء التفخيم الي هو انا
ويقابلني الترقيق يلا يا عسل انت فين يا رقيق اظهر وبان عليك الأمان
يادي الكسوف انا جاي اهو
الترقيق: انا في اللغة التنحيف وفي الأصطلاح عبارة عن نحول يدخل صوت الحرف فلا يمتلئ الفم بصداه بقلك ايه الحروف على قسمين
الأستعلاء كلها مفخمة لا يتثنى منها اي شيئ سواء جاورت مستفلا ام لا وهي سبعة عشر في قول ابن الجزري
( خص ضغط قظ) وتختص حروف الأطباق وهي الصاد والضاد والطاء والظاء بتفخيم اقوى مثلا ( طال/صابرين )
وحرف الاستعلاء فخم واخصصا
الاطباق اقوى نحو طال والعصا
ومراتبي انا التفخيم طبعا ال 5 اعلاها المفتوح وبعده الف نحو طائعين وبعده المفتوح وليس بعده الف نحو صبر ثم المضموم نحو: فضرب ثم الساكن نحو فاقض ثم المكسور نحو خيانة
واما الأمور الرقيق المكسوف ده اصله مشي معلش
حروفه الاستفال فكلها مرققه لايجوز تفخيمها الا اللام والراء في بض احوالها وابن الجزري قال
وررق مستفلا من احرف
وحاذرن تفخيم لفظ الألف
فاللام تفخم في لفظ الجلالة الي بيجي بعد فتح او ضم
( ويعلم الله) وترقق في لفظ الجلالة الواقع بعد كسر ولو منفصل عنها ( بالله/ بسم الله) وكمان لو كان قبلها امالة كبرى وده الي بيقوله السوسي في احد وجهيه مثلا( نرى الله ) وابن الجزري
قالنا في الحكاية دي
وفخم الللام من اسم الله
عن فتح او ضم كعبد الله
اما الراء يا عيني عــــ الراء عندها حالتين متحركة وساكنة
فالمتحركة لو كانت مكسورة فما فيش خلاف في ترقيقها سواء كانت الكسرة اصليه ام عارضة , وسطاً ام طرفا منونة ام غير منونة سكن ما قبها ام تحرك بأي حركة وقع بعدها حرف استعلاء ام استفال في اسم ام فعل مثال( رزقاً/ الغارمين/فضرب/انذر الناس /امر مريج/وليال عشر)
ولو كانت مفتوحة او مضمومة يا تفخيم افندي
التفخيم: في الحالة دي تفخم زي الراء ( ربنا/الرحمن/رزقنا/ الروح) الا في حالة الأمالة
زي( مجريها) والراءالساكنة في الأول اي بعد همزة الوصل او في الوسط او في الطرف فأن كانت في الأول فهي مفخمة مطلقا على حد سواء
ولسه يا ما حنشوف في التفخيم والترقيق بقلكوا ايه كده فل اشفكوا الحلقة الجاية |
| posted by شهووووده @ 14.5.09 |
|
|
|
|
| ورتلناه ترتيلا (12) |
يالا يا لالالالالالا انت وهو عايزة اكمل الحدوته ما تغلبونيش
يلا يلا بلاش غلبة
حااااااااضر ياماما ستو حاضر : احنا جاين اهوووووووووو
طيب يا غلابوي انت وهو وهيه وقفنا اخر مرة عند الأطباق
والنهارده اه يادماغي ياني حنكلم عن
الأنفتاح
ههههههههههه انفتاح ايه ياماما ستو هو احنا في امريكا ههههههههههه
بس يا مغلبني اسمع معنى الأنفتاح قبل ما افتحلك دماغك
الأنفتاح في اللغة الأفتراق وفي الأصطلاح تجافي كل من طرفي اللسان والحنك الأعلى عن الآخر حتى يخرج الريح من بينهما عند النطق بالحرف . وحروفه خمسة وعشرونوهي ما عدا حروف الأطباق.
الأذلاق: في اللغة حدة اللسان , يعني طلاقته واضطلاحاً سرعة النطق بالحرف لخروجه من طرف اللسان كاللام والراء والنون وبعضها من الشفتين كالفاء والياء والميم ويجمع هذه الحروف قوله( فر من لب) الباقي لضده وهو الأصمات
الاصمات: لفغة المنع
اصطلاحاً : امتناع حروفه من الأنفراد اصولا في الكلمات الرباعية والخماسية
يعني ايه ياماما ستو
يعني يا ضنيا ويانور عيني انها لايتكون منها هذه الكلمات من غير ان يكون فيها حروف من حروف الذلاقة ولذلك كل كلمة رباعية او خماسية اصولاً لا يوجد فيها حرف من حروف الذلاقة ولذلك فهي غير عربية زي لفظ
( عسجد) اسم للذهب وحروف الأصمات 23 وسموها مصمتة للي قلناه قبل كده
الصفير: في اللغة صوت يشبه صوت الطائر وفي الأصطلاح : صوت زائد يخرج من الشفتين يصاحب احرفه الثلاثة وهي الصاد والسين المهملتان ( يعني من غير نقط زي ما كانو بيكتبوا زمان الحروف من غير نقط) والزاي المعجمة وسميت بالصفير لأنك بتسمع لها صوت يشبه صوت صفير الطائر
الصاد مثلا صوتها يشبه صوت الوزة
والسين شبه صوت الجراد
اما الزاي فشبه صوت النحوله واقوى هذه الحروف الصاد للي فيها من استعلاء واطباق
القلقلة: في اللغة الاضطراب والتحريك وفي الاصطلاح اضطراب المخرج عند التعلق بالحرف ساكناً حتى يسمع له نبرة قوية . وحروفها خمسة مجموعه في كلمة( قطب جد)والسبب في هذا الأضطراب والتحريك شدة حروفها لما فيها من الجهر والشدة والجهر يمنع جريان النفس والشدة تمنع جريان الصوت فاحتاجت كلفة في بيانها ومراتب القلقلة ثلاثة
اعلاها الطاء واوسطها الجيم وادناها الباقي وكمان في ناس بتقول
اعلاها المشدود الموقوف عليه ثم الساكن الموقوف عليه ثم الساكن وصلا ثم المتحرك . والقلقلة صفة لازمة لهذه الأحرف حالة سكونها متوسطة كانت مثل( حلقنا) ( قمطريرا) ( ربوة)
( واجتباه) ( ويدخلون) ام متطرفة موقوفا عليها مثل( خلاق)
( محيط) ( بهيج) ( قريب) ( مجيد) ويجب بيانها في حالة الوقف اكثر من حالة الوصل خاصة اذا كان الحرف الموقوف عليه مشدد
مثل( الحق) وقال في الجزرية:
وبينن مقلقلا ان سكنا
وان يكن في الوقف كان ابينا
وهي تابعة لما قبلها على الراجح
وقال بعضهم ان تكون قريبة من الفتح مطلقا وقد قيل في ذلك
وقلقلة ميل ال الفتح مطلقا
وان تتبعها بالذي قبل تجملا
اللين: في اللغة هو ضد الخشونة وفي الاصطلاح اخراج الحرف في لين وعدم كلفة منغير تكلف يعني
وحروفه 2 الواو والياء الساكنتان المفتوح ما قبلهما زي ( خوف) ( بيت)
الأنحراف: لغة الميل والعدول واصطلاحا ميل الحرف بعد خروجه الى طرف اللسان وله حرفان اللام والراء فالأنحراف صفة لازمة لهما لأنحرافهما عن مخرجهما حتى لا يتصلا بمخرج غيرهما فاللام ناحية طرف اللسان والراء الى ظهره
التكرير: في اللغة اعادة الشيئ مرة بعد مرة واصطلاحاً ارتعاد رأس اللسان عند النطق بالحرف . وهي صفة تغلب على اللسان عند النطق بالراء للراء ولكن يجب ان تكون بقصد حتى لايتولد من الراء راءات والغرض من معرفةهذه الصفة التحفظ منها عند النطق بالراء وقال صاحب الجزرية:
وأخف تكريرااذ تشدد
وليس معنى اخفائها عدمها بالكلية ( يعني مش تلغيها خالص)
لأن ذلك يسبب حصرا في الصوت فتخرج كالطاء وده غلط
التفشي: لغة الأنتشار والأتباع واصطلاحا - انتشار الريح في الفم عند النطق بالشين حتى يتصل بمخرج الظاء المعجمة وهذه صفة للشين خاصة وهو الأرجح وقيل الفاء,واالثاء والصاد والراء والسين , تفشيا كذلك والأصح الأول كما تقدم
الأستطالة: لغة الأمتداد واصطلاحاًامتداد الصوت من اول احدى حافتي اللسان ال اخرها وهي صفة الضاد المعجمة
اما الغنة فهي صفة لازمة للنون والميم تحركتا او سكنتا ظاهرتين او مخفاتين او مدغمتين والكلام كان مستوفي عليها في حكم النون والميم المشددتين
وابن الجزري قال
صفاتها جهر ورخو مستفل
منفتح مصمتة والضد قل
مهموسها فحثه شخص سكت
شديدها لفظ اجد قط بكت
وبين رخو والشديد لن عمر
وسبع علو خص ضغط قط حصر
وصاد طاء ظاء مطبقة
وفر من لب الحروف المذلقة
صفيرها صاد وزاي سين
قلقلة قطب جد واللين
واو سكنا وانفتحا
قبلهما الأنحراف صححا
في اللام والراء بتكرير جعل
وللتفشي الشين ضادا استطل
وتوته توته خلصت الحدوته
وبكده خلصت حوتة ماما ستو ياترى المرة الجاية مين الي حيحكي الي عايز يعرف يستانانا
سلام عليكووووووو |
| posted by شهووووده @ 14.5.09 |
|
|
|
|
| ورتلناه ترتيلا(10) |
ياستو اصحي بقا كمليلنا الحدوته يلا انا مش عارف اقرا الكلمة دي فص فص فصات الحروف هييييييييه صح
الجدة: هههههههههههه ضحكتني يا بني
اسمها صفات الحروف امري لله حشرحالك بس اقوم اخدلي فنجان قهوة واجيلك فريرررررره
هههههههههه قال فصات الحروف قال اما العيال دو ل عليهم كلام
يلا يا تيتا يلا يا تيتااااااا
طيب طيب انا جية اهو يا ولاد
شوف يا حبيبي صفات جمع صفة والصفة في اللغة
ما قام بالشيئ من المعاني كالعلم , او البياض او السواد
واصطلاحاً: كيفية عارضه للحرف عند حصوله له في المخرج من جهر ورخاوة وما اشبه ذلك بس ايه بيختلف في عدد الصفات
فمنهم مين قال عنها سبعة عشر ومنهم الي زاد وقال اربعة واربعين ومنهم الي نقصها لحد اربعة عشر بحذف الأذلاق وضده الأنحراف واللين وزيادة صفة الغنه وفي منهم الي مدها ل 16 بحذف الأذلاق وضده عكسه يعني واحنا هنا حنختار مذهب الجزرية الي هو السبعة عشر وهي على قسمين قسم له ضد وقسم لا ضد له
الي ليه ضد خمسة وضدجه خمسة طبعا والي مالوش ضد سبعة
التفاصيل وحيقول ايه في الجزرية
هو ده الي حنشوفه في الحلقة الجاية
ياستوووووووووووووووووووو الله يخليكي الله يخليكي قولي عايزين نعرف تعبت ياولاد روحوا اقروا الكلمتين دول عشان
المرة الجاية حوضحهم اكتر اتفقنا يلا اغسلو سنانكو واشربوا اللبن ونامووووووووو
|
| posted by شهووووده @ 14.5.09 |
|
|
|
|
| ورتلناه ترتيلا(11) |
ماما ستو ماما ستو يلا اصحي يلا عايزينك عايزين نكمل فصات الحروف قصدي صفات الحروف مش حضرتك قلتي حتكمليهم
ايوا يا بني يا حبيبي بتصحيني لييييييييييييه ما الكتاب قدامك اهو ما تقرا فيه سيبني انام الله لا يسيئك
ياستو حرام عليكي
هوانافاهم حاجة ؟؟؟؟؟!!!!!!!!
