نبيهه مع عريسها في باريس
نبيهه بدور على علبة البودرا والكلونيا
عماله تدور مش لاقياها
نبيهه قلبت الشنطة تدور عليها
وائل: بتدوري على حاجه يا روحي
نبيهه: علبة صغيره ..
وائل: هي دي اللي بدوري عليها...
نبيهه: أيــــــوة..... لقيتها فين؟
وائل: كنتِ حاطاها على التسريحه .. ايه دي ياناني؟
نبيهه: مين ناني دي؟
وائل: انت .. بدلعك..
نبيهه: ان شالله تسلم ياسي وائل..
وائل: سي وائل؟ انا اسمي وائل وبس
نبيهه: حاضر يا ااا وائل
وائل: شاطرة يا ناني
وائل يدخل التواليت
نبيهه تفتح العلبة
ترش من الكلونيا وتحط شوية بدرة
وائل يطلع من التواليت..
وائل : ايه القرف ده؟؟
تروح نبيهه راشه من الكلونيا في وش وائل وهي مبسوووطه
وائل: بس كفايه ... ايه الريحه المقرفة دي؟ وايه اللي انت ملطخة بيه وشك؟
نبيهه: جابتهالي خالتي فكيهه من عند عم عشماوي العطار
وائل : بقلك ايه انا مش حمل القرف ده !!! انا حنزل 5 دقايق تكوني شلتي القرف اللي على وشك .. وحطيتي من البارفيم اللي على التسريحه.. الكلونيا يعني قال عشماوي قال
وينزل وائل ويرزع الباب وراه
نبيهه: هو زعل ليه ؟ هيه الريحه وحشة ولا ايه !
يظهر انه مالوش في الكالونيا.. يلا هو ايش فهمه في الروايح الحريمي
اما اشوفلي حاجة اكلها ..
ايوه .. انا كنت حاطه شوية طعميه مع فحل بصل وفصين توم.. اكلهم على بال ما يجيبوا العشا
واعمل شوية زيت على شعري .. اصل راسي واجعني من الششوار والبنس اللي على دماغي
بس مش حلحق اعمل كل ده.. سي وائل..يووه قصدي وائل راجع بعد 5 دقايق
يلا الف لي ساندشت اخده في بقين...
فين الكالونيا اللي قالي عليها
اهي اللكونيا اللي قالي عليها....
اما اشوف: ياحلاووة يا ولااااد!! ايه الريحه الحلوة دي ؟ بس برضه الكالونيا بتاعتي احلى
يالهوي ده قرب يرجع
نبيهه تحط البارفيوم
وتشيل المكياج اللي كانت حاطه
وائل يفتح الباب :
ايوه كده ..
ويقرب وائل من نبيهه.. ريحة البصل التوم فايحه منها
وائل : يعععععع ....حرااااااام عليكي.. في واحده عاقله تاكل بصل وتوم ليلة دخلتها
نبيهه: اصل خالتي فكيهه قالت لي....
برضه خالتك فكيهه.. وبعدين ايه اللي انت حاطاه في شعرك؟؟
نبيهه: ده زيت خروع .. بيطري الشعر
وائل: حبكت يعني تحطية النهادره؟؟ ده التدبيسه السوده دي ...
نبيهه: الله يسامحك ياسي وائل.. اهي اهي... بقى انا تدبيسة
وائل : طب بس ..بس ما تعيطيش... بصي احنا حنتفق على حاجة ..
نبيهه: نتفق على ايه؟
وائل: خشي دلوقتي خدي دش وبكره الصبح ننزل انا وانت .. واخليهم يعملولك نيو لوك
نبيهه: يعني ايه نيو شوك دي؟
وائل: نيو لوك يا قلبي يعني شكل جديد.. هتبقي زي القمر
نبيهه: هو انا يعني وحشة؟ ولا وحشة؟
وائل: حلوة وزي القمر يا ناني.. بس حتبقي اجمل.. جربي مش هتخسري حاجة.. اتفقنا
نبيهه: اتفقنا
وتاني يوم الصبح
بعد الفطار ... ينزل وائل ونبيهه معاه ويشتريلها شوية هدوم
ويوديها على الكوافير ....
وبعد ما يخلصوا مشاوير يعزمها على العشا
نبيهه: انا مش عارفة امشي بالكعب
وائل: بالراحة امشي بالراحة...
وائل ماسك ايد نبيهه لحاد جو المطعم
نبيهه تقعد على الكرسي... الجارسون لسه بيحاول ياخد البالطو من نبيهه
نبيهه: اوعى كده البالطو بتاعي
وائل: حيرجعه ياماما.. :
نبيهه: وياخده ليه من اصله الحرامي ده
وائل: اللهم طولك يا روح .. انت باين لك عايزة تتغيري خالص
نبيهه: واتغير ليه. اكونش كوتش عربيه؟
وائل: كوتش ايه بس؟ بعدين.. افهمك..
تحبي تاكلي ايه
ولا بلاش انا حطلب اكل ونروح ناكل في الهوتيل .. مش ناقص فضايح
قومي ..قومي يلا
ويرجع وائل ونبيهه للهوتيل ومعاهم الاكل
وائل بياكل بالشوكة والسكينه ونبيهه بتلغ
وائل: على مهلك ياناني.. كلي بالشوكة والسكينه
نبيهه: ما اعرفش اكل غير كده
وائل: انا حعلمك... امسكي الشوكه والسكينه زما انا بعمل... وتاكلي كده...
نبيهه: وليه العك ده..
وائل: عك ! بقى اللي بعلمهولك عك؟ والزروطه اللي انت فيها هي اللي اخر شياكه؟!
بصي انا قايم انام.. تصبحي على خير...
نبيهه: انت حتنام يا سي وائل
وائل: ايوه .. عايزه حاجة...
نبيهه: كنت عايزة التليفون ..
وائل: عايزة تكلمي بابا وماما؟
نبيهه: لااااا عايزة اكلم خالتي فكيهه
وائل ياخد غطا ومخده ويخرج ينام بره من غير ولا كلمه
يتبع.........
