الحلقة الرابعة
ايه ده ايه ده يارب استر يارب حسنية وجوزها بيتخانقو هو لحق يطلع ده يا دوب لسه داخل من الباب اهو ماسك زمارة رقبة حسنية يا خرابي ايه الي حصل
زنهم جوز حسنية: ياوليه حرام عليك وديتي الفلوس فين
حسنية وبكل برود : فلوس ايه بس ياسي زنهم
زنهم : حتستعبطي الفلوس الي كانت في الدرج ايه مش فاهمة
حسنية: ياراجل سيبت ركبي مش تقول كده من الأول صرفتها عادي يعني
جبت شوية فساتين ععلى كم جزمة لزوم التفاريح رمضان جاي
زنهم:تفاريح ياوليه يا خراب بيتك يازنهم حتخش السجن يا زنهم يا خرابي يادي الوكسة الي حلت عليك من بدري
خدتي الفلوس كلها تشتري بيها فساتين
يافرحتي بيك
حسنية : ايه ياسي زنهم انت عايزني اروح الأمسيات الرمضانية مع سيدات المجتمع بهدوم السنةالي فاتت
زنهم: ياوليه ياقراشنة سيدات مجتمع ايه وامسيات رمضانية ايه ؟
ثم انت ايش عرفك بالحجات دي ..ولا تكنيش فاكرة شوية النسوان الفاضيين الي مالهمش لا شغلة ولا مشغلة غيرالكلام الفاضي وبابي ومامي .. ولاعشان شوية الأحمر والأخضر اللي بيلطخو بيه وشوشهم خلاص بقوا سيدات مجتمع..
ربنا ينتقم منك ياحسنية يا بنت ام حسنية
حسنية : يا سي زنهم هو ايه الي حصل بس انا ما غلطتش
وبعدين ده مبلغ بسيط بالنسبة لك
زنهم : هو انا جايبهم من الهواء ولا فاكراني قاعد على تل فلوس
وعلى ايه بس انا تاعب نفسي معاكي ليه هو انت الكلام بيحوق فيكي انتِ عايزلك علقة معتبرة عشان تعرفي ان الله حق
حسنية تصرخ بعلو صوتها : يا خرابي يامصيبتي الحقو يانااااس
زنهم:بس ياوليه حتفضحينا ششش
روحي مش عايز اشوف وشك روحي لمي هدومك وعلى
بيت ابوكي يلااا
وفي وسط الخناقة الجيران يخبطوا علىالباب
انا مش عايز الوليه دي مشوها من قدامي قبل ما ارمي عليها اليمين
هريدي: اهدى يا راجل وصلي على الي حيشفع فيك
زنهم : اللهم صلي وسلم عليه دي وليه خرفانه صرفت كل الفلوس في شوية هلاهيل
هريدي: يا راجل رمضان داخل استهدى بالله
زنهم: انا حلفت يمين ما هي بايته في البيت النهاردة
قال امسيات رمضانية الهي يخيبك
هريدي : خلاص حتبات مع مراتي وانا قاعدلك هنا
وتروح حسنية عند بهية
بهية : معلش يا ختي ولا يهمك حصل خير دي مصارين البطن بتتخانق
حسنية : ايه مصارين ديه احنا مش بنتخانق دة اختلاف وجهات نظر
بهية : وجهات نظر طيب يا ختي دة كان حيفتح دماغك
حسنية: دماغ مين هو يقدرده انا ممشياه على عجين ما يلخبطوش
بهية : يا شيخة اتلهي على عينك فالحة بس انا جوزي بيعملي جوزي بيديني كل الي انا عايزاه اتريه بيديك على دماغك
حسنية : بتضحكي على ايه شمتانه فيا طب انا ماشية
بهية: ماشية فين يا عبيطة انتِ حتروحي فين انتِ عايزاه يشوفك نازلة يخلص عليكي اسكتي وداري على خيبتك
حسنية: وزعلانة كمان هي الست دي ما عندهاش دم حدش عنده دم زيادة يتبرعلها بس دي فصيلة نادرة فصيلة علم في المتبلم يصبح ناسي
|