يلا عشان خاطريييييييييي
اهئ اهئ اهئئئئئئئئئئئ
طيب حاضر امري لله حقوم واكملك الحدوته اه يادماغي يااااااااااااااني
احنا كنا حنكمل النهاردة حدوتة صفات الحروف
وحنبتدي بلي ليها ضد عكس يعني
الأول: الهمس وعكسه الجهر يعني لما الواحد يوشوشك يبقى العكس ايه يخرم ودانك مثلا يعني هااااااااااااا
والشدة والتوسط وعكسهم الرخاوة والاستعلاء , والأطباق وضده الأنفتاح والأذلاق وضده الآصمات
اما السبع الي مالهاش ضد : الصفير/القلقلة/الأنحراف والتكرير واللين, والتفشي,الأستطالة وخد عندك التفاصيل
الهمس: في اللغة الخفاء
في الأصطلاح:جريان النفس عند النطق بالحروف لضعف الأعتماد على المخرج وحروفه عشرة في الكلمة دي
( فحثه شخص سكت)
والحروف دي بعضها اقوى من بعض زي الصاد والخاء فهما اقوى من باقي الخروف
ههههههههههههههه خروف ايه ياستو
يادماغي ياني قصدي الحرووووووووووف يادي الكسوف
المهم يا غلاباوي انت وهو وهي الخاء والصاد اقوى من الباقي عشان مشتملين على بعض الصفات القوية واضعف الحروف ياعيني عليها الهاء عشان مش عندها صفة قوية
الجهر: في اللغة الأعلان وفي الأصطلاح انحباس جريان النفس عند النطق لقوة الأعتماد على المخرج وحروفة تسعة عشر وهي الباقية بعد حروف الهمس
والحروف دي فيها القوي والي اقوى من بعضه وده بقى على حسب قوة الصفات الي فيها
زي الطاء لما فيها من استعلاء وشدة
الشدة: في اللغة القوة وفي الاصطلاح انحباس جرى الصوت عند النطق بالحروف لكمال الأعتمادعلى المخرج
وحروفها 8 مجموعه في كلمة( أجد قط بكت)
التوسط: في اللغة الأعتدال والأصطلاح اعتدال الصوت عند النطق بالحروف لعدم كمال انحباسه زي ما في الشدة وعدم كمال جريانه زي ما في الرخاوة وحروفها خمسة حتلاقيها في كلمة( لن عمر)
الرخاوة: في اللغة اللين وفي الأصطلاح جريان الصوت مع الحروف لضعف الأعتماد على المخرج وحروفها 16
وهس ماعدا حروف الشدة والتوسط
الأستعلاء: لغة الأرتفاع وواصطلاحاً ارتفاع اللسان الى الحنك الأعلى عند النطق بالحرف وحروفه 17 في كلمة( خص ضغط قظ)
الأستفال: لغة الأنخفاض ,وفي الأصطلاح انخفاض اللسان اي انحطاطه من الحنك الأعلى عند النطق بالحروف وحروفه 22 وهي الباقي بعد حروف الأستعلاء
الاطباق : لغة الآلصاق واصطلاحا تلاصق ما يحاذي اللسان من الحنك الأعلى للسان عند النطق بالحروف وهو تلاقي طائفتي اللسان والحنك الأعلى عند النطق بالحرف وحروفه 4 وهما الطاء والظاء والصاد الضادواقوى حروف الأطباق الطاء واضعفها الظاء المعجمة
هاوبعدين سكتي ليه ياماما ستووووووووووو
خلاص ياولاد انا صوتي بح خلاص حكمل المرة الجاية باقي الصفات هو انتوا ما تعبتوش |
| posted by شهووووده @ 14.5.09 |
|
|
|
|
| ورتلناه ترتيلا(9) |
مخارج الحروف وصلت يا بشرررررررررر
اصحا يا ناااااااااايم احنا لسه هنااااااااا
ايه الدوشة دي مخارج ولا مداخل واحنا مالنا اف اف اف
واحنا مالنا ايه دي حاجة جميلة قوي اسمعوا بس
يادي اليوم الي مش فايت مش عايزة اسمع هي عافيه لا حتسمعي لامش حسمع
هاااااااا
حاااااااااااضر حسمع واشوف واقرااااااااا بس بلاش الزيطة والزمبليطة دي
ايوة كده حكم الناس دي ما بتجيش غير بالعين الحمرااا هو انا لازم اديهم على دماغهم عشان يتعلموا
هو التعليم بالعافية يا خوااااااااااتي
ايه بتقول ايه حضرتك
ما فيش يا افندم يلا نبتدي
ححكيلكو حكاية جميلة ولزيزة
هو ده وقت حكايات
ششششششششش بلاش غلبة
كان ياماكان يا سعد يا اكرام وما يحلى الكلام الا بذكر النبي عليه الصلاة والسلام
عليه الصلاة والسلام
كان في صحاب ظراف وامامير اساميهم مخارج الحروف[/color]
يعني ايه مخارج يا جدتي???
مخارج جمع مخرج
المخرج ده في اللغة يعني:محل الخروج
وفي الأصطلاح محل خروج الحرف وتميزه عن غيره
مش فاهم يا تيتا
بص يا حبيبي وانت يا عنيا
مخارج جمع مخرج والمخرج هو المكان الي بيطلع منه الحرف
فهمت يا ستو هيييييييييييه هييييييييييه
بس ياولاد منك ليه له له
حاااااااااضر يا تيتاااااااا امرك يا ستوووووووو
المهم يا حبايب قلبي للعلماء في مخارج الحروف ثلاث مذاهب
الخليل بن احمد الفراهيدي وكتير من الي بتوع النحو والقارء انها 17 مخرج اما سيبويه والي معاه زي الشاطبي قال انها 16 مخرج اما قرطب والجرمي والفراء دول بقى قالو انها 14
يادي الهنا كل ده حنفهمه رحمتك يااااااااااارب
ولد بتقول ايه فين الكرباااااااااااج يالالالالالالالالالالالا
حفهم حفهم ورجلي فوق رقبتي
حنشوف المخارج السبعة عشر
الأول: الجوف وهو الخلاء الداخل في الحلق والفم ويخرج منه حروف المد الثلاثة الي هي: الواو الساكنةالمضموم ما قبلها والياء الساكنة المكسور ما قبلها والألف ولا تكون الا ساكنة ولا يكون ما قبلها الا مفتوحاً
الثاني: اقصى الحلق الي هو ابعده اخره يعني مما يلي الصدر وتخرج منه الهمزه والهاء
الثالث: وسط الحلق ويخرج منه العين والحاء
الرابع: ادنى الحلق مما يلي الفم ويخرج منه الغين والخاء
الخامس: اقصى اللسان مما يلي الحلق وما يحاذيه من الحنك الأعلى ويخرج منه القاف
السادس: اقصى اللسان مع ما يحاذيه من الحنك الأعلى تحت مخرج القاف ويخرج منه الكاف وبيقولو على الحرفين دول لهويان لخروجهما من قرب اللهاه
السابع: وسط اللسان مع ما يحاذيه من الحنك الأعلى ويخرج منه الجيم والشين والحروف دي بتسمى حروف شجرية عشان بتتطلع من شجر اللسان اي منفتحه
الثامن: احدى حافتي اللسان وما يحاذيه من الأضراس العليا ويخرج منه الضاد المعجمة وخروجها من الجهة اليسرى اسهل واكثر استخداماً ومن اليمنى اصعب واقل ومن الجانبين اعسر فهي اصعب الحروف مخرجاً
التاسع: مابين حافتي اللسان معاً بعد مخرج الضاد وما يحاذيها من اللثة اي لحمة الأسنان العليا ويخرج منه اللام
العاشر: طرف اللسان وخارجه خمسه وحروفه احد عشر حرفا فطرف اللسان وما يحاذيه من لثة الأسنان العليا تحت مخرج اللام
قليلا يخرج منه النون المظهرة واما المدغمة والمخفاة فمخرجهما الخيشوم
الحادي عشر: طرف اللسان مع ظهره وما تلا رأسه ويخرج منه الراء وهي ادخل الى ظهراللسان من النون وتسمى الأحرف الثلاثة ذلقيه لخروجها من ذلق اللسان الى طرفه
الثاني عشر: ظهر رأس اللسان واصل الثنيتين العليين ويخرج منها الطاء فالدال المهملتان فالتاء الفوقيه وبيقولوا مهملتان عشان ما فيهمش نقط اصل زمان كانت الحروف من غير نقط وجه عالم وعمل نقط للحروف والحروف ديه بسميها نطعية اي جلدة غاره
الثالث عشر: طرف اللسان مع ما بين الأسنان العليا والسفلى قريبة الى السفلى مع انفراج قليل بينهما ويخرج منهما الصاد والسين والزاي وتسمى هذه الحروف اسلية لخروجها من اسلة اللسان اي مستدقة
الرابع عشر: طرف اللسان مع اطراف الثنايا العليا وتخرج منها الظاء والذال والثاء وتسمى هذه الحروف لثويه لخروجها من قرب اللثة
الخامس عشر: بطن الشفة السفلى مع اطراف الثنايا العليا ويخرج منها الفاء
السادس عشر: الشفتان معاً وتخرج منهم الباء الموحدة والميم والواو الا انهما بأنطباق مع الميم والباء وانفتاح مع الواو وتسمى هذه الحروف شفويه لخروجها من الشفاه
السابع عشر: الخيشوم وهو فرق الأنف المنجذب الى الداخل فوق سقف الأنف وليس بالمنخر ويخرج منه الغنه
واخر الكلام يا حلوين حنقول ابيات من شعر جميل
مخارج الحروف سبعة عشر
على الذي يختاره من اختبر
فألف الجوف واختها وهي
حروف مد للهواء تنتهي
ثم لأقصى الحلق همز هاء
ثم لوسطه فعين حاء
ادناه غين خاؤها والقاف
اقصى اللسان فوق ثم الكاف
اسفل والوسط فجيم الشين يا
والضاد من حافته اذ وليا
لاضراس من ايسر أو يمنها
واللام أدناها لمنتهاها
والنون طرفه تحت اجعلوا
والرا يدانيه لظهر ادخل
والطاء والدال وتا منه ومن
عليا الثنايا والصفير مستكن
