المكان : المستشفى..
الاشخاص: الحاج ابو فكيهه.. الست سعديه, فكيهه. نبيهه,
الست سعديه تصرخ : ايه اللي عمل فيكي كده يا ضناايا؟ ردي عليا يا قلب امك؟
الحاج ابو فكيهه: اهدي بس يا حاجه .. خلينا نعرف ايه اللي حصل؟
الست سعديه: عايز تعرف ايه يا حاج؟ مش شايف البت طالعه من فريزر الميتين
حقول لعريسها ايه بس؟؟ عروستك جمدوهاااا؟
الحاج ابو نبيهه: عريس ايه دلوقتي ؟ مش لما نطمن على البت الاول؟
الست سعديه: هي فكيهه ! مافيش غيرها ..
الحاج ابو نبيهه: والست فكيهه مالها بس.. ماهي برضه...
الست سعديه: وانا مالي يا اخويا.. هيه جوزها معودها يحطها في ثلاجة .... بنتي يجرالها كده ليييه؟
الحاج ابو نبيهه: يحطها فين؟؟ هو الراجل ده اتخبط في نافوخه
الست سعديه: لا و انت ا لصادق.. هي اللي وليه سو طول عمرها .. ما سا بتش عرسان الا خربت بيتهم ....
الحاج ابو نبيهه: يا ساتر يارب ..عيب كده يا حاجه
الست سعديه: عيب ايه ؟؟ عيب ايه .. سيبني في حالي يا حاج بنتي حتروح منييي..
وتفضل الحاجه فكيهه ماسكه في السرير اللي نايمه فيه نبيهه
الممرضه: من فضلك يا حاجه سيبنا نشوف شغلنا
الحاج ابو نبيهه: تعالي يا حاجه ..سيبي الناس تشوف شغلها
الست سعديه: يا كبد امك يا بنتي.. حيعملوا فيكي ايه ؟
الحاج ابو نبيهه: كل خير يا حاجه.. كل خير اهدي انتِي بس
الست سعدية: خير ايه بس ؟؟ حيدوبوا الثلج اللي عليها ازااي ؟
الحاج ابو نبيهه: ثلج ايه بس يا حاجه؟ هي فرخه وطالعه من الفريزر؟
الست نبيهه: امال مالها متخشبه كده ليه؟
الحاج ابو نبيهه: علمي علمك يا حاجه؟
الست سعديه: طب لو انت مش عارف ما تتنيل وتسكت..
الحاج ابو نبيهه: الله .. الله .. انتِ حتتقلي ادبك ولا ايه يا سعديه!
الممرضه: انتوا حتتخانقوا هنا ؟
الحاج ابو نبيهه: متأسفين يا بنتي ....
عاجبك كده جيبتلنا الكلام
الست سعديه: ما هو يا حاج اصل....
الحاج ابو نبيهه: لا اصل ولا فصل .. خلينا نطمن على البت .. وانا حكلم الحاج هنداوي تلاقيه.. قلقان على مراته
الست سعديه: واحنا مالنا يا اخويا.. من ان شالله عنه ما اطمن
الحاج ابو نبيهه: سعديه !! وبعدين معاكي؟ اخرسي لا اديكي على دماغك
الست سعديه: خلا ص يا حاج .. خلاص.. خرست اهوه...
الحاج ابو نبيهه يكلم الحاج هنداوي .
الحاج ابو نبيهه: الووو.. سلام عليكو يا حاج هنداوي
الحاج هنداوي: وعليكم السلام .. مين معايا
الحاج ابو نبيهه: انا الحاج ابو نبيهه
الهنداوي: يا الف مرحب.. خير اللهم اجعله خير
الحاج ابو نبيهه: كل خير ان شاء الله.. انا بس البت نبيهه بتي عيانه في المستشفى وعايزك معايا
الحاج هنداوي: جايلك حمامه.. لا حول ولا قوه الا بالله
صبي الحاج هنداوي: في ايه يا معلمي
الحاج هنداوي: البت بت الحاج هنداوي في المستشفى
صبي المعلم هنداوي: لا حول ولا قوه الا بالله
البت على وش جواز.. ربنا يصبر قلبك يا حاج ابو نبيهه
المعلم هنداوي: يا واد انت حتقر على البت .. بيقلك عيانه .. مش بتودع
اجري ناولني 300 جنيه يمكن يكون محتاج جحاجه
صبي المعلم هنداوي : الفولس اهيه يا معلمي
يوصل الحاج هنداوي المستشفى ويقابل الحاج ابو نبيهه
تصرخ الست سعديه في وشه
شفت مراتك عملت ايه في بنتي ؟ منكوا لله يا ظلمه!!
الحاج هنداوي: هو في ايه ؟؟
الست سعديه: انا بتي يلاقوها في ثلاجة الميتين مع مراتك؟
الحاج ابو نبيهه : ما تتهدي يا وليه لحسن عليا الطلاق...
الحاج هنداوي: ما تفهمونا ايه العباره
يتبع......... |
