الحلقة الخامسة
واخيرا عدى اليوم بعد ما جوز حسنية طلع على جتتها القديم والجديد
وكان ناوي يرمي عليها اليمين لولا فرقة الأنقاذ( بهية وهريدي)
النهاردة يوم غريب بالنسبة لهريدي مش زي اي يوم اصله وصل البيت لقاه هادي ورايق
هريدي: السلام عليكم انتِ فين يا بهية
بهية: نعم يا سي هريدي نعم يا سيد الرجالة
هريدي: هو ده بيتنا لحظة لحسن اكون غلطت في العنوان
بهية: غلطان ايه يا سي هريدي ده بيتك ومطرحك ثواني بس وتلاقي الغدا جاهز
هريدي: اكيد عايزة حاجة ماشي يا بهية يا غلابوية خليني معاك لحد باب الدار
بهية بتجهز الغدا وقاعدين على السفرة وهريدي مستني لستة الطلبات اليومية والموشح المصحوب بمزيكةحسب الله
هريدي: ها ياستي عايزة ايه طلباتك بس حسك عينك تتكلمي عن البتاع الي كنتي بتكلميني فيه
بهية: بتاع ايه يا سي هريدي سلامة عقلك
هريدي: يا ولية الأمسيات الي طلعتيلي بيها انتي وحسنية
بهية: لألأ توبة من دي النوبة
امسيات ايه وكلام فاضي ايه طب هو في احسن من قعدتي وسط جوزي وعيالي في الشهر الكريم ده
هريدي: ربنا يكملك بعقلك يامراتي يا ام عيالي
تكنش خافت ارنها علقة زي ما زنهم عمل مع حسنية
ينصر دينك يازنهم
انا كده ارتحت من الزن الدماغ
بهية: بقلك ايه ياسي هريدي
هريدي: خير يا بهية في اي ايه يا غلابوية
بهية: كنت عايزة فلوس عشان اروح مع هنية
هريدي: تاني يا بهية ومين هنية دي بقى خلصنا من حسنية تطلعلنا بهية انت عايزة ايه ولا عايزاني اعمل زي جوز حسنية يعني ولا ايه
بهية : لألألأ الطيب احسن بس اصلي كنت
هريدي: هااا كنتِ ايه؟؟
بهية: لأ خلاص توبة من دي النوبة
وبعدين حنفضل على الحال ده لحد ما يجي رمضان هما الستات دول مش ناوين يعملوا حاجة تنفعهم طيب يا غلابوية ويا براوية
وانت يالي اسمك هنيه طلعتي منين يا وليه
|