منه وفوق الثنايا السفلى
والظاء والذال وثا للعليا
من طرفيهما ومن بطن الشفة
فالفا مع اطراف الثنايا المشرفة
للشفتين الواو باء ميم
وغنة مخرجها الخيشوم
انا تعبت عايزة اروح اناااااااااام حكملكو بعديييييييييييين |
| posted by شهووووده @ 14.5.09 |
|
|
|
|
| ورتلناه ترتيلا(8) |
ايوا مين الي جايلي عا الصبح كده??!!! يييييييييه هو ايه اصله ده ايه الدوشة دي هو الواحد ما يعرفش يستريح في بيته شويه
ايه على مهلك على الباب ما انا جاية اهو
بني ادم مسلم:مين يا ماما
يألف مرحب اتفضلوا ايه يا ماما هو حضرتك مش عارفاهم دول لام ال ولام الفعل
الأم: يادي الهنا يادي الهنا انستم وشرفتم
معلش انا اسفة اصلي ماكنتش اعرفكم والي ما يعرفك يجهلك تحبوا تشربوا ياه شاي قهو قرفة بالجنزبيل
لام ال: متشكرين ياهانم احنا جاين حسب طلب بني ادم ابنكم بني ادم مسلم في مهمة محدده وما شين فوراً
ماما: طيب مش حعطلكم واسيبكم تكلموا شغل وربنا معاكم
لام الفعل : طب ايه رايك ياهانم تخليكي معانا وتسمعينا
بني ادم مسلم: ايوة صح اتفضلي حضرتك
طيب يا جماعة ممكن اتعرف بحضراتكم
انا لام ال وبيسموني لام التعريف وبعتبر زايدة عن بنية الكلمة فمثلا في كلمة زي المحسنين لو شالوا اللام مش حتبقى الكلمة صح لكن لو شالوها في كلمة زي الذي /التي الحالة دي حيتغير المعنى لكن في كلى الحالتين فأنا لام زائدة عن بنية الكلمة
بس احنا هنا بنتكلم عن الي يصح تجريدها او حذفها من الكلمة
فعندي حكمين اولهم الأظهارفي اربعة عشر حرفا ومجموع في كلمة ( ابغ حجك وخف عقيمه) الهمز/الباء/الغين/ الحاء/الجيم/الكاف/الواو/الخاء/الفاء/العين/القاف/الياء/الميم/الهاء)
خد عندك الأمثلة دي:( الأرض/البيت / الحليم/ الغفور/الجبار/الكريم/الودود/الخبير/الفتاح/العليم/القيوم/الملك اليوم/ الهدي)
وفي الحالة دي بيتسمى اظهار قمريا اذا جيت قبل حرف من الأحرف دي وجب اظهري وبتسمى لام قمرية
اما الموضوع التاني يا با اخينا فهو الأدغام في اوائل كلمات البيت الي جاي ده خد بالك اول حرف من كل كلمة مش زي الأولاني كل الأحرف
طب ثم صل رحماً تفز ضعف ذا نعم
دع سوء ظن زر شريفاً للكرم
الطيبات /الثواب/الصادقين/الرحمن/التواب/ الضالين/الذكر/الناس/الداع /السبع/الظانين/الزبور
/الشافعين/ الليل/)
لو جيت حضرتي قبل حرف من الحروف دية فيجب ادغامي وبيسمى ادغام شمسياً وبيسموني في الحالة دي لام شمسية
بني ادم مسلم: وايه اخبار لام الأسم الأصلية
لام ال:سؤال ممتاز بص يا سيدي لام الأسم الأصليه حكمها الأظهار مطلقاً يعني على طووووووول زي سلطان / سلسبيلا/والسنتكم والوانكم/)
بني ادم مسلم: يا لام الفعل حضرتك ساكتة ليه
لام الفعل: اظهاري واجب زي لام الأسم سواء الفعل ماضي زي التقى او مضارع زي يلتقطه او امر زي قل بس ده في حالة لو ما جاش بعرد لاماو راء والا وجب الأدغام للتماثل والتقارب
مثال( قل لكم/ قل ربكم)
بني ادم مسلم: طب متشكرقوي وتعبتكم معايا
لام ال ولام الفعل : اصبر ده في حاجة مهمة قوي كنا حننساها
اللام في الفعل اظهرت عند النون ولم تدغم مش احنا قلنا لام الفعل تظهر بس في احكام النون الساكنة زمان كنا بنقول ان اللام م تدغم مع النون ( يرملون ) فمش حينفع تدغم هنا( النون لا يدغم فيها حرف هي ادغمت فيه) ركزوا معيا يا بناااااااااات الهمة يا جدعاااااااااااان
اما بالنسبة للأدغام في كلمة زي الناس والنار فده لكثرة دورانها وزي لام الفعل في الأظهارمثلا : هل ترى /بل طبع ده في حالة لول ماجاش بعده راء او لام والا الأدغام واجب
مثال( هل لكم) (بل ران)لكن حفص ليه سكته لطيفة على لام بل
(كلا بل ران) وبالمناسبة ليه سكته لطيفه على الف عوجا من اول سورة الكهف وعلى الف (مرقدنا ) من سورة يسوعلى نون
(من راق) من سورة القيامة عشان الوصل من غير سكت يوهم خلاف المعنى والسكته بتشيل التوهم ده
واخيرا وليس اخرا اصل احنا دوشنا دماغك يااستاذ بني ادم مسلم وزهقنا الست الهانم الوالدة
حنقول ابيات التحفة ونستودعك الله
اللام أل حالان قبل الأحرف
اولاهما اظها فلتعرف
قبل اربع من عشرة خذ علمه
من( ابغ حجك وخف عقيمه)
ثانيهما ادغامها في اربع
وعشرة ايضاً رمزها فع
طب ثم صل رحماً تفز ضعف ذا نعم
دع سوء ظن زر شريفاً للكرم
واللام الأولى سمها قمرية
واللام الأخرى سمها شمسية
واظهرن لام فعل مطلقاً
في نحو قل نعم وقلتا والتقى
حنشو فكم الحلقة الجاية مع ايه ياترى
مش حقلك |
| posted by شهووووده @ 14.5.09 |
|
|
|
|
| ورتلناه ترتيلا(7) |
مين حضرتك ؟؟؟؟؟ عايز اناااااااااام
استاذ تجويد: ها ما فيش نوووم يابني ادم مسلم خلاص اتعرفت على النون الساكنة والتنوين احكامها
بني ادم مسلم: ايوة يا استاذ بس في مشكلة
استاذ تجويد : مشكلة ايه بس كفاالله الشر
بني ادم مسلم انا فهمت الحمد لله بس اصل مش بعرف أطبق
اصل الحكاية صعبة قوي
الأستاذ تجويد: لالالا ما تقلقش لما يجي وقت التطبيق ان شاء الله حيبقلنا كلام تاني
ولا يهمك بأذن الله مش حسيبك
بني ادم مسلم: بجد يا استاذ يعني حتعمل ايه
استاذ تجويد: لالالالالالالا مش حقلك ده سر
وربنا يقدرني عليه بس ما تعطلنيش دلوقتي وسيبني اعرفك على ضيف جديد ولا مش عايز
بني ادم مسلم: لأ عايز طبعا هو مين فين
يا حضرة الضيف اللطيف اتفضل في ناس عايزينك
لحظة لحسن عندي حوار صحفي :
مين الي بينده على انا جيت اهوووووووووووو
الميم الساكنة وصلت وسع يا جداااااااااااااااااااع وسعوا يابناااااااااااااااااااااااات
بس بس ايه الهليلة الي انتوا عاملينها دي
ابدا يا افندم بس اصل بني ادم الأستاذ بني ادم مسلم عايز يتعرف على حضرتك
الميم الساكنة: طيب طيب يعني مش شايف ان عندي حوار صحفي اسمع الحوار وانت تتعرف عليا
بني ادم مسلم: حاضر امري لله
الصحفي: يا افندم احنا يحصلنا الشرف اننا نتعرف بحضرتك فياريت تتكرم وتدينا نبذه عن سيادتك بس في اختصار
شديد لو سمحت
الميم الساكنة: اختصار يعني ايه يا اما اقول كل الي عندي واخد وقت زي ما انا عايزة يا اما انا ماشية وما فيش حوار صحفي وخلوا مجلتكم تتحرق
الصحفي: لا يا افندم حنا تحت الأمر ورهن الأشارة
الميم الساكنة : ايوة كده قال اختصار قال
اسمي الميم الساكنة
واول احكامي: الأخفاء مع حرف واحد الي هو الباء بس من غير ماننسى الغنه
في حال لو جيت وبعدي باء لازم يكون الحكم اخفاء واسم اخفاء شفوي عشان بيطلع من الشفايف
مثلا ( يوم هم بارزون) ( إليهم بهديه)
والأخفاء ملازمني مع حرف اباء لييييييييييه
عشان احنا مشتركين في المخرج ومتاجانسين في بعض الصفات اصل يا جماعة الأظهار تقيل علينا والأدغام كمان تقيل
والتحفة بتقول
فالأول الأخفاء عند الباء
وسمه الشفوي للقراء
الصحفي : بيشوف الساعةوزهقان
والميم الساكنة ولا مهتمة بتكلم بكل هدوء
اما الحكم الناني وهو الأدغام ويا سلام على الأدغام
لما يبقى مع الميم الساكنة وفي حرف واحد الميم وبس
ايوة الميم مع الميم وبيسموه ادغام مثلين صغير مثال( خلق لكم مافي الأرض)
كلام التحفة بيقول
والثاني ادغام بمثلها اتى
وسم ادغام صغير يا فتى
اخر حاجة الأظهار مع بقيتالحروف الستة وعشرين هو واجب بس من غير غنة
مثال( تمسون) في كلمة وحده وفي كلمتين( لعلكم تتقون) بس لاحظ في حاجة صاحب التحفة نبه على حكاية الأظهرا مع الفاء والواواصل في ناس بتخفي حرف الفاء مع الميم الساكنة اوعى ده غلط وكمان الواو عشان هما ليهم نفس المخرج
والثالث الأظهار في البقية
من احرف وسمها شفوية
واحذر لدى واو وفاء ان تختفي
لقربها والأتحاد فاعرف
اشكركم انا كده خلصت كل الي عندي
الصحفي: متشكرين جدا يا افندم وفرصة سعيده
كانامعكم مع حوار مباشر وعلى الهواء مباشرة مع الميم الساكنة من قناة ورتلناه ترتيلا
|
| posted by شهووووده @ 14.5.09 |
|
|
|
|
