الخميس، سبتمبر 30، 2010
نبيهه النبيهه وخالتي فكيهه (9
المكان: مستشفى


الأشخاص: خالتي فكيهه, الست سعدية, الدكتورة جارتهم

المنظر:

الست سعدية والدكتورة جارتهم ساندين فكيهه وداخلين المستشفى


الدكتورة جارتهم توصي الدكتورة المناوبة زميلتها على فكيهه وتستأذن


الحوار

الدكتورة المناوبة:مالك ياحاجة الف سلامه؟؟



فكيهه: اه يا ضهري يانييييي..


اه يا بطنيييي ااااااه


ااااه يادمااااااغي ..


اااييي يالوزيييي



اه يا مرارتي اللي اتفقعت يااااااني



اااااااه ياكل حتة في جسميييي


الدكتورة: طب.. أهدي كده .. وأول ما اجي على حتة بتوجعك قولي اه بس بالراحة.. ماشي



فكيهه: مااااااشي يا دكتورة.




الدكتورة يادوب لسه حتحط ايدها على فكيهه



فكيهه: اااااااي




الدكتورة بالهداوة أ نا لسه ماعملتش حاجة ؟؟



فكيهه: بتشخطي فيااااااا انا عايزة دكتورة تاااااانية ؟؟



الممرضة : مافيش دكتورة تانية ولو مش عاجبك المستشفيات على قفا مين يشيل



الست سعديه: اختشي على دمك يا فكيهه !! مش كفاية الدكتورة سايبة العيانين بتوعها وبتكشف عليكي


الدكتورة: معلش يا حاجة .. معلش ؟؟ ده شغلي.

فكيهه: وانتِ ايش اخششك بينا يا حشريه ؟؟ ؟؟ ايه اللي جابك هنا اساسا ؟؟ جااية تشمتي فيا



مشوا الوليه دي من هنااااا؟؟


سعديه: صحيح خير تعمل شر تلقى!!


انا ماشية يا دكتورة .. فتكوا بعافيه؟؟




فكيهه: امال مين اللي حيدفع الحساب؟؟



يا سعدية ... يا سعديييه

ادفعي الحساب طيب وغوري في داهيه .


سعديه داهية ما ترجعك.. أما انتِ وليه ناقصة بصحيح؟؟ انا اللي استااااااهل




سعدية تخطي اول خطوة




فكيهه تمسك في ديل جلابيتها!!



فكيهه:اهئ اهئ ..اهئ .. بقى كده يا سعدودتي ؟؟ تسييني ويا الجزارين يقطعوا فيا !!!!!



الممرضة : جزارين!! جزارين ايه يا ست انتِ ! دي مستشفى موش سلخانة



الدكتورة : ششششششششش ولا كلمة سيبيها تقول اللي هيا عايزاه



الممرضة: بس يا دكتورة دي ست قليلة الأدب




الدكتورة: انا قلت ولا كلمة اتفضلي اعمليلها التحاليل والاشعه دي بسرعه




الممرضه مكشرة : امرك يا دكتورة




سعدية : انا رايحة ادفع الفواتير يا دكتورة



فكيهه: محاليل ايه دي ؟؟ سعدية ما تسبينيش يا سعديه؟؟



الممرضة تاخد فكيهه على معمل التحاليل



فكيهه:ايه ده ؟؟ حقن !! لا يا ستي مش بحب الحقن



الممرضة: هاتي دراعك وخلصيني ..




يا حسنات ؟؟ يا حسنات .. تعالي امسكي ايد الست دي عايزين نخلص



فكيهه: بقى دي حسنات.؟؟ دي سيئاااات




حسنات: تمسك دراع فكيهه ..فكيهه ماتعرفش تفلفص منها




فكيهه: دميييي؟؟ بتشفطي دمي يا مفترييه... اييي

الممرضة: ما تخرسييي يا وليه


حسنات تكتم بق فكيهه والممرضة تخلص بقية التحاليل



الممرضة: تاخد فكيهه اوضة الأشعه


فكيهه: تصوت وتقلب المستشفى




حتودوني على فين تاااني؟؟ يا مجرمين؟؟ يا جزارين!! مش كفاية شفطتوا دميي

اااه يادمي يااااني ......


صويت فكيهه يوصل لمكتب رئيسة القسم في المستشفى!!!



رئيسة القسم المستشفى:ترفع السماعه وتكلم الدكتورة المناوبة
الو يا دكتورة هو في ايه؟؟ ايه الدوشة دي ؟؟



الدكتورة : ابدا يا دكتورة مافيش حاجة ’ ما تقلقيش حضرتك


الدكتورة رئيسة القسم المستشفى: ما اقلقش ازاي ؟؟ انا جاية بنفسي اشوف فيه ايه؟؟




الدكتورة: يادكتورة ما تتعبيش نفسك اناااااا..



تقفل السكة



الو.... الو... الووو..... ربنا يستر



الدكتورة توصل اوضة الاشعه قبل رئيسة القسم تلاقي فكيهه عمالة تتنطط فوق الأجهزة


والممرضة تجري وارها هيه وحسنات (مسؤلة النظافة في المستشفى ) عشان يمسكوها


الدكتورة: ايه ده ؟ ايه اللي بيحصل هنا؟؟

وانت ايه اللي جابك هنا؟؟ انا مش قلت لك مالكيش دعوة بالعيانين؟؟ اتفضلي شوفي شغلك
وحسابي معاكي بعدين




حسنات تفتح الباب تلاقي رئيسة القسم في وشها ..
تخبط فيها توقعلها النظارة



حسنات بصوتها الخشن: حقك عليا يا دكتوورة ما خدتش بالي


الدكتورة رئيسة القسم : وانت حتاخدي بالك ازاي ؟؟ما احنا بالنسبالك كائنات صغيرة لاترى بالعين المجرده !!


هي مامتك رضعتك ايه وانت نونة؟؟ ولاتلاقيكي اتولدت كده!



حسنات : الله هو ايه اصله ده يا دكتورة ؟؟ ما تخليكي حلوة اماااال؟؟



الدكتورة رئيسة القسم: انتِ بتردي عليا ؟؟ طييب ؟؟ ان ما وريتك ؟؟ مخصوم منك شهر ونص


حسنات تقف قدام الدكتورة رافعه راسها ومكشرة وحاطة ايديها في وسطها




ليه بس كده يا دكتورة .. ما بلاش افترى ؟؟ هو انا كنت عملت لك ايه يعني ؟؟


الدكتورة رئيسة القسم: ما تناقشنيش؟؟ امشي غوري من هنا؟؟ انتِ مرفودة


حسنات: منك لله يا مفتريه.؟ بس صبرك عليا لما نخرج من المستشفى؟؟ ا ن ما عملت عضامك فتة كوارع



الدكتورة رئيسة القسم: بتهدديني ؟؟ اندهولي الأمن ؟؟ فين الأمن؟؟


الدكتورة المناوبة: حقك عليا يا دكتورة .. امسحيها فيا انا حسنات ما تقصدش؟؟

امشي يا حسنات امشييي




حسنات بصوتها الخشن : انا ماشية اهو الله ؟؟ عشان خاطرك انت بس ؟؟



رئيسة قسم: حاجة تقرف .. ومين الست اللي بتنطط دي ؟؟ احنا في مستشفى ولا ف جبلاية القرود؟




فكيهه: تنظ من عـ السرير وتقف في وش رئيسة القسم ؟؟



جبلايه مين يا ختيييي؟؟ اهو انت واللي يتشدللك..


يا معصعصة يا مسلووووعه



الدكتورة المناوبة: عيب كده يا ست فكيهه ما يصحش


رئيسة قسم: هو ده اللي قدرتي عليه ؟؟ عيب كده يا ست فكيهه؟؟



الدكتورة: امال اعمل ايه يا فندم؟؟

رئيسة قسم: تطلبي أمن المستشفى والتمرجيه ؟؟ مش شايفة عملت فيا ايه؟؟



الدكتورة المناوبة : معلش حقك عليا انا يا دكتورة دي ست كبيرة وعيانة قوي معلش ؟؟




الدكتورة رئيسة القسم: بقى دي عيانة دي ؟؟ امال لو كانت كويسة كانت عملت ايه؟؟




فكيهه: الله اكبر !! الله اكبر!! خمسة في عين اللي ما يصلي ع النبي تف تف تف تففففففففففف





الدكتورة: اللهم صلي على النبي .. اهدي يا مدام ارجوكي خلينا نعرف نعملك الاشعه ونشوف اللي عندك ده من ايه؟؟

سعديه تخبط عـ الباب


في ايه مالك يا فكيهه ؟؟ نهااارك اغبر ايه اللي انتِ هببتيه ده؟؟




فكيهه: بيضربوني يا سعدية يخييي....



الست المسلوعه ام نظارة قعر الكباية دي بهدلتني وشتمتني؟؟ وضربتني بالجزمة المعفنة على وشييييي
ايييي...




