الحلقة السادسة والأخيرة
ادي رمضان قرب اهو وهب حنلاقيه مشرفنا
بس ياترى الوليه حسنية والتانيه الي اسمها بهيه عاملين ايه
تلاقيهم تابوا بعد حسينة ما خدت العلقةالمعتبرة بس الي اسمها هنية دي عايزة منهم ايه وطلعتلهم منيناهي هنية جت اهيه وحتوقلنا هي عايزة ايه ياترى خير ولاااااا
هنية المدارية: ازيك يا حسنية عاملة ايه
حسنية: ااه ياااني
هنية المدارية: مالك يا اختي كفاالله الشر
حسنية: اهئ اهئ اهئ
هنية المدارية: يا حسنية حرام عليكي قولي فيه ايه
حسنية: جوزي زنهم الهي ينشك في قلبه
عمال يضرب فيا لحد ما جتتي نحست اه ياني قال ايه كل ده عشان خدت الفولس اللي كان حاططها في الدرج واشتريت شوية فساتين لزوم الأمسيات الرمضانية
هنيةالمدارية: امسيات ايه ديه الي عايزة فساتين
حسنية: يا اختي الأمسيات الي كل يوم بيعملوها في بيت
هنية المدارية: هي امسيات رمضاينة ولا عرض ازياء ما تفهميني
حسنية لسه حتتكلم وجرس الباب يرن
حسنية: تلاقيها بهيه هي كمان جوزها طين عيشتها عشان الموضوع ده
بهية : السلام عليكو ازيك يا هنية عاش من شافك
هنية المدارية : مين الي شلفط وشك كده
بهية: هريدي الهييييي ....الف بعد الشر عليه
هنية : عايزين الحق تستاهلو بقى تاخدي فلوس جوزك تشتري بيها فساتين من غير ما تستأذنيه.. وانت يا ست بهية عملتي ايه ؟
بهية:ما عملتش حاجة
حسنية: ما عملتيش حاجة دي كانت بتطلع عينه في
الرايحة والجاية عايزة فلوس
بهية: ماهو كله منك يا جلابةالمصايب
هنية: بس بقى انت وهي انا حوديكوا امسيات بس مش زي الي انتو بتكلمو ا عليها دي
وكل يوم ومن غير تكاليف ولافساتين ولا اي حاجة مندي
حسنية وبهية: ازي بقى حتودينا فين ان شاء الله انت حتتريقي
هنية : لا والله ما بتريق بصي يا ستي انا ليا شلة جميلة قوي
كل يوم نروح عند واحدة بعد صلاة التراويح
وكل واحدة عليها تحضير موضوع ( سيرة, فقه حديث , تفسير) وكده يعني وفي يوم اسمه اليوم المفتوح بنعمل حفلة صغيرة وكل واحدة تجيب حاجة عشان ما نكلفش صاحبة البيت واليوم ده بيبقى فيه مسابقات واشعار وحاجات كثيرة ..ونفرح وننبسط من غير ما نعصي ربنا
بهية وحسنية يبصوا لبعض ياترى سي هريدي وسي زنهم حيوافقوا
هنية المدارية: طالما جيوبهم حتفضل عمرانةاكيد حيوافقوا
وفعلا زنهم وهريدي يوافقوا على فكرة هنية ويرحبوا بيها
ويقولوا فينك ياهنية كل ده مستخبية مش كنت جيتي من زمان وريحتينا
وكده خلصت حكاية ستات بيوت بتحضر لرمضان ورمضااااااان جه خلاص ياترى برضه حنحضرؤ الأناناس؟؟!
شـــــهــد 2004
|