| ورتلناه ترتيلا(6) |
النون الساكنة:حان وقت الوداع
بس قبل ما اودعكم لازم اعرفكم بأخر اصدقائي وهو الأخفاااااء
النون الساكنة: يا اخفاء تعالى الأستا بني ادم مسلم عايز يتعرف
الأخفاء : ايه في ايه ما اني مستور وفي حالي اهو عايزين مني ايييييييه
النون الساكن هما كلمتين وحنمشي على طول
الأخفاء: هاااااا عايزين ايه قولوا
النون الساكنة : لأ حضرتك الي حتقول وتكلم الأستاذ
بني ادم مسلم: ايوا يا استاذ اخفاء ارجوك تعرفني بنفسك ده انا حكون سعيد قوي
الأخفاء : امري لله ولو
انا في اللغة بيقولوا عني الستر ( سترت الشيئ يعني اخفيته)
اما في الأصطلاح : نطق الحرف بصفة ما بين الأظهار والأدغام بغنه يعني انا بين البينين لا انا زي الأظهار الحرف بيطلع واضح زي ماهو ولا انا زي الأدغام بلتقي ببقى زي الحرف التاني زي ما اتعرفنا على صحابنا الأولانين
وليا خمسة عشر حرف
بني ادم مسلم:
الأخفاء: ايه مالك ما تنحليش الله يخليك هي مش حروف اللغة العربية 28 منها ست ادغام(يرملون) وست اظهار همز فهاء ثم عين حاء مهملتان ثم غين خاء) والأقلاب ليه حرف واحد هو الباء . يبقى خلاص فاضل 15 حرف دول تبعي
بني ادم مسلم: ايه هما ايه هما
الأخفاء بس اهدى بقى وبطل دوشه اهم موجودين في بيت الشعر ده:
صف ذا ثنا كم جاد شخص قد سما
دم طيباً زد في تقى ضع ظالما
اول حرف من كل كلمة مش كله
يعني ( الصاد/الذال/الكاف/ الجيم/الشين/القاف/ السين/ الدال/ الطاء/ الزاي/ الفاء/ التاء/ الضاد/ الظاء)
بني ادم مسلم: ما فيش امثلة
الأخفاء: طبعا في
( منصورا/أن صدوكم/ريحاً صرصرا/منذرين/من ذكر/سراعاً ذلك/منثورا/من ثمرة/جميعاً ثم/ينكثون/من كل/عاداً كفروا/انجيناكم/
أن جاءكم/شيئاً جنات/المنشئون/لمن شاء/عليم شرع/أندادا/من دابة/قنوان دانية/ينطقون/من طيبات/صعيدا طيباً/فأنزلنا/فأن زللتم/يومئذ رزقا/انفروا/وان فاتكم/عمي فهم/ منتهون/من تحتها/ جنات تجري/منضود/ومن ضل/ينطقون/مسفرة ضاحكة/انظروا/من ظهير/ظلاً ظليلاً) .
وقبل ما انسى عايز اقولك ان ليا 3 مراتب
1 اعلى عند الطاء والدال والتاء
2 ادنى عند القاف والكاف
3 واسط عند الباقين
والتحفة بتقول
والرابع الأخفاء عند الفاضل
من الحروف واجب للفاضل
في خمسة من بعد عشر رمزها
في كلم هذا البيت قد ضمنتها
صف ذا ثنا كم جاد شخص قد سما
دم طيباً زد في تقى ضع ظالماً
بني ادم مسلم:يا نهار ابيض كل ده ولسه الدروس الأولانيه حفظهم ازايييييي
الأخفاء: يا سلالالالالالام جد اجتهد زانت بأذن الله حتفهم
ودلوقتي اقدر اودعكم واقول في امان الله كده خلص الجزء الأول
من النون الساكنة والتنوين وفاضل ولا بلاش خليها مفاجأه
على فكرة الدرس الجاي حنتكلم في موضوع تاني اشوفكو الحلقة الجاية ما تقلقوش كله بأذن الله حيبقى تمام |
| posted by شهووووده @ 14.5.09 |
|
|
|
| الأربعاء، مايو 13، 2009 |
| ورتلناه ترتيلا(5) |
جيت اهو وجبتلكو معايا ضيف خفيف قوييييييييي
عارفين هو مين
مش حقول فكر فكر
بني ادم مسلم:
ما تقول حيرتني
انا انا الأقلاب
وليا حرف واحد هو الباااااااااااااااااااااء مافيش غيروا
لما بيعرفوني بيقولوا عني في اللغة: تحويل الشيئ على وجهه
وفي الأصطلاح: جعل حرف مكان اخر يعني تحط حرف مكان حرف في النطق بس اوعى تعك الدنيا
يعني تقلب النون الساكنة والتنوين ميما مخفاة بس تاخد بالك من الغنه مش تلغيها لازم تبقىموجودة وكمان تاخد بالك من الأخفاء حاسب تغلط ارجوك
بني ادم مسلم: طب ممكن بعد اذنك تديني شوية امثلة من القأن الكريم عشان لما اطبق اعرف انا بقول ايه
الأقلاب : بس كده غالي والطلب رخيص خد عند يا استاذ
في كلمة واحد( انبئهم وتتقري امبئهم اهي الباء بقت ميم بس لازم تبقى مخفاه) وفي كلمتين( ان بورك وتقراها امبورك ) بقلك ايه هي مش بتتكتب كده واوعى تحتار لما نطبق حنفهم اكتر ولما تسمع اشرطه القرأن حتعرف قصدي
وفي التنوين مش ينفع غير في كلمتين زي( سميع بصيرا وبتتقري سميعمبصيرا) وفي كل الأحوال اوعى تسيب الغنه ولا تشيل الأخفاء لحسن ازعل منك واشتكيك للأخفاء ومش اخليه يشرحلك هو بيعمل ايه مع النون الساكنة والتنوين
سلالالالالالالالالام
لحظه لحظه حضرتك نسيت تديني ابيات التحفة الي بتوصف جنابك
الأقلاب: ايو ة صح يا حضرة الأستاذ بني ادم مسمل انت بقيت ذكي قوي ومركز بسم الله ما شاء الله
خد عندك التحفة بتقول
والثالث الأقلاب عند الباء
ميماً بغنة مع الأخفاء
اشوفكو الحلقة الجاية في امان الله
|
| posted by شهووووده @ 13.5.09 |
|
|
|
|
| ورتلناه ترتيلا(4) |
هااااااااااااااا يا استاذ بني ادم مسلم عايز ايه طيب حاضر حشرحلك حكمي التاني الي هو اناااااااااااا الأدغام
اهلا اهلا هو حضرتك وصلت اهو معاك اهو خليه يعرفك بنفسه
الأدغام:ايه مين الي عايزني
بني ادم مسلم: انا نفسي اتعرف على حضرتك من زمان ممكن تكلمني عن نفسك شويه
ادغام/ بس كده من عنيا
شوف يا باشا ليا تعريفنين واحد لغوي وهو الأدخال
واصطلاحي الي هو : التقاء حرف ساكن بأخر متحرك فيصيرا حرف واحد مشدد من جنس الحرف الأخير يعني زي الحرف الأخير, يرتفع اللسان عنهما ارتفاعه وحده
وبتجمع في ست حروف مجموعين في كلمة( يرملون)
بس ايه ليا طريقتين الأولانيه
ادغام بغيرغنه كامل في الراء واللام
بني ادم مسلم:يعني ايه غنه
الأدغام: ما تصبر على رزقك ومش تقاطعني
بني ادم مسلم: حاضر حاضر اتفضل كمل
الأدغام كنت بقول ان الأولاني ادغام بغير غنه كامل ليه بقى عشان :عشان الحرف والصفة راحوا
يعني ايه يعني يا حضرت انك لما تقرا كلمة في القرأن الكرم زي (من لدنه ) بتقول ملدنه من غير ما تغن شفت انت شلت النون ازاي وكمان ما فيش غنه
ودي الأمثلة بتاعته:(من لدنه)(يومئذ لخبير( تنوين))
( ملدنه / يومئذلخبير)اهو التنوين راح اهو وفضلت الراء بس ما فيش غنه كمان
وفي الراء( من ربهم )
(وثمرة رزقا) في حالةالتنوين
حنقول (مربهم/ وثمرتررزقا )
على فكرة ده مثل في النطق بس مش بتتكتب كده
لما تسمعها حتفهمها اكتر ماشي الكلام
وحضرتي ليا اوجه في الحروف الستة
التماثل في النون والتجانس مع الواو والياء في الأنفتاح والأستفال والجهر . وماضارعتهما النون والتنوين باللين الذي فيهما لشبهه بالغنة وعشان الواو من مخرج الميم ادغم فيها ادغام كما ادغم في الميم ثم ادغم في الياء لشبههابما اشبه الميم وهو الواو وادغم في اللام والراء للتقارب في المخرج وفي اكثر الصفات اما سبب حذف الأنسه غنه هنا هو المبالغة في التخفيف مع اللام والراء واسبابي انا الأدغام 3
1) التماثل
2) التقارب
3) التجانس
مش تقلق حتفهم ان شاء الله وحده وحده لما نبتدي نطبق
بني ادم مسلم
والثاني ناقص بغنه وقالوا عليه ناقص عشان : عشان الحرف راح والصفة فضلت موجوده وبيتجمعوا في كلمة ( ينمو) خد عندك الأمثلة دي( من نعمة/ من ولي/من يقول/وبرق يجعلون/يومئذ ناعمة) وتتقري بالطريقة دي( مولي / ميقول وبرقيجعلون) وزي ما قلت لما نسمعها حتوضح اكتر
بني أدم مسلم:
وخد عندك بيت الشعر ده من التحفة :
والثاني ادغام بستة اتت
في يرملون عندهم قد ثبتت
لكنهما قسمان قسم يدغما
فيه بغنة ينمو علما
الا اذا كان بكلمة ليلا
تدغم كدنيا ثم صنوان تلا
والثاني ادغام بغير غنة
في اللام والراء ثم كررته
بس الأدغام لازم يبقى في كلمتين
وخد بالك في كام كلمة كده بس مش ينفع فيهم الأدغام لازم يبقى اظهارمطلق هاااااااا مطلقاديني بقلك اهو مش حلقي ولا شفوي مش متعلق لا بحلق ولا بشفه اوعى تغلط وتعك الدنيا
الكلمات دي هي:( دنيا /صنوان/ قنوان/ وبنيان) اربعه مالهاش خامس في القرأن
يعني مش ينفع نقول قوان ولا بيان ولا صوان ولا ديا ده كده يبقى اخر لخبطه اوعي وركز
وعارف ليه مش تدغم
عشان ماتتلخبطش وماتعرفش تفرق ياترى هي من الدني والصنو ولا من الدي والصو واخد بال حضرتك