رئيسة القسم: انا ؟؟ انا ضربتك وشتمتك يا مدام ؟؟




فكيهه: ايوة .. حتنكري يعني؟؟ ولا اكمنك الست الدكتورة رئيسة قسم ؟؟ وانا ست غلبانه

ومنكسرة



سعديه: بقى الست الأميرة دي تضربك انت ؟؟ وانتِ ياست الدكتورة سايباها تعمل كل ده فيكي و ساكته؟؟




الدكتورة رئيسة القسم: امال اعمل ايه بس ؟؟ دي في مقام والدتي؟؟




سعديه : في مقام والدتك ..و الله انتِ ست محترمة ؟ وعلى نياتك؟؟ انا لو مكانك .. ارقعها قلمين على سداغها اعرفها ان الله حق؟؟


فكيهه: ودي مين دي اللي ترقعني قلمين يا ؟؟ اخص عليكي يا سعديه اخصصصصص لكن معلهش مانت مستقصادني


سعديه: ومسقتصداكي ليه إن شاء الله ؟؟ من جمال سحنتك يعني؟؟



فكيهه : ايوة طبعا بأمارة ماكنتِ واقعه لشوشتك في سي هنداوي جوزي وهو اداكي الطرشة واتجوزني أكمني احلى منك؟



سعديه: هنداوي مين ده اللي ابصله !! بلا خيييييييية؟؟ ده ضافر سي الحاج عبد العظيم برقبة اللي ما يتسمى جوزك ؟؟




فكيهه: اسمه هنداااوي بسطويسي عبد العال هندااااوي



سعديه بسخريه: عاشت الاسامي يختي !!! اوعي من وشي كده خليني اعرف اكلم الست الدكتورة.بقلك ايه يا ست الدكتورة

الدكتورة: نعم يا سعدية هانم

سعدية: هانم ؟؟؟ ان شا الله تسلمي ياختي .. شايفة الناس المحترمة ؟؟




فكيهه: ضحكتيني ؟؟ فرحانة قوي ؟؟ معلش اصلها مش واخده عـ العز ؟؟


سعديه: احترمي نفسك واتلمي يافكيهه ؟؟

فكيهه: واتلم ليه يا ختي ؟ شايفاني مبعترة!!

الدكتورة رئيسة القسم : بــس يا ست انتِ وهيا احنا هنا في مستشفى ؟؟ عايزين تتخانقوا اطلعوا بره؟؟


سعديه: معلش يا ست الدكتورة حقك عليا انا ؟؟ سامحيني ؟؟ هاتي راسك ابوسها


رئيسة القسم: خلاص خلاص؟؟ ما جراش حاجة يا سعدية هانم



سعديه مبسوطة قوي من كلمة هانم:


فكيهه: انت حتفضلوا تجاملوا فـ بعض وسايبني وجسمي كله بينقح عليا؟؟



اااااه ياااااني يا كعوب  رجليا؟؟





يا مصارينيي..




نااار بتولع في جتتي



الدكتورة المناوبة: ما حضرتك مش عايزانا نعملك التحاليل والاشعه يا مدام فكيهه؟


فكيهه: ماشي ياست الدكتورة ؟؟ بس بشرط مش عايزة الست الممرضة اللي عاملة زي السيد قشطة دي تعملي التحاليل ؟؟ اعمليهاالي انت ؟؟



الدكتورةالمناوبة: بس يافكيهه هانم ده شغلها هيه ؟؟



فكيهه: خلاص مش حعمل أي حاجة ؟؟ يلا يا سعديه نروح مستشفى تانية



سعديه: يا فكيهه بلاش دلع ؟؟ هو في مستشفى حتستحمل عمايلك دي ؟؟ اسمعي الكلام ؟؟




فكيهه: لااا يمكن الست دي تقرب مني ؟؟ لايمكن


الدكتورة المناوبة : طيب يا فكيهه هانم انا حجيبلك ممرضة تانية ولا يهمك اهدي انتِ بس.


فكيهه: ان شا الله يخليكي يا اميرة يا بنت الأمرا؟؟



الدكتورة المناوبة: الو ؟؟ انسة نورا من فضلك تعاليلي حالا



الممرضة نورا: حاضر يا دكتورة




الممرضة نورا : تدخل ببتسامة هادية وجميلة تحت امرك يا دكتورة


يتبع.......
posted by شهووووده @ 30.9.10   2 comments
الأربعاء، سبتمبر 29، 2010
نبيهه النبيهه وخالتي فكيهه (8
المكان: شقة الحاج أبو نبيهه



الأشخاص : نبيهه. الست سعديه ام نبيهه, بتعه الشغاله





المنظر: الست سعدية نازلة تقطيم وبهدلة في نبيهه ...

الحوار: نبيهه: يا امه كفايه ابوس ايدك .. كسرتي عضمي


الست سعديه: انتِ لسه شفتي حاجه؟؟ ده انا حقطم رقبتك لو ما قلتيش كنتِ فين ؟؟ واوعي تقولي اني كنتِ عند اسمها ايه عدلات ؟؟



نبيهه: حاضر يا امه .. شعريي...

نبيهه: صلي عـ النبي يا امه..

الست سعديه: اللهم صلي وسلم على كامل النور

نبيهه: والله والله كنت مع خالتي فكيهه عند خالتي عدلات


الست سعديه: تاااني .. يا بت ده انا اتصلت بيها بنفسي وقالت ماشافتكيش




نبيهه: كدابة يا امه والله .. هاتي المصحف احلف لك عليه؟؟


هو انا بتاعة صرمحه وكلام فاضي يا امه ده انا تربيت ايديكي


الست سعديه: امال ما قلتيش انك رايحه مع فكيهه ليه؟و تمدي ايدك على وليه اكبر من امك؟؟ وتشلفطي وشها بالطريقة دي ليه؟


نبيهه: انا حقلك على كل حاجة بس روقي كده واسمعيني


بت يا بتعه هاتي الشاي يابت


بتعه: من عنيا يا ست العرايس .



الست سعديه: مش عايزة اشرب حاجة.. قولي وخلصيني

نبيهه: يا امه صبرك عليا بس !




اللي حصل ان خالتي فكيهه لما عرفت ان فرحي قريب قالت لي تعالي يابت يانبيهه اما اعلمك كلمتين ينفعوكِ


وبعديها قالت لي تعالي معايا عند عدلات عشان برضه هيه تفهم في الموال ده وليها خبره في معاملة الرجالة ..

سعديه: خبره؟؟ بقى فكيهه وعدلات بقم خُبرات دلوقتي.. حقه بطلو ده واسمعو ده!!



هه وبعدين اختصري؟



نبيهه: لما رحنا عند خالتي عدلات .. خالتي فكيهه وخالتي عدلات قعدوا يتخانقوا ويتريقوا على بعض .. كلمه من دي وكلمه من دي مسكوا في خناق بعض.. وهاتك ياعض وشد في شعور بعض


الست سعدية: وانا مالي بالموال ده كله .. خلصيني .. وجعتي دماغي


نبيهه: ما انا جايلك فـ الكلام اهوه يا امه...

رحت مزقعه بعلو صوتي وقايلالهم خلااااااااااااااااااص مش عايزة اتجووووووز ان شالله تحرقوا بعض حتى
سعدية: هاااااه وبعدين ؟؟؟


نبيهه: الاتنين قعدوا يبحلقوا فيا ويمصموصوا شفايفهم وقال ايه .. واللي تقول البت مالها.. جالها لطف يا ولداه!!والتانيه واللي تقلها معلش دي ما صدقت تتجوز ؟؟

انا سمعت الكلام ده منها وماحسيتش بنفسي غير وانا رازعه الولية المفترية فكيهه بالبوكس على وشها هيه والهبابة اللي اسمها عدلات




الست سعديه: اهيييي!! بقى عايزاني الفيلم الهندي ده ده يا بت؟؟ تكونيش شايفاني مختومة على قفايا؟؟



نبيهه: يووووووه ياامه هو ده اللي حصل بالحرف .. وانتِ مش عايزة تصدقي خلاص بقى ؟؟ انا داخله اوضتي....

وتخش وترزع الباب وراها

سعديه : بت يا نبيهه!! انتِ يا بت .. تعالي هنا .. بترزعي الباب في وشي؟



نبيهه تطلع من اوضتها : ياامه ما اقصدش .. بس ده هو اللي حصل .. انا نفسي ما عرفش

عملت كده ازاي ؟؟ بس عفاريت الدنيا اتنططت فوق دماغي ؟؟حسسوني اني ما صدقت الاقي عريس يلمني يا امـــه ...




وتترمي في حضن مامتها وهاتك يا عياط...



سعديه : فشــــر ..بس يا ضنايا بس ..ده انتِ اللي اجدعها شنب يتمنالك الرضا ترضي .. ماشي ياام اربعه واربعين .. ان ما عرفتك مقامك انت وبوز الأخص اللي اسمها عدلات ....



نبيهه: حتعملي ايه يا امة؟؟




سعدية: مالكيش دعوة انتِ



بت يا بـــــتعه




انتِ يا بــــت

بتعه: ايوة يا ستي.. انا جاية أهوه؟؟



سعديه: لو سيدك الحاج وصل انا عند ام اربعه واربعين ...



بتعة مزبهلة!! : مين يا حاجة؟؟




سعديه : عند الهبابة فكيهه ..




بتعه:ااه.. حاضر يا ستي .. حاضر

سعديه طالعه من باب شقتها ... تطلع شقة فكيهه .. تخبط عـ الباب جااااااااامدشغالة فكيهه تفتح


فتكات: ايوة مين اللي بيخبط .. على مهلك شويه ديه دي؟؟


ميين ست سعديه يا دي النور يا دي النور؟؟

سعديه: فين ستك يا بت؟



فتكات تعيط : ستيييييييييييييييييي.. ااااااااهئ ... اهئئئئئئئئئئ


سعديه: في ايه يا بت بتعيطي ليه ؟؟




فتكات مستمرة في العياط ... ستي عيانه قوي يا ست سعديه.......


سعديه: هي لحقت ؟؟ .. دي لسه طالعه من عندي بترمح زي الخيل .. تلاقيها بس استخبت لما سمعت صوتي؟؟


فتكات : ..( خمسة في عين العدو)


الست سعدية: بتبرطمي بتقولي ايه يا بت ??


بقول لو مش مصدقاني طب شوفيها نايمة في السرير اهيه واني مش عارفة اعملها حاجة



ااااااااااااااااااااااااااااااااهئئئئئئئئئئئئئئ


سعدية: خلاص .. سدي الجاعورة اللي انتِ فاتحها دي.. اما نشوف ؟؟

سعديه تخش اوضة فكيهه..



يانهااااااااااار ابيض دي سخنه بصحيح!! وسايباها كده ؟؟ ما خبطتيش علينا لييييييييه؟؟




فتكات: اصلكوا . متخانقين وما بتطيقوش بعض .. خفت اجيلك.. تطرديني ؟؟



سعديه: بقى ده كلام يا بت!! اما انك عبيطه بصحيح ؟؟



ناوليني التلفون




فتكات:. اتفضلي..



سعديه تكلم الدكتورة اللي في العمارة اللي قصادهم ....



سعديه:الووووووووووووووو... ايو ه ياست الدَكتُورَة





الدكتورة : اهلا يا ست سعدية .. خير ان شاء الله؟؟




الست سعدية: معلش حنتعبك معانا .. بس جارتنا الست فكيهه عيانة قوي وعايزنك تشوفيها





الدكتورة : لا ابدا مافيش تعب ولا حاجة انا جاية حالا..




الدكتورة تخبط عـ الباب تكشف على فكيهه...




سعدية: خير يا دكتوره عندها ايه ؟؟





الدكتورة: ما اقدرش اقرر دلوقتي لازم تتنقل المستشفى نعملها شوية تحايل ؟؟ واشعة ونشوف؟؟ لو كان في
خطورة نعملها عملية......



فتكات: عملية ؟؟؟؟؟؟؟


يامصييييييييييييييييييييييييبتي ؟؟





ما كانش يومك ياستيي

ده انا ماليش غيرك .. يا ستيي


اهئ.. اهئ..اهئ


سعديه: بس يا بت .. بتصوتي على ايه ؟؟هيه قالت لك حننقلها القرافة.. دي المستشفى


حسابك كام يا دكتورة؟

الدكتورة : عيب ده حنا جيران



الدكتورة تكلم الإسعاف .. عربية الإسعاف توصل .. تاخد فكيهه...



وفي المستشفى ...

يتبع.....
posted by شهووووده @ 29.9.10   0 comments
الثلاثاء، سبتمبر 28، 2010
نبيهه النبيهه وخالتي فكيهه 7

المكان: شقة خالتي عدلات


الأشخاص : فكيهه, نبيهه’ عدلات’ نعيمة الشغالة



المنظر: عدلات وفكيهه قاعدين في الأرض مربوطين بحبل, نبيهه بتشرب كباية الشاي ,


نعيمة الشغالة قاعدة في الأرض جمب الكرسي اللي قاعدة فيه نبيهه.



الحوار: نبيهه: مش سامعه الباب بيخبط يا مضروبة قومي افتحي..


نعيمة الشغالة: ايوة ياست نبيهه بسسسسسس ..



نبيهه: ما تبسبسيش .. قولي مين قبل ما تفتحي.

نعيمه : حاضر



نعيمة تقوم تفتح الباب..

ايوة مين اللي بيخبط

بهيه: اناااا


نعيمة: ايوة مين يعني ؟؟


بهيه: انا بهييه يا بت مالك مش عارفة صوتي ؟؟


نعيمة تفتح الباب بالراااحه وبصوت واطيي: يخرب بيتك ايه اللي جابك دلوقتي ؟؟ امشيي


بهيه: في ايه يا نعيمة.. بقى دي مقابلة تقابليني بيها؟؟



نعيمة: تلطم على وشها:.. امشي دلوقتي الله لا يسيئك.

بهيه: ايه يا بت امشي ليه .. هو احنا بنسرق.. انا جاية ازورك .. وعندي ليكي اخبار من الواااد عويضة


نعيمة: ياختي ان شا لله تسلمي بس امشي دلوقتي
وانا حبقى اكلمك بعدين .. يلااااااااااا

بهيه: طيب طيب .. بس ما تزقيش.




نبيهه: مين يا نعيمة ؟؟



نعيمة: مافيش ده الزبال يا ستي.. خلاص مشيته



بهييه واقفة تتصنت ـ عـ الباب



بقى انا الزبال!! يا معفنه يا جربانة.. مااااشي


نبيهه: خلاص اترزعي هنا



نعيمة : حاضر يا ست نبيهه

عدلات: هو احنا مش حنخلص مـ الربطه السودة دي

فكيهه: والله ما انا عارفة يا عدلات يا ختي !! كان يوم اغبر يوم ما جبت البت دي



نبيهه: في ايه يا خالة عدلات عايزة حاجة؟؟


فكيهه: لا موش عايزة حاجة .. احنا كده فل وتمام التمام.. مش كده يا عدلات؟؟




عدلات: اه طبعا ... امااال.



نبيهه: طيب : طالما كده احكي و قولي اللي عندك ياخالة عدلات انا جوازي فاضل عليه شهر .

عدلات: لو قلتلك حتشيلي الهباب اللي انتِ رابطاني بيه ده؟
نبيهه: ايوة طبعا .. هو انا ربطاكوا ليه اساسا مش عشان تهدوا كده واعرف افهم منكوا

عدلات: طب اسمعي طبعا خالتك فكيهه فطمتك حتعملي ايه ليلة الدخلة
نبيهه: ايوة البصل و التوم وزيت الخروع.....


فكيهه: شاطرة يا بت ما بنتنسيش الدرس ابداا

نبيهه: ودي تيجيي انسى كلام خالتي فكيهه على سن ورمح


فكيهه:ايييه . سن و رمح ايه هو بقى فيها سن .. ده انا بقيت فكيهه مسخـــرة




نبيهه: قطع لسان اللي يقول كده يا خالة.



فكيهه: ما انت قلتي يلا ما بدهاش , خلينا فـ موضوعنا


نبيهه: احسن برضه


عدلات: نكمل ولا ايه العبارة؟


نبيهه:قولي يا خالة عدلات .


عدلات: شوفي يانبيهه يا بنتي جوزك اوعي تعمليلة قيمه ابداااا .. تخرجي وقت ماتحبي و وترجعي وقت ما تحبي
نبيهه: طب ولما يسألني رايحه فين؟؟




فكيهه: تقوليله وانت مالك ياحشري!


عدلات: ولو شخط فيكي مثلا .. تشتميه بكل شتايم الدنيا اللي تعرفيها ..



فكيهه: وكل يوم تطلبي حاجة.. اشي دهب واشي هدوم,, واشي البتاع ده اللي اسمه موباين وكده يعني.. وفلانة جوزها جايبلها عربية اخر موديل اشمعنى انا .. وتشطبي على اللي في جيبه اول بأول..


نبيهه: طب ولو ما معاهوش؟




عدلات: ساعتها تولعي البيت حريقة, وتفضحيه وتروحي للجيران وتقوليلهم جوزي بخيل.. ده مجوعني..
ومبهدلني
......


فكيهه: وأول ما يحط اللقمة في بقه تقوليله



نبيهه: بالهنا والشفا يا حبيبي



فكيهه: حبيبي ايه حبك برص..


نبيهه: يوه يا خالة ما بلاش الكلام ده



فكيهه: با بت انا بوعيكي..

اول ما يحط اللقمة في بقه ,, تقوليله .. ان شالله تطفح .. بالسم الهاري .. حار ونار في جتتك.. مطرح ما يسري يهري..


نبيهه: ياخالة .. ياخاله..ده كده يرجعني بيت ابويا عدل.. ده لو ما جابش ساطور وقطعني حتت !!!

فكيهه: يقطع مين يا بت .. يقطع خبره .. هو يستجري.. بس استحياط برضه خدي معاكي قزازة مية نار .. ولو حسيتي بأي غدر .. رشيها على وشه على طول

نبيهه: يانهار مش فايت .. دي ما بقتش جوازه .
عدلات: يا عبيطة . ما هيه الرجالة ما تجيش الا كده.. جربي انت بس ولو ما بقاش زي الخاتم في صباعك..مابقاش انا عدلات..


فكيهه: اسمعي الكلام يا بت .. حاكم خالتك عدلات دي خبره .. هو انت ما شفتيش جوزها

نبيهه: لا ما شفتوش يا خالتي

فكيهه: كان راجل ملو هدومه.. ماحدش يقدر يقله تلت التلاته كام اتجوز عدلات من هنا .. وهما شهرين!! شهرين ايه ؟؟



اسبوعين بس .. ما عادش في لسانه غير حاضر يا عدلات .. من عنيا ياعدولتي .. اطبخلك ايه يا روحي .. هاتي هدومك اغسلهالك ...

نبيهه: ياحلاوة ياولاد.. جوزك بيعمل كووول ده يا خاله عدلات!!!

عدلات: طبعا ياست العرايس اسمعي كلامنا بس وانتِ تعيشي عيشة الأمرا .


نبيهه: ماشي يا خالة حجرب!!



نبيهه تبص في الساعه.. يانهاااار مش فااايت انا اتأخرت قوي . زمان امي جت...