بني ادم مسلم: اه واخد بالي بس لازم اطبق
الأدغام:ده شغلك بقى
ما تنحليش وركز وانت بتقرا واوعى تفتكر اني خلصت على كده بس كده كفايه عليك
سلام عليكوووووووو في الحلقة الجاية |
| posted by شهووووده @ 13.5.09 |
|
|
|
|
| ورتلناه ترتيلا(3) |
بني ادم مسلم: ياترى هما فين هما فين يا انسة ميم ساكنه شفتي الأنسة نون ساكنه وتوأمها التنوين
الأنسه :ميم ساكنه: لا ما شفتهاش روح دور عليها وماتعطلنيش
وريا درس
النون الساكنه : مين بينده عليا انا هنا في حد عايزني
بني ادم مسلم: انا انا عايزك بقالي ساعة بدور عليكي
النون الساكنة : ايوة يا استاذ اي خدمة
بني ادم مسلم: بحاول اقر الكلمة دي من القرأن"ينحتون" قالولي انت بتقراها غلط ولازم تروح للنون الساكنة عشان تعلمك ترقرا الكلمة دي ازاي وكما كلمات تانية كتير غيرها ممكن حضرتك تساعديني
النون الساكنه : طبعا طبعا من عنيا هو انا افديك الساعه
بص يا سيدي انا بيسموني النون الساكنة عشان ما فيش علي حرمة لاضمة ولاكسره زي لما ببقى في عن ,من وبكون في الأسم والفعل والحرف في النص وفي الأخر واختي التوأم اسمها التنوين وهي نون ساكنة زايده بتيجي في اخر الأسماء لفظا يعني نطق بس مش بتتكتب زيي واحنا الأثنين لينا اربع احكام
في حاجه اسمها الأظهار وتعريفها اللغوي: هو البيان والأصطلاحي
هو: اخراج كل حرف من مخرجه الصحيح مع اعطائه حقه ومستحقه من الصفات من غير غنه في الحرف المظهر والحروف هنا سته : الهمزه والهاء والعين والحاء والغين والخاء وبتكون الحروف دي معايا( النون الساكنه) في كلمة وكلمتين ومع اختي التنوين في كلمتين ومش بتكون في كلمة واحده على سبيل المثال( ينأون/من امن/منهم/من هاد/انعمت/ بنحتون/من حاد/فسينغضون/من غل/المنخنقه) اما الأنسة تنوين اختي توأمي فالأمثله بتاعتها اهيه( جرف هار/خلق عظيم/ عليم حكيم/قولا غير /يومئذ خاشعه) بس العله في اظهار النون والتنوين عند الأحرف دي ان المخرج بعيد يعني ان مخرج ان مخرجي انا واختي التنوين بعيد عن مخرج حورف الحلق فأنا والتنوين بينخرج من طرف اللسان اما الحروف السته فمخرجهم من الحلق ومراتب الأظهار ثلاثة
1) اعلى عند الهمزة والهاء
2) اوسط عند العين والحاء
3) ادنى عند الغين والخاء
واليك مني شاهد التحفة على الأظهار
للنون ان تسكنا وللتنوين
اربع احكام فخذ تبيينى
فالأول الأظهار من قبل أحرف
للحلق ست رتبت فلتعرف
همز فهاء ثم عين حاء
مهملتان ثم غين خاء
كده اديتك او احكامي وهو الأظهار والمرة الجاية حكلمك على
الأدغام بس ياريت تحاول تطبق الحكم ده وانت بتقرا القرأن متفقين سلام عليكم |
| posted by شهووووده @ 13.5.09 |
|
|
|
|
| ورتلناه ترتيلا(2) |
حنتعرف على مين النهاردة
وبعد ما حضرت الأستاذ بني ادم مسلم أتعرف على استاذ تجويد وعرف :
تعريفه لغة واصطلاحا وماحكمة وفائدته وحق الحرف ومستحقه وأقسامه ومراتب القراءة فضل وبقوا أصحاب وكله تمام
قرره يزروه في بيتهم عشان عايز يتعرف على حكم من ضمن الأحكام الجميلة اسمه الاستعاذة
ما هو الأستاذ بني آدم مسلم فضل يفكر ازاي قرا الأستعاذه صح فلقى مافيش حل غير انه يتعرف بيها شخصيا وهي تقله
بني ادم مسلم : الو السلام عليكوووو ازيك يا استاذ تجويد ممكن من فضلك تعرفني بالآنسة استعاذة
استاذ تجويد حاضر غالي والطلب رخيص الآنسة استعاذة عندي اهي حديهاللك تكلمها
استعاذة: السلام عليكم ازي حضرتك يا استاذ بني آدم مسلم
بني ادم مسلم: الحمدلله يا انسة استعاذة ممكن تعلميني حضرتك اقولك ازاي عشان مش بعرف
استعاذة : انا الاستعاذة وليا اربع احكام ومن اسمي إبليس بيخاف وياخد ديله في سنانه ويجري وبده ربنا اكرمني عايز تعرفني تعالى زورني وتلاقي الي يرضيك
بني ادم مسلم يروح للاستعاذة في بيتها عشان يعرف ويتعلم
يخبط على الباب
السلام عليكم تفتح استعاذة
بني ادم مسلم ممكن تتكرمي وتعلميني ارجوووووووووووووكي
استعاذة حاضر حاضر من عنيا
بص يا أستاذ بني ادم مسلم
انا ليا زي ما قلت اربع أحكام
اولها: قطع الجميع يعني مثلا لو بتقرى في سورة على سبيل المثال ( مش الفاتحة وبس بس ده مجرد مثل) تروح قاري أعوذ بالله من الشيطان الرجيم وتستنا حبه بسم الله الرحمن الرحيم وكمان حبه الحمد لله رب العالمين
وثانيها: قطع الأول ووصل الثاني بالثالث ازاي بقى
يعني تقول أعوذ بالله من الشيطان الرجيم وتروح ساكت حبه صغيرين وتقول بسم الله الرحمن الرحيم الحمد لله رب العالمين على طول
ثالثها: توصل الأول الي هوانا الأستعاذة بالثاني الي هو البسملة وتتقف على الثالث الي هو بداية السورة
اما الرابعة وصل الجميع يعني ايه يا استاذ بني ادم مسلم وصل الاستعاذة بالبسملة والبسملة بأول السورة
يعني لما حضرتك تقرا الفاتحة مثلا تروح قايل
اعوذ بالله من الشيطان الرجيم بسم الله الرحمن الرحيم الحمد لله رب العالمين مع بعض من غير ما تفصل بين واحده والتانيه
وليا بين كل سورتين 3 اوجه الي هما قطع الجميع
2 قطع الأول ووصل الثاني بالثالث
3 وصل الجميع , واما بين الأنفال وبراءة فلك الوقف والسكت والوصل دون البسملة
ها فهمت يا استاذ
بني ادم مسلم: ايوه الحمدلله فهمت بس عايز اعرف ايه احكام النون الساكنه والتنوين
استعاذة: انا الأستعاذة لو عايز تتعرف على النون الساكنة واختها التنوين روح دور عليهم يلا ما تعطلنيش انا وريا طلاب غيرك
سلام عليكوووووووووو |
| posted by شهووووده @ 13.5.09 |
|
|
|
|
| ورتلناه ترتيلا(1) |
ياترى لو فن التجويد كلم البني ادم المسلم الي مش بيعرف يقرا القرأن صح وما كانش حتى بيحاول يتعلم ومكسل وفجأه حس ان الوقت بيضيع وانه لازم يلحق القطر قبل ما يفوته وقرر يتعرف علىالأستاذ تجويد ويكلمه ويتعلم منه يا ترى في الحاله دي ايه الحوار الي ممكن يدور بينهم
بني ادم مسلم: يا استاذ تجويد انا عايز اقرا قرأن بس مش بعرف اعمل ايه
استاذ تجويد: لازم الأول نبتدي بخطوات بسيطه واحده واحده يعني النهاردة مثلا حنتكلم في مبادئ في
التجويد
استاذ تجويد: يا مبادئ فن التجويد الأستاذ بني ادم مسلم عايز يتعرف على حضراتكم
مبادئ فن التجويد يرد ويقول انا:
احنا مبادئ فن التجويد
تعريفنا: التجويد
انا اللغة والمعنى فيا : التحسين ,يقال هذا شيئ جيد أي حسن , وجودت الشيء اي احسنته
اناالأصطلاح : وفيا بيخرج كل حرف من مخرجه الصحيح واعطائه حقه ومستحقه من الصفات حق الحرف هو صفاته الذاتية اللازمة كالجهر والشدة والاستعلاء والأستفال والغنة وغيرها فأنها لازمة لذات الحرف ولا تنفك عنه فأن انفكت عنه ولو بعضها كان لحنا , ومستحقه صفاته العرضية الناشئة عن الصفات الذاتية كالتفخيم وكالترقيق فأنه ناشئ عن الاستفال هكذا
بني ادم مسلم: وياترى ايه احكامك
استاذ تجويد:الحكم يتفضل يتكلم:
انا الحكم انا هنا .....العلم بيا فرض كفاية , والعمل بيا فرض عين على كل قارئ على كل قارئ مسلم ومسلمة لقوله تعالى( ورتل القرآن ترتيلا)
موضعي: الكلمات القرآنية
فضلي: أنه من اشرف العلوم و أفضلها لتعلقه بأشرف الكتب واجلها
واضعي : أئمة القراءة
استمدادي: من الكتاب والسنة
اسمي : علم التجويد
مسائله: قواعده وقضاياه الكلية التي يتوصل بها إلى معرفة أحكام الجزئيات
غايتي: صون اللسان عن اللحن في كلام الله تعالى
اللحن ده شيئ مش جميل و ييأدي لخطأ جليل
يا لحن قلي ايه الي بتعمله في الي بيقرا بطريقتك
اللحن : اخليه يغلط ويميل عن الصواب وليا اصحاب اتنين جلي وخفي
الجلي: خطأ يطرأ على الألفاظ فيخل بعرف القراءة سواء أخل بالمعنى أم لا كتغيير حرف بحرف أو حركة بحركه . فالأول كإبدال الطاء دالا أو تاء بترك الاستعلاء , والثاني كضم تاء أنعمت أو فتح دال الحمد لله , وسمي جليا اي ظاهراً لاشتراك القراء وغيرهم في معرفته .