نبيهه تجريييي عـ الباب



فكيهه: استني يا بت استني ...حتسيبينا كده ..



عدلات: مش تشيلي الحبل اللي انت رابطانا بيه ده



نبيهه: فكيهم يا عيمة .. بســـرعه



نعيمه تفك خالة عدلات وخالة فكيهه




نبيهه: تمسك ايد خالة فكيهه وتطلع الأتوبيس .. ومواصلة ورا التانية لحاد ما توصل البيت.


نبيهه و خالتي فكيهه يوصلوا لباب العمارة

الست سعديه مامة نبيهه واقفالهم عند البوابة



نبيهه: يامصيبتيي


وتمسك في ديل خالتي فكيهه وتستخبى وراها



نبيهه: أمييي.. خبيني ياخالتي .. خبيني..

سعديه: كنتِ فين يا بت لحاد دلوقتي


نبيهه: كو ...كو ,,ككو ,,نننت


سعديه: كنتِ فين انطقي؟



تبص تلاقي فكيهه: واقفه:
سعدية:انتِ كنت ِ مع الست ديه نهارك اسوووود



فكيهه: وانا مالي يا ختي انا جاية لو حدي
نبيهه: بقى كده ياخالة؟؟


فكيهه: انا لا خالتك ولا اعرفك .. روحي شوفي بنتك بتتصرمح فين يا ست سعديه

سعديه: ما تتلمي يا وليه انتِ انا بنتي متربيه



فكيهه: طب اسأليها كده كانت فين ؟؟ ولولايا انا .. كانت الفاس وقعت فـ الراس



نبيهه: انت ِ حتتبلي عليا .. ولا ما كفتكيش العلقة اللي خدتيها


سعديه: علقة ايه دي يابت؟؟


فكيهه: اصل بنتك المتربية لما رحت الحقها واطلعها من المكان.. استغفر الله العظيم !! استغفر الله العظيم !! اللي كانت فيه ..


مسكتني ضربتني وكسرت عضمي .. اكمني ست عجوزة وعضمة كبيرة وهيه شابة وربنا مديها شوية صحه



نبيهه: ماتصدقيش الولية الخرفانة دي يا امه



فكيهه: انا وليه خرفانة .. الله يسامحك يا بنتي

سعديه ام نبيهه تشدها من شعرها انجري قدامي عـلى جوا يا بت

نبيهه: يا امه دي كدابة .. كدااااابه


سعديه: اخرسي يا قليلة الرباية انا حعرف اربيكي من اول وجديد....

نبيهه:يا امه اسمعيني بس


فكيهه تدخل شقتها وتتصل بعدلات وتقولها لو ام نبيهه اتصلت قوليليها انها ما جاتلكيش خاااالص


فكيهه تطلع من شقتها وتخبط عـلى باب شقة نبيهه ..


فكيهه :على مهلك يا ست سعديه .. دي البت لسه صغيرة .. كله بالهداااوة .. بالهدااوة



نبيهه: كله منك ياوليه يا قرشانة ..

ياامه والله كنت معاها عند خالتي عدلات حتى كلميها واسأليها

فكيهه: ايووووة كلميها وادي النمرة اهيه

سعديه : حكلمها واللي تطلع فيكو كدابة يا ويلها يا سواد ليلها


سعديه: الووو .. ممكن اكلم الست عدلات

عدلات: ايوة معاكي


انا سعديه ام نبيهه: الا قوليلي نبيهه بنتِ جتلك النهاردة؟

عدلات: نبيهه ؟؟ لا ما شوفتهاش خالص

سعديه تبص لنبيها بنرفزة وعصبيه ..



نبيهه: في ايه يا امه.. خالة عدلات قالت لك ايه؟؟
عفاريت الدنيا تتنطط في وش سعديه .. تزق فكيهه لبره وتقفل الباب وو.......


يتبع.....
posted by شهووووده @ 28.9.10   0 comments
الاثنين، سبتمبر 27، 2010
نبيهه النبيهه وخالتي فكيهه 6)
المكان : شقة خالتي عدلات



الأشخاص: عدلات , فكيهه, نبيهه


المنظر: فكيهه وعدلات ماسكين
بعض .. نبيهه سابتهم ولسه حتطلع من الباب

فكيهه تلحقها....


الحوار:فكيهه: بت يا نبيهه.. انتِ يا بت ..

سايباني مع امنا الغولة دي ورايحه على فين؟

نبيهه: مروحة يا خالتي مروحة .. كملوا خناق براحتكو
فكيهه: بقى كده يا بت

ماااشي .. دوري بقى على اللي حيوعيكي ويرسيكي في جوازتك الغبرة دي
نبيهه: ما انتوا عمالين تلطشوا في بعض اهو ياخالة وماخدتش منكوا حاجة
عدلات : خلاص ياعروستنا .. خلاص .. عشان خاطرك بس حسامح الوليه القرشانة دي!!
في خناق

فكيهه: انا قرشانة..ياااا

نبيهه: بااس ابوس ايديكو خلااااااص ..اعمل ايه بس ياربي اشق هدومي...بصوا خلاص مش عايزة اعرف ولا افهم أي حاجة ...


خليكو كده قطعوا في هدوم بعض .. انا حفضل اتحايل عليكو لحاد امتى ؟؟

ياسااااتر ...



ولا اقلكوا بلاها جوازة من اصله


مش عايزة اتجوز

مش عايزة اتجوووز


نبيهه وعدلات يبصوا لنبيهه باندهاش وينسوا الخناقة
عدلات: هي البت مالها ياختي .. ياكبدي يا بنتي .. البت جالها لطف..


 ..لأااا . ده انا نبيهه والآجر على الله.. لمي نفسك انتِ وهيه لا اعرفك مقامك.........فكيهه: نعم ..نعم .. .. بقى انتِ ياللي لسه ما طلعتيش من اليضة حتعرفيني مقامي..اناااا.. فكيهه بت الحاج بسطويسي الجزار على سن ورمح.. تعاليلي يا شاااااطرة


وتشدها من شعرها...


عدلات: سيبهالي انت يا فكيهه .. اما اربيهالك من اول وجديد..

فكيهه: معلش يا عدلات يا ختي هي الحالة النفساوية دي بتجيلها من يوم ما اتقرت فاتحتها ..
نبيهه: لطف ايه وحالة نفساوية ايه ياوليه انتِ وهيه؟؟ ماهو مش عاملالكو قيمة .. تتمقلسوا
عليا

 نبيهه: حتربي مين ياوليه ياللي عمرك الافتراضي خلص

نبيهه تمسك عدلات وبالبوكس على وشها
عدلات: ااه يا وشيييي.. اااه ياعينيي



 فكيهه تجري على عدلات عشان تخلصها من ايد نبيهه


نبيهه: تعض عدلات جاااامد

عدلات:اااي .

الحقوني يا ناس



الحقونا ياعاااالم


نعيمة شغالة عدلات تطلع من المطبخ :


في ايه خير .. مالك يا ستي.. يــاخبر ايه اللي شلفط وشك كده؟؟

نبيهه: ولا كلمة يا بت .. اجري هاتيلي حبل يا بت .. اجرييي..

نعيمة شغالة عدلات مسهمة وواقفة تبص على عدلات وفكيهه




posted by شهووووده @ 27.9.10   0 comments
السبت، سبتمبر 25، 2010
نبيهه النبيهه وخالتي فكيهه 5
المكان: شقة خالتي عدلات



الأشخاص: عدلات وفكيهه و نبيهه



الحوار:

فكيهه و نبيهه قدام باب شقة خالتي عدلات




فكيهه بتخبط عـ الباب ..

عدلات تفتح

فكيهه: سلام عليكو يا عدلات ياختي


عدلات: وعليكو السلام ... ياالف مرحب .. يادي النور يا دي النور

امووووة ...



ميييييييين القمر اللي معاكي ده.. عروستنا الحلوة ؟؟ ياا اهلا يا اهلا... اموووة... امووووة



اتفضلوا يا ختي اتفضلوا عـ الصالون



ثواني ورجعالكوا .. خدو راحتكوا البيت بيتكوا .....


فكيهه: مالك ساكته ليه يا بت يا نبيهه؟ الست عمالة ترحب بيكي وهاتك يا بوس وانت ولا نطقت بكلمة؟؟

نبيهه: هيه ادتني فرصة يا خالة . من ساعه ما دخلنا وهيه دو دو دو دو


فكيهه: عندك حق يا بت .. هيه عدلات دايما كده بالعه راديوا

عدلات تدخل الصالون على نبيهه وفكيهه..


عدلات: ايوة يا فكيهه يا ختي , ازيك كده وازاي جوزك.. قولتيلة انك جيالي؟




فكيهه: لااااا.. واقله ليه يعني ؟؟ هو يستجري يفتح بقه بكلمه ولا يقلي لأ حتى ..




ده انا فكييهه ياعدلات.. قال استأذنه قال.. ما بقاش الا دي كمان ؟؟

عدلات طب خلاص خلاص.. مالك اتحمقت كده ليه؟؟ انا بسأل بس ؟؟ عشان المرة اللي فاتت لما عوقتي عندي وو...