الخفي: وهو خطأ يطرأ على الألفاظ فيخل بالعرف دون المعنى , كترك الغنة وقصر الممدود ومد المقصور وهكذا , وسمي خفياً لاختصاص أهل هذا الفن بمعرفته والأول أي الجلي حرام يأثم القارئ بفعله : والثاني , أي الخفي مكروه ومعيب عند أهل الفن وقيل يحرم كذلك لذهابه برونق القراءة.
بني ادم مسلم : يا استاذ تجويد انت ليك طريقة واحدة وبس
استاذ تجويد: ازاي انا ليا اربع اساليب
اولها الترتيل: : وهو القراءة بتؤدة واطمئنان واخراج كل حرف من مخرجه مع إعطائه حقه ومستحقه مع تدبر المعاني
وثانيهاالتحقيق: وهو مثل الترتيل الا انه أكثر منه اطمئناناً وهو المأخوذ به في مقام التعليم
وثالثها الحدر: وهو الإسراع في القراءة مع مراعاة الأحكام .
ورابعها التدوير: وهو مرتبه متوسطة بين الترتيل والحدر
وياسلام على الترتيل الي نزل بيه القرآن
قال تعالى " ورتلناه ترتيلا"
بني آدم مسلم: يا استاذ تجويد بس انا عايز اقرا قرأن صح وابقىفريرة وزي الفل وابقى مع السفرة الكرام البررة
الأستاذ تجويد: الصبر جميل وبالجد ولاجتهاد كله حيبقى تمام وللحديث بقية سلالالالالالالالالالالالالالالام
|
| posted by شهووووده @ 13.5.09 |
|
|
|
| الأربعاء، مايو 06، 2009 |
| اميبا في بيتي الأخيرة |
اميبا في بيتي الأخيرة
المكان : في الطريق الى الأمعاء الدقيقة
المنظر: الأنتاميبا اللي كانت هربانة مربوطة بحبل جوا شوال بتخبط بأديها ورجليها ..الزحرور شاددها وراه .. الأنتاميبا الأم ماشية وراهم في صمت والدمعه حتفر من عنيها..
الحوار: الأنتاميبا الأم: ما تفتحلها الرباط شوية يا اخويا ... الهي يفتحلك بطن كل بني ادم تخش في امعاءه الدقيقة تبلبط فيها زي ما يعجبك .. ولا يوقف في وشك ايد مغسولة.. ولا خضار نظيفة ...........
الزحرور: اكتمي خالص ياوليه لااقطع خبرك...
الأنتاميبا الأم: لا خلاص حكتم خالص .. اهووو...
وفي سرها( الهي يوعدك بحمة شوكيه تجيب اجلك يامفتري )
الأنتاميبا المحبوسة: ياااااامة عصافير بطني بتصوصو كلمي اخوكي.. عايزة عصير جوافة وساندوكتش همبرجر.. ومافيش مانع لو في كاتشب وهوت صوص..
الأنتاميبا الأم: يابت اسكتي خلي ليتك تعدي على خير
الزحرور: من عنيا يابنت اختي ده انا حأكلك بـأديا
الأنتاميبا المحبوسة: الا ايه طقم الحنيه اللي نازل على اخوكي ده ياماما..
الأنتاميبا الأم: حنية السل الرئوي على البني ادمين ..
الزحرور: ادينا وصلنا .. انزلي من تحت عقب الباب وافتحيلنا
الأنتاميبا الأم: حاضر يا اخويا.. بس قلي ناوي على ايه .. ليطمئن قلبي
الزحرور: جاك خابط في قلبك .. افتحييييييييي
الأنتاميبا الأم : سنانها بتخبط في بعض وصوابعها بتترعش...
طيب طيب.. بس ما تزعلش نفسك
تخش الأنتاميبا الأم من تحت عقب الباب وتفتح....
المكان :شقة بني ادمين( مطبخ واسع.. ثلاجة.. سلة خضار .. سلة فاكهه... عيل صغير.. اب وام..)
الأكل يتحط على السفرة.. سلطة خضرا بترابها.. شوية جرير.. على سلطة بقدونس .. مش مغسوله كويس.. وشوية فول وطحينة .... تفاحه مطينة بطين
العيل طالع من الحمام وايديه وسخه يمسك خساية ويقزقز فيها .. الأم تقطع اللحمة بسكينه معفنه وشوية تلعب في مناخيرها .. تطلع تفاحه من جيب مريلة المطبخ تقرقش فيها.. الأب جاي من الشغل داخل على المطبخ عـ الأكل من غير ما يغسل ايديه ...
الأنتاميبا المحبوسه بتبصلهم بقرف من خرم صغير في الشوال
الأنتاميبا المحبوسة: ياي دي عيله مقرفة.. افففف..
الزحرور: سكتي بنتك لحسن بضهر ايدي على وشها عدل...
الأنتاميبا الأم: تكتم نفس الأنتاميبا البنت ......
الزحرور: العيلة الجربنانة دي ياشاطرة هيا اللي حترجعك لبيتك اللي هربتي منه....
الأنتاميبا البنت تعض أيد الأم: ومين قالك اني عايزة ارجع يازحرور الهم ...
الزحرور: وبتقلي ادبك كمان... ان ما وريتك اما نخش بس
الأنتاميبا الأم: قلبك ابيض يااخويا.. هيا حرمت خلاص مش كده يابت؟؟
الأنتاميبا البنت: لأ مش كده .. وبعدين حيعمل ايه يعني حيموتني.. احسن ما ارجع للبيئه العرة بتاعتكم
الزحرور: تبقى في ايدي ومحبوسة في شوالي وتقلي ادبك عليا ...
وينزل فيها ضرب .. اقلام على بوكسات .. .. الأم تحاول تحوشة عنها فينوبها من الحب جانب...
الأنتاميبا البنت:برضه ولا يهمني.. قال عايزني ارجع عشان يجوزني ابنه المعفن.. وياخد ورثي من دادي... مش داخله
الزحرور: حتخشي يعني حتخشي...
ويروح مطلعها من الشوال ولازقها في ورقة جرجير ماسكها الولد الصغير
تروح الآنتاميبا موشوشة الواد:
يلا ورايا
هات صابونايه
وادعكها في ايدك
ميه نظيفه
حلوة ظريفة
تلاقيها في بيتك
الواد يطنش وياكل الجرجير من غير ما يغسل ايده!!
الأنتاميبا تنط من ورقة الجرجير .. يمسكها الزحرور.. يلزقها في التفاحه..
تمسك ودان الأم:
عاملة وليمة فول وطحينة
مش غاسلة ايدك
كم خساية وبقدونساية
وتفاحة في جيبك
كل بطينه مش غاسلينه
ولا فارقة معاكي
الأم (ست البيت)
ترد بعصبية وجليطه..
سيبوني في حالي
عـ الـ في بالي وحربي عيالي
تجيلي اميبا..يوة بلا خيبة
ولا تيجي في بالي
الأب مقموص من الحشرية بتاعة الأنتاميبا وامها:
سيبونا في حالنا
ولا على بالنا
وحتربي عيالنا
تجيلنا اميبا
تبقى مصيبة
لينا ولعيالنا
الأنتاميبا الأم والبنت مزبهلين من القذارة الرهيبة في العيلة دي!!!!
حاجة عجيبة
عيلة غريبة
لابيغسلوا ايدهم
ولا فاكهتهم ولا خضرتهم
حتى في يوم عيدهم.....
الزحرور: وانت مالك يا حشرية انت وهيا .. ويمسك الانتاميبا الام فـ ايد والبنت ف ايد ويلزقوا هما الثلاثه في سلطة البقدونس ..
الانتاميبا البنت تحاول تهرب .. لكن مافيش فايده..
الزحرور مسكها جااااااامد.. الاب ياخد بقدونس على شوية جرجير.. تدخل الانتاميبا الام في بطنه
العيل ياخد سلطه خضرا.. ينط الزحرور ومعاه الانتاميبا البنت .. فـ السلطه ... وهمممممممممم.. يدخلوا الاثنين في بطن الواد....
الأميبات والأنتاميبات : يكونوا مجهزين حفل استقبال كبيييييييير للأنتاميبا الصغنونة الهربانة...
معلقين الزينه .. ومالين الدنيا زغاريد.....
الأنتاميبا مكشرة وقرفانه منهم
الزحرور يشدها من شعرها: خشي يا بت سلمي على حماتك..
الأنتاميبا الصغنونة: حماتي؟؟ الأميبا العجوزة دي حماتي انا.... نو نو نو موش من مستوياااااااا ....
الزحرور: البت دي باين عليها مش حتجيبها البر
الأنتاميبا الحماة: سيبهالي يا زرزورتي .. وما تحملش هم
الأنتاميبا الحماة تاخد الأنتاميبا الصغنونة.. وتشيكها وتأنتكها وتلبسها فستان الفرح .. وياعيني الأنتاميبا الصغنونة حتموت نفسها من العياط والمكياج يبوظ..
الأنتاميبا الحماة: ما تهمدي يا بت .. خليني اعرف اجهزك لعريسك.. لحسن اخلي خالك يحبسك انفرادي.. وانت عارفه الباقي...
الأنتاميبا الصغنونة: لا يا حماتي بلاش انفرادي الهي ما يحبسلك جته..
بس انا عايزة اقول حاجة..
الأنتاميبا الصغنونة: هيا العروسة ليلة زفتها مش بتبقى محتاجه ماماتها تبقى معاها.. انا عايزة مامااااااااااااااااميييييييي..
الأنتاميبا الحماه: وانا اجيبلك مامي منين دلوقتي؟؟ يا زحرورو.. البت عايزة امها...
الزحرور: تفكير عميق :اممممممممم .. امك في بطن الراجل .. يعني اشق بطنه واجيبهالك..
الأنتاميبا الصغنونة: ماليش دعوه مش حتجوز ابنك .. عايزة مامي .. عايزة مامي وتخبط برجليها...