فكيهه: شششششش اكتمي خالص .. ايه هو انتِ ما تتبلش في بقك فولة؟؟



نبيهه: هو في ايه يا خالة ؟؟ تكنش تقصد ان عم هنداوي .. رنك علقة زي اللي رنهالك لما مشيت من عندك ؟؟

فكيهه: وشها يحمر ويصفر وتقرص نبيهه قرصه جامده
نبيهه: اييييي.. في ايه يا خالة هو انا قلت حاجة غلط لا سمح الله ؟؟


عدلات: ههههههههه ده انتِ فضيحتك بقت بجلاجل.. وانا اللي عماله اتكلم بالهمس .. قال ايه البت نبيهه مش فاهمة..ههههههه



فكيهه :ههههه!!فرحانة قوي وبتضحكي .. قال يعني انتِ اللي جوزك مهنيكي وممنيكي.. بلا خيبة ...

عدلات: لايا ختي انا جوزي امشيه على عجين ما يلخبطوش.. تحبي تشوفي؟؟



فكيهه: ياشيخه هو جوزك ده يتعد في سوق الرجال؟؟ انا عارفة اتلميتي عليه منين؟


عدلات: لألألأ لمي نفسك ياعدلات اقعدي عوج واتكلمي عدل؟؟ انا جوزي سيد الرجالة


فكيهه: بأمارة ايه بقى ؟؟ خليني ساكته احسن وخلي الطابق مستور ؟؟



عدلات : وتسكتي ليه ماتقولي .. انا ماعنديش حاجة اخبيها ؟؟ على الأقل جوزي بيحبني وشايلني على راسه من فوق مش زيك يصبحني بعلقه ويمسيني بعلقة

فكيهه : بيحبك؟؟؟؟؟؟؟؟؟؟ طب قولي الكلام ده لحد ما يعرفكيش؟؟ ..يالي جوزك عامل زي خيال المآته




عدلات: انا جوزي خيال مآته ياعرة النسوان



فكيهه: انا عرة النسوان يا ام اربعه واربعين




فكيهه وعدلات يمسكوا في خناق بعض وهاتك يا ضرب وشد شعر


نبيهه: بس يا خالة فكيهه.. كفاية ياخالة عدلات.. مايصحش كده


فكيهه: مالكيش دعوة انتِ يانبيهه؟؟ سيبني اعرفها مقامها الولية الدكر دي .....


عدلات : انا وليه دكر يا وليه ياجربانه وقال على رأي المثللللللل.. ابوك البصل و أمك التوم منين تجيك الريحة الحلوة يا مشئوم



نبيهه: تروح من هنا تجيي من هنا.. شوية عند خالة فكيهه وشوية مع خالة عدلات



ولا فيش ايتوهااا فايدة ؟.. طب وبعدين مش حيفطموا نبيهه ويودكوها ؟؟

يتبع...
posted by شهووووده @ 25.9.10   0 comments
الخميس، سبتمبر 23، 2010
نبيهه النبيهه وخالتي فكيهه 4)
المكان: شقة الحاج أبو نبيهه

الأشخاص: نبيهه وبتعه الشغالة
المنظر : باب الحمام مفتوح وبتعة بتمسح ارض الحمام



الحوار:

بتعه: الطشط قالي الطشط قالي



ياحلوة يالي قومي استحمي




نبيهه تصحا من النوم قرقاااااانة على صوت بتعه


نبيهه تروح عـ الحمام وتقف ورا بتعه

بتعه مستمرة في الغنا:


الطشط قالي الطشط قالي


ياحلوة يالي قومي استحمي



نبيهه: يا خي ان شالله يحموكمي في كنكة ..بتعه= يختييييييييييييييييييييييييي.

بفففففففففففف ..... ففففففففففففففففففف


بسم الله الرحمن الرحيم


نبيهه: ايييييييييييه .. طلعك عفريت

اجري جهزيلي الفطار يلاااااا


بتعه: ححح حاضر حاضر ..

نبيهه استني هنا مش تسأليني حفطر ايه


بتعه: هو في غير الفول و الطعمية


نبيهه: يييييييييييه .. كل يوم من ده توب علينا يااااااااااارب


بتعه: ما خلاص يا ستي .. هااااااانت.. بكره تفطري زبدة ة ومربي والبتاع ده اسم ايه الكسرانون ولا الكرواسوووون



حسرة عليا أنا وعلى حظي... اصوم اصوم وافطر عـ الواد بسيوني الجعر

أما عريسك أنتِ اسم الله عليه قيمه و سيما .. يخواااااااااااااتي على جماله ولا كلامه


يا سلااااااااااااااااام


نبيهه: وايه كمااااااااان !!



بتعه: ياااااااااه يا ستي عريسك .. ده تتقال فيه مواويييييييييل

نبيهه: والله .. لا يا شيخة.. طب انا عندي فكرة ..

بتعه: قولي يا ست البنات قولي



نبيهه: ايه رأيك اسيبهولك تجوزيه انتِ؟؟؟


بتعه: يارييييييييييييييييييييييييييييييييييت



نبيهه من غير ولا كلمة تاخد المقشة من الأرض وعلى ظهر بتعه عدل


بتعه: خلاص يا ستي خلاص سمااااااح .. بهزر معاكي



نبيهه: وتهزري معاياا ليه اصحاب؟؟ ولانكونش اصحاب؟؟ جتك البلى عكرتي مزاجي قبل ما اخرج
بتعه: تخرجي تروحي فين يا ست نبيهه؟




نبيهه: وانتِ مااااااااالك يا حشريه ؟



بتعه: وانا مالي وانا مالي؟؟ بس سي الحاج وستي الحاجة مش هنا

نبيهه: يا دي النيلة .. راحو فين ؟؟



بتعه: ست الحاجة راحت تزور عمتك وسيدي الحاج في الشغل ؟؟



نبيهه: بقلك ايه يا بتعه كلمي امي عـ التلفون واعرفيلي حترجع ولا حتتغدى هناك
بتعه: حاضر

بتعه تكلم الحاجة ام نبيهه



نبيهه: هاااا قالت لك ايه ؟؟

بتعه: قالت انها حتتغدى عند عمتك وبعد كده حيروحوا مشوار مع بعض مش راجعين غير عـ العشا



نبيهه: طب فللللللللل وعال العال .. الحق اخرج انا وارجع قبل ما امي ترجع

بتعه: لا بلاش يا ست ابوس ايدك.. سيدي الحاج لو جه ومالقاكيش حيطين عيشتي ..

نبيهه: ابويا بيرجع من الورشة متأخر قوي .. اكون انا رجعت ونمت كمان ..

وتخش نبيهه اوضتها تغير هدومها



بتعه: تخبط الباب على نبيهه


طب اقولهم رايحه فين ؟؟



نبيهه تطلع من الأوضة


نبيهه: قوليلهم... قوليلهم... راحت عند عطيات صحبتها .. امي بتحبها قوي ومش حتزعل



بتعه: وهو انتِ رايحه هناك بجد؟؟ ولا كده وكده؟؟


نبيهه: مالكيش دعوة انت اعملي اللي بقلك عليه وبس



بتعه: امري لله .. بس ما تعوقيش الله يخليكي

نبيهه: ماشي ماشي.. سلام عليكو


بتعه: وعليكو السلام...


وتروح نبيهه عند خالة فكيهه ويروحوا مع بعض عند خالتي عدلات

وفي شقة خالتي عدلات...

يتبع......
posted by شهووووده @ 23.9.10   0 comments
الأربعاء، سبتمبر 22، 2010
نبيهه النبيهه وخالتي فكيهه (3)
المكان: قدام باب شقه خالتي فكيهه



الأشخاص: فكيهه وعم هنداوي


المنظر : عم هنداوي يفتح الباب فجأة ونبيهه واقفه ..
نبيهه تقع...


 فكيهه: حتعرفي بعدين يا بت ما تستعجليش على رزقك

نبيهه: طيب يا خالة ..... الو .. الو خالة فكيهه!!
حقول لأمي ايه بس ؟؟ دي ما بتطيقش خالة فكيهه.. اقوم اقولها حروح معاها لخالتي عدلات


تعملي ايه يا نبيهه؟؟ تعملي ايه ؟؟

يتبع....


دببببب


عم هنداوي: بتعملي ايه يا نبيهه؟؟


نبيهه: ولا حاجة يا عم هنداوي .. ولا حاجة

وتجري تستخبا فوق لحاد ما عم هنداوي يمشي


ترجع نبيهه لشقة فكيهه.......



المكان: شقة خالتي فكيهه

الأشخاص: نبيهه وخالتي فكيهه

الحوار:

فتكات تدي كباية العرقسوس لفكيهه


فكيهه: ناوليني التلفون يا منيله..


فتكات: حاضر يا مودام.. هو يعني لازم الشتايم يعني ..



فكيهه: براحتي يا بت براحتي .. يلا امشي غوري من وشي؟


فتكات مكشرة .. ومادة بوزها شبرين

فكيهه: الووووووووو.. سالخير يا عدلات يا ختي


عدلات: سالنور يا فكيهه. ازيك.. عاملة ايه



فكيهه: الحمدلله يا ختي .. بقلك ايه .. اخبار عطيات وبهيه ايه؟


عدلات بخير وزي الفل يا فكيهه يا ختي.. خير فيه حاجة

فكيهه: خير طبعا .. عندنا بنوته زي القمر على وش جواز.. عايزين نودكها ونفطمها ..عشان تروح لعريسها ميه ميه...



عدلات: بس كده غالي والطلب رخيص.. هاتيها معاكي يوم الخميس الجاي ..