الزحرور : بسسسسسسسس... هششششششش انا حتصرف .. اخرسي
ويروح الزحرور لبق الواد ...... وينط منه لبق الراجل ويخش بطنه.. ومن الأمعاء الدقيقة .. يلاقي الأم قاعدة ورابطه دماغها وبتولول على بنتها
الأنتاميبا الأم: ضاعت مني تااااااني يااخواااااااتي..
اه يااااااااني يا بنتي .. اشوف فيك يوم يازحرور...
منك لله يا بعيد.. هاتولي بنتيييييييييييييي
الزحرور: يطبطب عليها .. بنتك معايا يا ختي.. تعالي معايا وانت تشوفيها .. وتحضري زفتها كمان...
الأنتاميبا الأم: بجد يا اخويا .. حشوف بنتي .. ايوة ياوليه .. يلا بسرعه ما فيش وقت قبل ما الراجل ما يقفل بقه...
وياخد الأم ويطلع من بق الراجل ويخش فـ بطن الواد.....
الزحرور: انا جبتلها امها.. خلصونا عايزين الفرح يعدي على خير....
الأنتاميبا الحماه رجليها مكسوره وعنيها حمرا.. وهدومها متقطعه..
الأنتاميبا الأم: ايه اللي عامل فيكي كده يا حمات بنتي؟؟
الأنتاميبا الحماه: حماة بنتك.. حمى الدبب.. انا اجوز الفك المفترس ده لأبني.. ده بعدكوووووووو....
الأنتاميبا الأم: قال يعني روميوا .. بلا خيبة.. اشحال لو ما كنتوش طمعانين في ورث البت
الأنتاميبا الحماه: ورث ايه يا ا م ورث ..اللي في علب التحاليل.. ولا اللي بيتشد عليه السيفون...
ويمسكوا في شعر بعض .. وبالأطباق والحلل .. الزحرور مش عارف يحوشهم عن بعض....
العروسة عايزة تهرب ..... يجي العريس اخر وسامه وضارب بدله سالفها من عند المكوجي .. يلحق العروسة.. ومن كثر الشياكة الأنتاميبا
ما تعرفش هو مين .؟؟
العريس: انت مش عارفاني ياست الأميبات انا عريسك ....
الأنتاميبا الصغنونة:.انت ابن خالي؟؟؟ من امتى الشياكه دي يا واد؟؟
العريس: من يوم ما شفتك ياقمري... تجوزيني؟؟؟
الأنتاميبا الصغنونة مكسوفة ووشها احمر : حتعيشني في الساحل الشمالي
العريس: من عنيا يا نور عنيا
الأنتاميبا الصغنونة اطلب ايدي من مامي...
العريس يروح لعمته ماسك عروسته في ايده..و ف وسط الخناقه..
العريس: عمتي انا طالب القرب منك.. في ميمي
الأنتاميبا الأم : عمتي؟؟! تطلع مين حضرتك؟؟
الأنتاميبا البنت:.. ده ابن اخوكي.. بعد التعديل يامامي
الأنتاميبا الأم: انعم واكرم.. طيب سيبوني افكر
الأنتاميبا العروسة والعريس: وافقي يا عمتي.. عشان خاطري ياماماااااااا
ويتحايلوا عليها لحد ما توافق..
الأنتاميبا الأم : شفتي العيال يا ختي .. طلعوا عنينا . وهما اللي بيتحايلوا علينا دلوقتي...
الأنتاميبا الحماه:ابتسامه صفراء.. ايوه يا اختي شايفة .. جيل الدوش والعنكبوتر...
ينفض الفرح كله يروح بيته .. والعروسة للعريس...
العروسة: انت حتوديني الساحل الشمالي امتى؟؟
البدله الجربانة تطلع من الدولاب .. المكوجي يخبط على الباب ياخد بدلة الفرح ... الريحه المعفنة ماليه البيت
العروسة : ايه الريحه دي .يععععععععع ؟؟ هو انت سالف البدله كمان؟؟
العريس: اذا كان عاجبك .. قال عايزة تروح الساحل الشمالي؟؟ هو انا قادر على مصاريف الساحل الجواني !!! امشي انجري اعمليلي العشا انا جعان.. وامي وحماتي وابويا جايين
العروسه : بنظرة لئيمه تحب تاكل ايه يا سبعي .. ( ان ما جبتلكو تلبك معوي)
العريس: عايز لحمة راس.. صنية بطاطس.. و محشي ورق عنب.. ور زبالخلطة ..والحلو بسبوبسة بالقشطة والمسكرات.. وطبق كنافه ... ولا ما بتعرفيش تطبخي؟؟
العروسة: لا يا اخويا بعرف ... ثواني والأكل يجهز
العروسة تخش المطبخ تلبس المريلة .. تحضر الأكل حاجة خلطبيطه لاليها طعم ولا لون...
بالهنا والشفا ياسيد الأنتاميبات.... بالهنا والشفا ليكم جميعا...
العريس يجيله تسمم.. هو والمعزومين توصل عربية الأسعاف...تاخدهم
العروسة تقف قدام باب بيت الزوجيه... يا معشر العرسااااااااااااان...
هل من مبارز؟؟؟؟ حد عايز يطلبني من امي ؟؟؟؟؟
كل العرسان تهرب مذغورة .. مرعوبة..
الأنتاميبا الصغنونة: اللي عايزة تصيف في الساحل الشمالي تيجي ورايا؟؟
الأنتاميبات الجميلات يجروا ورا الأنتاميبا الصغنونة.. وكله يقطع تذاكر .. ويقضوا اجازة العيد في الساحل الشمالي ...
تمت |
| posted by شهووووده @ 6.5.09 |
|
|
|
|
| اميبا في بيتي الحلقة التاسعه عشرة |
الحلقة التاسعه عشرة
المكان: المستشفى غرفة العناية المركزة
الشخصيات: الأنتاميبا الهربانة, الزحرور الكبير, الأنتاميبا الأم الأنتاميبا الهربانة,
الأنتاميبا الدكتورة الخايبة.. الأنتاميبا كولاي.
الأنتاميبا الهربانة راقده في غرفة الأنعاش.. الأنتاميبا كولاي والأنتاميبا الهربانة بيتخانقوا
انتاميبا كولاي: منك لله يا بعيده .. اهو جالها تمزق كبدي ...
الأنتاميبا الخايبة: طب وحنعمل ايه دلوقتي في المصيبة السودة دي؟؟؟
انتاميبا كولاي: بتسأليني انا .. انا حتت دكتور على قدي.. مش انت بنت صاحبة السلخانة !!!!
الدكتورة الخايبة: سلخانه امايدبحوك فيها عـ العيد الكبيييير..
انتاميبا كولاي: ان شالله أنت ومامي الدكتورة ........
الأنتاميبا الخايبة: بتقول ايه.؟؟
كولاي: قلت شوفيلك صرفة في الهبابة اللي راقدة دي لحسن قربت تعفن
الأنتاميبا الهربانة: مفروسة ونفسها ترد.. ومش عارفة بسبب الأجهزة اللي عليها..
الأنتاميبا الهربانة بتبرطم : انا قربة اعفن ياعرة الكلاوي ..
الخايبة: اعملها ايه يعني اهي يومين وتتكل
الهربانة:مش حموت قاعده على قرابيزك... هه
الدكتورة كولاي : انا عندي الحل..
الخايبة: ماتقول وتخلصنا .. بدل ما احنا محتاسين كده!!
كولاي: شايفة لأنتاميبا بنت وزيرة صحة الأنتاميبات..
الأنتاميبا الخايبة: عايز تعمل فيها ايه دي كمان؟؟
كولاي: حنركبلها قطع غيار
الخايبة: نهارك اسوووووود.. بتقول اييييييييييه؟؟ حتودينا في داهيه..
كولاي: لا داهيه ولا حاجه.. انا حخليها تخف وتبقى زي الفل
الأنتاميبا الخايبة: كلااااااااااااااوي نهارك مطين بطين.. انت ناوي على ايييييييييه؟؟؟؟
كولاي: ولا حاجه.. مناخير على عنين .. على حتت كبده .. وشوية مصارين
الأنتميبا الهربانة: والله واترقيتي يا هربانة وبقيتي خرووووووووف ... الحقيني ياااااااااامه...
الأنتاميبا الأم: انا جيت يا كبد امك... عملوا فيكي أيه يا عصارة مصاريني..
وتشيل الأجهزة اللي عليها .. والخايبة وكولاي يستخبوا ....
الأنتاميبا الهربانة: ا نت جيتي يا ماما.. سمعتي صوتي ازاي؟؟ عرفتي مكاني منين.. شفتي كانوا عايزين يعملوني قطع غيار ..
الأنتاميبا الأم: لا عاشو ولا كانو يا ضنايا ده أنتِ من ساعة ما سبتي تجويف الأمعاء الدقيقة وانا لافة على كعوب رجليا ادور عليكي.. انا
وخالك زحرورو
الأنتاميبا الهربانة: خالي زحرور ؟؟ ايوة يامامي كنت بشوفه وهو ماسلكي العصاية وانا بهرب منه..اصل ريحته وحشه ....
الأنتاميبا الأم: بت انت اسم الله على ريحتك ..
الزحرور: سيبيها يا اختي .. لما تجوز الواد ابني حيلمها
الأنتاميبا الهربانه: ليه شايفني متبعترة .. ومين قالك اني حتجوزر ابنك ابو عين زايغه ده
الأنتاميبا الأم: يابت بطلي قنزحه فارغه .. على الله بس يرضى بيكي ...
الأنتاميبا الهربانة: انتوا بتكلمو في ايه انا اتجوز من العيله اخييييييييييي.. وبعدين الواد ده مش التيب بتاعي ..انا ناوية احسن النسل ....
الزحرور يشمر ويمسك العصاية..
الأنتاميبا الأم: لا يا اخويا هدى انت نفسك بس وانا اجيبهالك لحد عندك
الأنتاميبا الهربانة: تجيبيلو مين هوانا شوال رز ..
الأنتاميبا الأم: جتك ستين نيلللللللللة .. يا بت ده لسه حيدفع مصاريف علاجك .. ولا انت عاجباك رقدتك دي...
الأنتاميبا الهربانة: وهو ماله انا عايزة ارقد في المستشفى الفايف ستار..
الأنتاميبا الأم: بس كده من عنيا ...
وتنده على الدكتور كلاوي..
يادكتور كلاااااااااااااااااااوي.. انت يا دكتوووووووووووور
دكتور كولاي يطلع من تحت السرير اللي كان مستخبي فيه : كولاي يا افندم..
الأنتاميبا الأم: يا اخي كولاي لحمة راس مش فارقه
بقلك ايه مش انت كنت عايز تبيعها قطع غيار .. انا امها وبقلك ..اعمل فيها اللي انت عايزة
كولاي: ابقي اكتبيلي ورقة تنازل.. وانا حعمل العمليه لما المستشفى تفضى...