فكيهه: طيب يا اختي.. مع السلامة انتِ دلوقتي


فكيهه تطلب نبيهه عـ التليفون

الوووو: سالخير ازيك يا نبيهه؟


بتعه: انا بتعه الشغالة يا ست فكيهه



فكيهه: فين ستك نبيهه يا بت

نبيهه تاخد التليفون من بتعه


الوو : ايوة يا خاله

فكيهه: مال صوتك يا بت ؟؟ بتعيطي ولا ايه؟؟




نبيهه: ابدا يا خالة مافيش حاجة؟؟



فكيهه: حتخبي عليا يا بت؟؟ قولي فيه ايه ؟؟ المدهول على عينه عريسك زعلك؟؟قوليلي وانا اقطملك رقبته




نبيهه: لا يا خالة .. دي امي بهدلتني
 عشا ن اتأخرت عندك وعريسي مشي ..



فكيهه: يا ختي ولا يهمك ..ده انتوا يا ما حتزهقوا من بعض..

المهم عايزاكي تيجي معايا يوم الخميس الجاي عند خالتك عدلات

نبيهه: يوم الخميس؟؟ ليه يا خالة ؟!



نبيهه: يا خبر .. سلامتك يا خالتي .. ايه اللي عملوا فيكِ ده.. منك لله يا عم هنداوي
.. الهيييييي...




فكيهه: تقفل بق نبيهه... بس يا بت اوعي تدعي عليه تاني.. ده سي هنداااوي.


نبيهه: باندهاش: بعد كل اللي عمله فيكي  عجايب؟؟


فكيهه: يا بت يا عبيطه .. هو الأكل يحلى من غير بهارات؟؟


نبيهه: لا طبعا .. يبقى ماسخ ومالوش طعم.

فكيهه: اهي دي يا نبيهه بهارات الحب ..


نبيهه: يا حلاوة يا ولاد .. بس دي بهارت ملهلبة قووووووي يا خالة


فكيهه: سيبك انت بس يابت وقوليلي.. فرحك امتى؟



نبيهه: كمان شهرين يا خالة

فكيهه:كويس .. يعني عندنا فرصة لسه ؟


نبيهه: فرصة لأيه يا خالة؟

فكيهه: تعاليلي بكره بدري حنروح مشوار مع بعض؟


نبيهه: مشوار ايه يا خاله؟؟


فكيهه: يا سااااتر على بنات اليومين دول مافيش صبر؟؟


نبيهه: حاضر يا خالة امري لله حستنى لبكره .. اشوف وشك بخير.

فكيهه: تلاقي الخير يا عروسة.


تطلع نبيهه على شقتها

*********************

المكان: شقة فكيهه



الأشخاص: فكيهه وفتكات الشغالة

فكيهه تندة على الشغالة..


انت يا هبابة يللي اسمك فتكات


فتكات: ايوة يا ستي

فكيهه: جكك اوه.. اسمها نعم يا مودااااااام ..



انجري اعمليلي كباية عرقسوس ..


فتكات: حاضر يا سسسس.. قصدي يا مودام



فتكات : حقه بطلوده واسمعوده الله يرحم !!!



نبيهه: بتبرطمي تقولي يا مدهولة على عينك؟؟


فتكات: ابدا ابدا .. ولا حاجة يا مودام
posted by شهووووده @ 22.9.10   0 comments
الثلاثاء، سبتمبر 21، 2010
نبيهه النبيهه وخالتي فكيهه (2)
المكان: شقة خالتي فكيهه


الاشخاص: فكيهه. نبيهه, فتكات
الخالة فكيهه بتنده عـ الشغالة

بت يا فتكات .. انتِ يا بت .. اعمليلنا كبايتين شاي بسرعه
فتكات: حاضر ياستي




فكيهه: صلي عـ اللي حيشفع فيكي

نبيهه: اللهم صلي على كامل النور


فكيهه: بصي يا نبيهه يا بنتي ... جوزك على ما تعوديه وابنك على ماتربيه

نبيهه: يعني ايه يا خالتي

فكيهه: استني اما اكمل كلامي ما تقاطعينيش


نبيهه: حاضر يا خالتي


فكيهه: فين الشاي يا فتكااااااات


فتكات: اهو يا ستي اهو..


فتكات تحط كباية شاي واحدة بس




وتطنش نبيهه: وبعد ما تخلص الكبايه خاااااااااالص


فكيهه:بفففففف... يعععع بقى دى شاي يا بت .. الله يسد نفسك...



فكيهه: مالك ما شربتيش الشاي ليه يا نبيهه



نبيهه مزبهله: هااااا.. طيب يا خالتي طيبفكيهه: نخش في الجد بقى

نبيهه: اتفضلي يا خاله فكيهه



فكيهه: شوفي ياست العرايس.. أهم حاجة اول يوم ده يا اما يبقى يوم سعدك وهناكي .. يا اماااااا .. انتِ ادرى بقى!!

نبيهه: يعني ايه ياخالتي؟؟


فكيهه : يعني ايه ايه يا بت يا عبيطه انتِ؟؟

فكيهه: تاخد كباية الشاي تشربها

نبيهه: يوه يا خالتي ..

فكيهه: خلاص خلاص ما تعيطيش انا بهزر معاكي



شوفي يا بنتي..انا عايزاكي من اول يوم .. وفي اول ثاينه..تخشي المطبخ وتاكلي فحل بصل .. وشوية توم قد فصين تلاته اربع خمسه ...كده

 نبيهه: توم وبصل .. ده كده ريحت بقي حتبقى وحشة




فكيهه: ايوووووة.. مش مهم يا بت مش مهم.. لو بيحبك يستحمل



 فكيهه: اول ما تيجوا تناموا تشيلي البتاع اللي حيلطخولك بيه وشك .. وتدهني وشك واديكي بزيت خروع وتحطي على شعرك جاز..



نبيهه: يا خرابي يا خالتي.. ودي معقولة.. ده كده يسبني ويمشي


فكيهه: ولا يقدر بالعكس يابت.. ده كده يحبك اكثر .. اسمعي الكلام انتِ بس

 فكيهه: طبعا يا بت دي وصفه متجربة علىاربعتاااااااااااااشر عروسة قبل كده

نبيهه: تفتكري يا خالتي؟!





نبيهه: ولسه معمرين مع بعض يا خاله



فكيهه : طبعا طبعا .. هو انا بلعب ده انا فكيييييييييهه



نبيهه: كملي يا خاله كملي ..فكيهه: قولي انت يا نبيهه.. لو جوزك في يوم جه تعبان من الشغل حتعملي ايه



نبيهه: حقابلة ببتسامه جميلة واعمله لقمه يتقوت بيها .. واحضرله حمام سخن.. زي ما امي بتعمل مع ابويا



فكيهه:: غلط كده غلط .. عبيطه زي امك ...


نبيهه : امال اعمل ايه طيب؟


فكيهه: اول مايخش من الباب .. ترقعي بالصوت ..الواد عايز و البت عايزة.. وامك عملت..



نبيهه: بس امه تعيشي انتِ ..

فكيهه: احسن برضه. حاكم الحموات دول سبب خراب البيوت


قوليلي يا بت.. عنده اخوات بنات


نبيهه: ايوه عنده خمس اخوات  بنات في




فكيهه:انت بتخمسي في  وشي ليه يابت

نبيهه: ما اقصدش ياخاله

فكيهه : ماعلينا المهم.. اياكي يا بت تخليهم يخشوا بيتك ولا تأخديهم عليكي .. اااااه

نبيهه: ازاي بس .. اطردهم من بيت اخوهم يعني؟؟


فكيهه: مش تطرديهم.. بس اول ما يخرجوا تنكدي عليه عيشته
شفت اختك عملت ايه.. ولا ابنها المفعوص كسر الفازة اللي بسفنتاشر جنيه

وكل مرة يجولك من ده


نبيهه: بس يا خاله ما يصحش كده دول اخواته برضه


فكيهه: جك خوووووو اما يخوتك يا بت ..

انت ِ عايزة تعيشي مع جوزك في تبات ونبات ولا لأ؟
نبيهه: عايزة يا خالتي



فكيهه : خلاص يبقى تسمعي الكلام وبلاش غلبة



نبيهه: حاضر يا خاله

فكيهه: بتقولي ايه حاضر؟؟؟ حسك عينك تقوليله الكلمه دي ابدااااااا


نبيهه: امال اقوله ايه؟؟



فكيهه: لو طلب منك كبايه شاي.. تقوليله ., يعني مش عارف تعملك كبايه شاي



نبيهه تبص لفكيهه باندهاش

نبيهه: هه ؟؟



فكيهه: مالك مبلمة .. اسمعي بس,.. واوعي يجي يلاقي الغدا جاهز



خليه يجيب اكل من بره ولو ما جابش روحي اتغدي انت عند امك



نبيهه: وهو يا خاله اسيبه من غير اكل



فكيهه: وايه يعني .. ان شالله عنه ماطفح




نبيهه: بس كده ممكن يزعل  ويشخط فيا كمان



فكيهه: وهو يستجري.. لو قالك كلمه تردي عليه بعشرة



نبيهه: بس كده ممكن ايده تتمد عليا



فكيهه: لو فكر .. شوفي لو فكر انه يمد ايده عليكي.. تقلعي اللي في رجلك وعلى قفاه عدل

نبيهه: يعني كده جوزي يحبني وما يسبنيش ابدا؟؟


 فكيهه: بقلك اسمعي الكلام احسنلك .. كده حتعمري مع جوزك ويحبك ويقدلك صوابعه العشره شمع




نبيهه: اممممممممم .. وهو انت كنتِ بتعملي كده مع عم هنداوي يا خاله



فكيهه: اماااااااااال.. ده عمك هنداوي زي الخاتم في صباعي ولايقدر يتنيلي كلمه ابداااااااا



نبيهه: الباب بيخبط يا خاله.. ده يمكن عم هنداوي



الحاج هنداوي: احمممممم احمممممم .. يا فكيهه.. انتِ يا وليه ما بترديش ليه .. اتطرشتي




فكيهه: نعمم..ععمم .. يا سي هنداوي انا جاية اهوووووووووو



نبيهه مندهشة.. معقولة يا خالة اللي انتِ بتعمليه ده!!