الأنتاميبا الهربانه مرعوبة.. وبتعيط...
بقى كده ياماما .. تهون عليك بنتك...
الأنتاميبا الأم: تستاهلي .. قال مش عايزة تجوز ابن خالها قال..
الأنتاميبا الهربانة: ياماما ده واد جربان وحيرجعني للعيلة..لألأ مش ممكن ارجع المكان ده المقرف ده تاني
الأنتاميبا الأم : ماشي يا ست الحسن والجمال.. خليكي هنا.. لحد ما يوزعوا لحمك على غلابة الأنتاميبات.. واهو العيد قرب اهو.....
الأنتاميبا الهربانه: يارتها تيجي على كده.. دول حيعملوني قطع غياااااااااار.. عارفة لمين!!
لبنت عدوتك اللي غششتيها في امتحان الحساب.. وهيا بقت وزيرة صحة الأنتاميبات .. وانت بتخدمي في البيوت ياااااااااااامه...
الأنتاميبا الأم: نعممممممممم.. انا بنتي تتعمل قطع غيار لبنت الولية الغشااااااشة دي.. ده لايمكن ابدااااااا..طول ما فيا نفس......
الأنتاميبا الهربانة: تسلميلي يا امه ... هكذا المهمات والا فلا...
الأنتاميبا الأم: انت يا دكتور منبااااااار... انتوا يا دكاترة يالي هناااااااا
الدكتور كولاي: كلاوي حضرتك .. يووووووه .. كولاااااااااااي
الأنتاميبا الأم: انا بنتي .. تقطعوها وتدو عنيها ومناخيرها لبنت الوليه الجربانه دي..
ده انا ادبحها واوزع لحمها للقطط والكلاب اهم يتقوتوا .......
الأنتاميبا الهربانه: قطط وكلاب.. وغلابة انتاميبات.. هو انا حتوزع على مين ولا مين ياعااااااااالم...
الأنتاميبا الأم: يلا يا بت لمي هدومك وتعالي معايا.. وانا ليا صرفه مع دكاترة المعييز دول ....
الأنتاميبا الهربانة: لا يا ستي دكاترة المعيز ارحم.. سيبيني هنا انا مش رايحه معاكي
الزحرور يطلع العصاية تاني ويرن الأنتاميبا حتة علقة انمااا ا يه
ويشد الأنتاميبا الهربانة من شعرها وهيلا بيلا يحطها في شوال ..... ويسد بقها
الأنتاميبا الأم: بس يا اخويا حرام البت صغيرة مش حمل ايدك اللي عاملة زي مضرب البينج بونج دي...
الزحرو ر: مش كنت عايزة تدبحيها .. ومش عارف ايه .. ولا هو كلام والسلام
الأنتاميبا الأم: بخوفها يا اخويا .. بلاش اخوف بنتي.. وبعدين انا ادعي على ولدي واكره من يقول امين.........
الزحرور: هااااااااا عايزاني اسيبهم .. يشرحوها ويقطعوها ........ ..
الأنتاميبا الأم: لا ياخويا ابوس راسك .. دي بنتي ضنايا
الزحرور: طب اتكتمي ومش عايز اسمعلك صوت لحد ما نرجع للأمعاء الدقيقه..
وفي صمت رهيييييييب .. تمشي الأنتاميبا الأم والزحرور... في طريقهم للأمعاء....
يتبع......... |
| posted by شهووووده @ 6.5.09 |
|
|
|
|
| أميبا في بيتي الحلقة الثامنة عشرة |
الحلقة الثامنة عشرة
المكان: في المستشفى
الأشخاص: الأنتاميبا الهربانة.. الأنتاميبا الدكتورة.. الأنتاميبا كبيرة الممرضات
المنظر: الأنتاميبا الدكتورة حاطة السماعة وبتكشف على الهربانة..
الهربانة بتشد في البالطو بتاع الأنتاميبا الدكتورة .. وبتتحايل عليها ابوس ايدك بلاش حقن
الدكتورة: ما تخافيش ياماما هما 4 حقن بس .. حتديهملك الممرضة العسولة دي .. وتسيبهم وتمشي
الهربانة: نظرة اندهاش وازبهلال .. مخلوطة برعب وارتعاش.. عايزة تهرب .. الأنتاميبا العسكري تكتفها.........
وبكل قسوه .. وبطريقة عمنا الجزار ... تديها الحقنة
الأنتاميبا: اااااااااااااااااااااي يامفترييييييييييييييه... ويغمى عليها ....
الأنتاميبا كبيرة الممرضات تتخض : الحقيني يادكتورة دي باين عليها ماتت..
الأنتاميبا الدكتورة: يخرب بيتك عملتي فيها ايه؟؟؟
الأنتاميبا كبيرة الممرضات: حعمل ايه يعني مش حضرتك قولتي اديها 4 حقن
شفتها مرعوبة اديتها مقاس الأربعه في حقنة واحده
الأنتاميبا الدكتورة: افندم ؟؟ هببتي ايه حضرتك!! وريني الحقنة ياعبقرية عصرك واوانك..
الأنتاميبا كبيرة الممرضات: اهيه يا دكتورة
الأنتاميبا الدكتورة: جبتيها منين الحقنة الكبيرة دي؟؟؟
الأنتاميبا كبيرة الممرضات: من عند الدكتور البيطري اللي جمبنا
الأنتاميبا الدكتورة: غوري من وشيييييييييي
جهزولي اوضة العمليات بسرررررررررعه
الأنتاميبا كبيرة الممرضات: حاضر يا دكتورة
الأنتاميبا الدكتورة: مش انتِ ... شيلو الهبابة دي من قدامي..
الأنتاميبا العسكري: تطلع الأنتاميبا الممرضة بره أوضة الكشف...
اوضة العمليات تجهز ... الأنتاميبا الهربانة في اوضة العمليات.. الدكاترة حواليها ...
حتبتدي العملية..
الأنتاميبا الدكتورة: فين الأنتاميبا بتاعة التخدير؟؟
انتاميبا ممرضة: عيانة قوي يا دكتورة
الأنتاميبا الدكتور: ليه عندها ايه هي كمان؟؟
انتاميبا ممرضه: راحت تستحما في الترعه جتلها بلهارسيا يا دكتورة...
الأنتاميبا الدكتورة: و احنا من امتى بنستحما اصلاً ..
انتاميبا دكتورة خايبة: ما تزعليش نفسك يامامي .. انا اللي حديها الحقنة ....
الأنتاميبا الدكتورة: اتفضلي يا بنتي ورينا شطارتك
الأنتاميبا الممرضه: ايوة يا دكتورة بس!!! حضرتك عمرك ما ضربتي حقن؟؟؟
الأنتاميبا الدكتورة الخايبة: حتعلميني شغلي.. ده انتِ حتة ممرضة ولا تسوى
الأنتاميبا الممرضة: وانت ساقطة سنة اولى خمس مرات.. وداخلة ثانية واسطة..
الأنتاميبا الدكتورة الكبيرة: انت بتقلي ادبك على بنتي ؟؟ انت مرفودة ..
الأنتاميبا الممرضة: بس يا دكتورة انااااا....
الأنتاميبا الدكتورة الكبيرة: براااااااا... امشي اطلعي براااااا
الأنتاميبا الخايبة: ميرسي يامامي .. اموووووووووواه...
الأنتاميبا الدكتورة: خلاص ياعنيا انا حسيبلك العمليه دي تدربي فيها ...
الأنتاميبا الهربانة تبتدي تفوق شوية شوية ..
تجربوا في مين ؟؟ الله يخرب بيتكو... هو انا فااااااار يا اخووووواتي ..
الأنتاميبا الخايبة: هو انت فقتي .. طب تعاليلي يا حلوة خليني ا عرف اشيلك اللوز ..
الأنتاميبا الهربانة: لوز ايه دي انا شلتها من زمان عند الحلاق ..
الأنتاميبا الدكتورة الخايبة: طب خلاص نشيلك الأعور...
الأنتاميبا الهربانة : اعور.. اعور ايه .. الهي تنطسي في نظرك .. الحقني يا دكتور كلاوييييييي
ويدخل الدكتور كلاوي اوضة العمليات...
دكتور كلاوي: هو في ايه ؟؟ ايه اللي عامل فيكي كده يا هربانة
الهربانة: الأنتاميبا القرشانة دي يادكتور عايزة تشيلي الأعور.. ععععععععععععع
دكتور كلاوي: ومين ده اللي يقدر يمس شعرة منك وانا على وش الأمعاء الغليظة
الأنتاميبا الدكتورة الخايبة: وتطلع مين حضرتك ؟؟؟
الدكتورة كلاوي: صدق مين قال عليكي خايبة
انا :الانتاميبا كولاي:
تلاقيني في الجزء العلوي من الأمعاء الغليظة للإنسان وبتغذى على البكتيريا وبواقي المواد الغذائية
ومش مضر وممكن اكون مفيد عشان بتغذى على البكتيريا.
الهربانة: والعلاقة بين الطفيل والعائل اسمها المعاشر الغذائية ولو خرجت مع البراز تموت وعشان كده تفرز حواليها غلافا صلب (حوصلة)
انتاميبا كولاي: شاطرة يا هربانة ..وتنقسم النواة جواه إلى 8 وتفضل الحوصلة حية طول ماهي في حته طريه
لحد ما توصل إلى أمعاء عائل جديدا ترجع للحياة فيذوب الغلاف وتطلع منه
الأنتاميبا الخايبة: طب وانا مالي بالكلام ده .. انا قلت حشيلك الأعور يعني حشيلك الأعور..
انتاميبا كولاي: وانا خبرة اكثر منك و بقول الأعور سليم.. و المرارة هيا اللي لازم تتشال..
الأنتاميبا الخايبة: انا بنت صاحبة المستشفى ولما اقول الأعور يبقى الأعور...
كولاي تشد من ناحية والأنتاميبا الخايبة تشد من الناحيه الثانية
الهربانة : سيبووووووووووووووني ... انا عايزرة ارجع بيتنااااااااااااااااااا
تعاليلي يااااااااااااااااااااااااااااامه
يتبع.......
|
| posted by شهووووده @ 6.5.09 |
|
|
|
|
 |
|
 |
| |
| About Me |
|
الأسم:
شهووووده
المكان:
صنعاء, Yemen
عني:
شهووودة .. الشهيرة بتيته شهد
( كي جي 1)
See my complete profile
|
| Previous Post |
|
| Archives |
|
|
| |
|
|
|
|
|
..عداد الزوار.. 
|
|
| |
|