فكيهه: بعمل ايه يعني .. دنا بعمله قيمه قدامك بس ..

 نبيهه: طب يا خاله انا ماشية وحرجعلك بكره ان شاء الله

فكيهه : ماشي يا عروستنا





وتخرج نبيهه.. بس تقف تتصنت من الباب

هنداوي: بتعمل ايه عندك يا فكيهه ؟؟



فكيهه: ايوة يا سي هنداوي حاضر

هنداوي: بقالي ساعه بندهلك وانتِ هاتك يا رغي قدام الباب



فكيهه: تأمرني بحاجة ياسي هنداوي

هنداوي: قومي فزي حضريلي لقمه

 أكلها


فكيهه: امرك يا سي هنداوي..فكيهه تحضر الأكل لهنداوي



هنداوي: مال اكلك ماسخ كده ليه يا وليه .. جتك القرف



فكيهه: في ايه بس يا سي هنداوي ماهو الأكل جميل اهوة

هنداوي : وكمان بتردي عليا ..

طااااااااااااااااخ


 نبييهه: زغرطو يا عرب ..خالتي فكيهه بتنضرب

يتبع.............


posted by شهووووده @ 21.9.10   1 comments
الاثنين، سبتمبر 20، 2010
نبيهه النبيهه وخالتي فكيهه (1)

نبيهه النبيهه وخالتي فكيهه

المكان: بير السلمالأشخاص: نبيهه , وخالتي فكيهه



نبيهيه النبيهه: سالخير يا خالتي فكيهه
خالتي فكيهه: سا النور عليكي يا بت .. والله وكبرتي وبقيتي عروسة يا مقروضة

نبيهه: يوه بقى ياخالتي ما تكسفينيش
خالتي فكيهه: قال يعني بتكسفي قوي .. يابَااااااااي علي بنات اليومين دول..نبيهه: ليه بس يا خاله ماهم زي الفل اهمخالتي فكيهه: بلا فل بلا ياسمين.. قطيييييييييييييييعه


نبيهه: مالك ياخالتي مغلولة منهم كده ليه
فكيهه: ما ينفعش الكلام عـ السلم كده... خشي خشي يا بت

نبيهه: بس كده امي حتستعوقني.. اصل عريسي جاي
فكيهه: طب كويس.. خشي معايا وهيا نص ساعه وانا اودكك واعرفك تعاملي عريسك ازاي..نبيهه: اه والله يا خالتي اصل انا خايبة قوي وعريسي واد انما ايه .. متقمع وبيلبس من بلاد بره
وبيتكلم فسرناوي وعنجليزي ..
فكيهه: فسنواري وجعنليزي ايه ويطلعوا مين دول يا بت؟
نبيهه: دول لغات يا خلتي زي اللي بيتكلم بيهم الخواجه اللي ساكن قصادنافكيهه: اااااااااااه ماشي يا بت تعالي بس وانا اجيبلك اللي يعلمك كل مغات الدنيانبيهه: مغات ايه يا خالتي هو آني نَفَسَه؟وتخش نبيهه شقة خالتي فكيهه

يتبع.
posted by شهووووده @ 20.9.10   0 comments
لقد......عاد
لقد......عاد




سارت بخط حثيثة.. تلفتت يمنة ويسرة.. ظنت انه ابتعد.. غمرتها السعادة .. خلعت معطفها الصغير وجلست تداعب العشب الأخضر.. ألقت تحية الصباح على العصافير .. فغنت لها أنشودة حب عذريه.. أغمضت جفنيها ..رأته بين النوم واليقظة .. انتفضت قائمة .. لقد عاد.......




شهد الأربعاء‏، 08‏ أكتوبر ‏، 2008
posted by شهووووده @ 20.9.10   0 comments
الأحد، سبتمبر 19، 2010
ظــمأ
ظــمأ



جاء من عمله يتصبب عرقا..جلس على الأريكة ..صرخ مناديا أريد كوبا من الماء.. لم يلبي نداءه أحد .. غضب .. سار نحو الثلاجة بخط حثيثة.. لا توجد قارورة ماء واحده.. ذهب إلى غرفته .. ألقى سترته .. استلقى على سريره.. ,اغمض جفنيه للحظات.. لم يحتمل شدة العطش .. استيقظ ..خرج من غرفته .. ذهب الى المطبخ .. وقعت عيناه على قارورة ماء فوق الثلاجة.. كيف لم اراها من قبل .. تهللت اساريرة.. فتحها .. رفعها إلى شفتيه.. نزلت أول قطرة .. طرق الباب.. لم يأبه له .. استمر .. كسر الباب .دخلت زوجته وهو ملقي على الأرض..رفعت القارورة .. همست .. اردت التخلص منه.. لكن بطريقتي .. رفع رأسه.. لازال فيه قلب ينبض .. كاد ان ينطقها .. طاااااااا.. وضعت يديها على شفتيه..أطلقتها رصاصة




posted by شهووووده @ 19.9.10   2 comments
الثلاثاء، سبتمبر 14، 2010
النــــاموسيــــة الكــــحـــلي
النـــاموسيــــة الكحــــلي

 


المكان : اوضة متكركبة , ستاير مقفولة ,ابو خشون نايم ومغطي وشه

الزمان: الساعة 7 الصبح

الأشخاص: مسفنسفنجة هانم, الأستاذ ابو خشون


الحوار:مسفنسفنجه هانم

صباحك عسل يا جميييييل .... يلا اصحى بلاش كسل

الأستاذ ابوخشون: يا فتاح يا عليم يارزاق ياكريم


هو يعني الواحد مايعرفش يتخمد .. يعني


جتكو البلاوي عايزه أيه ؟؟


مسفنسفنجه هانم تتقمص من ابو خشون بلاوي لما تاخدك

مش كفاية مستحملاك وتسيبه وتمشي


**********************************

المكان: ثابت (1)

الزمان: الساعه 8 الصبح

الأشخاص: مسفنسفنجة وابو خشون

الحوار:الأستاذ ابوخشون :سايباني وماشية ما تقولي عايزة ايه

مسفنسفنجه هانم:اتخمد وانت زي قلتك

الأستاذ ابوخشون: احسن برضه اقفلي الباب وراكي

خخخخخخخخخخخخخدببببببببببببببببب

ترزع الباب وراها

الأستاذ ابو خشون:هي حصلة لرزع الأبواب كمااااااان .....

بصي انا مش حرد عليكي عشان انا الراجل احم احم ؟؟؟؟؟

مسفنسفنجه هانم:مااااااشي يااااااااا راجل

************************************

الزمان: الساعه 9 الصبح

المكان: ثابت (1)

الحوار:ابو خشون بيحلم وبيتكلم وهو نايم

بقى كده يا ام رابسو هو ده الي اتفقنا عليه

مسفنسفنجة تسمع الكلام تروح طاسه ابو خشون بميه ساااااقعه

الأستاذ ابو خشون:: ايه؟؟ مين ؟؟ليه!! في ايه!! الساعه كام ؟؟؟؟

؟مسفنسفنجه هانم :روح اسأل ام رابسو بتاعتك

الزمان: الساعه 10 الصبح

ابو خشون يلبس

robe des chamberويخرج من الأوضة يروح على اوضة السفرة يدور على اكل

****************************************

المكان: اوضة السفرة

الحوار:الأستاذ ابو خشون:طب فطرتوا ايه النهاردة؟؟؟

مسفنسفنجه هانم:المطبخ قدامك.... روح اطفح

المكان: المطبخ قدام التلاجة

الأشخاص: ابو خشون ومسفنسفنجه

الحوار: الأستاذ ابو خشون: طب مافيش حتة جرنال الواحد يقزقز الأخبار الي فيه


مسفنسفنجه هانم : هو قرطاس لب؟؟ عجايب ؟؟!!!


**********************

المكان: ثابت (2)

الزمان : الساعه11 صباحا

الباب بيخبط بتاع الجرانيل بره

الأشخاص: الأستاذ ابو خشون ومسفنسفنجة هانم

الحوار:الأستاذ ابو خشون :خش الباب مفتوح ..

هات الز خبر عندك مش عايز عكننة

البياع: من عنيا ياباشا عايز ايه... فرقعه ولا حريق ولا تقنلاب ؟؟؟؟

مسفنسفنجه هانم : تقنلاب ايه يا ابو مخ طاقق

البياع: الله وانا مالي هما بيقلوا كده

قال ايه العمدة بتاع البلاد الي جمبينا زعلو منه قامو عملو عليه تقنلاب

فتكو بعافيه ويقفل الباب ويمشي

**********************************************

الأشخاص: الأستاذ ابو خشون ومسفنسفنجة هانم

الحوار:الأستاذ ابو خشون : لا الخبر ده ما يطمنش دي ام رابسو حتزعل قوي ...

مسفنسفنجه :ما تتفلق اما عالم جبنا بصحيح

المنظر: ابو خشون رايح جاي ماسك الجرنال ورا ضهره وبيفكر

الأشخاص: الأستاذ ابو خشون ومسفنسفنجة هانم

***********************

المكان: في الصالون

الأشخاص: مسفنسنجة, ابو العجايب

الحوار: مسفنسفنجه هانم: ما تهمد خيلتني ..

الأستاذ ابو خشون عندك حق , بس انا الي جبته لنفسي ,

ماهو الي يهزر مع العياااااااال يستاهل كل الي يجراله

مسفنسفنجه هانم: ههههههههه عيال, ياعم انت طايل تبقى عيل ولا حتى نص .

ابو خشون يلم عزاله ويمشي

مسفنسفنجه تحاول تمسك فيه يزقها ويجري

مسفنسفنجه: هو في ايييييييه .... خبر ايه ده الي خلاه يجري حافي كده

*******************************

المكان: ثابت(3)

الحوار:ابو العجايب: يابرووووودك كل ده ومش عارفة .........

ياجبروتك ..... منك لله يابعيدة.......

مسفنسفنجه هانم: غور كده وانت من غير فيش عامل زي الحمام من غير ريش

ابو العجايب: ياماما لولايا انا وايش ادراك مين اناا ........

ده انا لما بقول........ كله لازمن ولابد يبحلق فيا .....

حدش عبرك ؟؟؟؟؟؟!!!!!!

مسفنسفنجه: قال يعني مبحلقين فيك من جمال سحنتك؟؟؟؟؟


************************************************

المكان: اوضة ابو العجايب

الزمان: ثاني يوم

الأشخاص: ابو العجايب ومسفنسفنجة هانم

الحوار:ابو العجايب: يا جمالك ياابو خشون وانت بتستناني كل يوم وانا.بنشر الغسيل وحشتني ياراجل

مسفنسفنجه هانم: هو الأخ بقى منشر عقبال لما تترقى و تبقى غسالة فول اتوماتيك


ابو العجايبب: باينلك عايزة تتاخدي عايزة تاخد فمين بالمرة

***************************

المكان: ثابت (4)

الأشخاص: ابو العجايب ومسفنسفنجة هانم

يخش عليهم ابو خشون فجأة

الحوار:ابوخشون: انا جيت هل من مرحب ؟؟

هو مافيش حد هنا ولا ايه ..

.ابو العجايب: انت جيت ياسيد المعلمين

مسفنسفنجه هانم: يا خراشي على البكش الأزلي...

ياعم انت مابتزهقش قول كلمة حق ولو مرة في حياتك

الأستاذ ابو خشون: طب انت لسانك متبري منك ...... هو مزوق كده وعنده نظر سيبيه

ابو العجايب: ماتقلها دي دايما قارشة ملحتي

الأستاذ ابو خشون: سيبك منها وقلي ايه اخر اخبار هدوم جيرانا ........


حطيتلوهم شوية كوكو وحبة توتو ولا مش لأقين......

خلصونا اعملوا حاجة لحسن ريحتهم فاحت

مسفنسفنجه هانم: ريحه ؟؟ ريحة ايه دي ؟؟؟؟؟؟ ما تحسن ملافظك ده حتى الملافظ سعد

ابو العجايب: يادي النيلة و الحوسة التقيلة ما تروحي تشوفي شغلك خلينا نعرف نشوف الي ورانا...... عالم فاضيه بصحيح؟؟؟؟

الأستاذ ابو خشون: معلش يا عجب يا اخويا ولا يهمك هي طول عمرها كده حشريه

مسفنسفنجه هانم: طيب يا ناكر الجميل انت وهو ابقوا دورولكو على سفسفايه غيري تلمكم

ابو العجايب: مش عايزين منك حاجة امشي غوري خلينا ناخد قراراتنا

مسفنسفنجه: قرارتكو ؟؟!! هع هع هع ابقى سلم لي على ام رابسووو


و********************************************

المكان: ثابت(4)

الأشخاص: ام رابسو, ابو خشون , مسفسفنجه

الحوار: ام رابسو مين الي بيجيب في سيرتي ؟؟ في حد عايز يتاخد فمين ؟

ابو خشون: البت مسفنسفنجه وياخدها يرميها عند ام رابسو ام رابسو تفضل تعصر فيها وترش عليها شوية كلوريكس على حبة اريل على حبة جاز

**************************

المكان: بيت ام رابسو

الأشخاص: ام رابسو ومسفنسفنجة

ام رابسو تعصر مسفنسفنجة وتقطعها حتة

مسفنسفنجة تصرخ .. الحقني يا ابو العجايب شوف ام رابسوا عملت فيا ايييه

ام رابسوا: اصرخي ان شالله لبكرة ماحدش حيعبرك


وتقفل عليها الباب وتخرج.

************************************

المكان: قدام باب شقة ام رابسو

الأشخاص: ابو العجايب و مسفنسفنجة


الحوار:ابو العجايب يخبط على الباب

ابو العجايب : افتحي يا ماما انت قافلة الباب ليه؟؟


مسفسفنجة: ام رابسوا اللي قافلة عليا اكسر الباب يا ابو العجايب


ابو العجايب: مييييييين اللي قافل عليكي ؟؟ام رابسو ؟؟ طب استني لما اشاور ابوخشون


مسفسفنجة: حتشاور مين يا خي ما هو اللي رماني عندها وغدر بيا اللي ما يتسمى

ابو العجايب: انت يا ابو خشون اسفخس عليك ؟؟

امال فين الشهامة والمرجلة؟؟

ابو خشون:ابقى خلي الشهامة تنفعك لما ام رابسو تشيل عنك الفيش وتقطع خبرك

.ابو العجايب: دي مين دي اللي تقطع خبري .. ده اناااااااااا

يرن جرس التليفونابو خشون : طب رد على التليفون رد تلاقيها ام رابسو شمت خبر.

ابو العجايب يرفع سماعة التليفون وايديه بتترعش

الو ايوه مين معايا

ام رابسوا: انا ام رابسوا يا عجب الزفت قال يعني مش عارف صوتي

ابو العجايب: لألألأ ازاي طبعا عارف صوتك تقولش كروان يا خواتيييييييي

.ام رابسو: ايوه كده لم نفسك

ابو العجايب: ده انا الم نفسي وانفاس اللي جابوني كمان . أمريني ياجميل


أم رابسوا: خلاص مش عايزة كتر كلام بكره الصبح العالم كله يعرف مسفسفنجة المجرمة بتعمل فيا ايه ؟؟


ابو العجايب:معلش ولا مؤاخذة مش واخد بالي هيا عملت فيكي ايه ؟؟


ام رابسوا: انت حتستعبط مش شايفها كل يوم والتاني بتشتمني وتبعزق بكرامتي الأرض لحاد ما خلت سمعتي على كل لسان


ابو العجايب: مسفنسفنجة عملت فيكي كل ده؟؟

ام رابسوا: ايوه طبعا دي حتى عصرتني وقطعتني حتت ة ورمت كل حته فيا في ناحية ؟


ابو العجايب مزبهلاً: مسفنسفجنة؟؟؟؟؟

ام رابسوا: ايوة مسفنهبابة ولا انت حتكدبني؟؟

ابو العجايب: هوانا اقدر أكذبك!!! بكره اقول للعالم كله الخبر ده واخدلك حقك من مسفنسفنجة المجرمة .

ام رابسوا: شاطر يا ابو العجايب يلا اديني ابو خشون

*************************

المكان : ثابت(5)

الأشخاص: ابو خشون وام رابسو على التيلفون


الحوار: ابو خشون: نعم ايو يا ام رابسوا ابو خشون تحت امرك

ام رابسوا: خد المفتاح من تحت عقب الباب

وطلع مسفنسفنجة وحطها في شوال وابعتهالي

ابو خشون: حاضر بس انتِ ناوية تعملي فيها ايه؟؟

ام رابسوا: وانت مالك يا حشري .. نفذ الأوامر وانت ساكت

ابو خشون: حاضر حاضر بس اصلي

ام رابسوا: اصل ايه يا طماع .. ما تقلقش ححطلك منابك

**********************

المكان: وكر ام رابسو

الأشخاص: ام رابسوا , ابو خشون

ابو خشون يوصل مسفنسفنجة لأم رابسوا ويستنى عشان ياخد منابة من الهبرة

ام رابسوا تلطع ابو خشون يجي ساعتين : تقسم مسفنسفنجة على صحابها وحبايبها

وتاخد هيا الحتة اللي في النص

وتدي ابو خشون حتت متقطعه .ابو خشون ياخد الحتة

المتقطعة وهو مكشر .

ام رابسوا: ايه مالك مبوز كده ليه مش عاجبك ؟؟

ابو خشون: لا عاجبني ونص كمان بس اصلي كنت عايز الحتة دي كمان

ام رابسوا: اما انت طماع بشكل حبقى اشوفلك حتى تانية بس مش دلوقتي

ابو خشون: طب امتى ؟؟ام رابسوا: بعدين يا أبو خشون بعدييييييييين

وتزق ابو خشون لباب الوكر.

ابو خشون: بتطرديني يا ام رابسوا وانا اللي عملت كل ده علشانك

ام رابسوا: هو من ناحية عملت فانت عملت ومتشكرين على مجهوداتك

وورينا عرض كتافك

برررررررررررررررررره


*******************************************

المكان: قدام باب ام رابسوا

الأشخاص: ابو خشون وابو العجايب

يخرج ابو خشون مقموص وناوي يبهدل ام رابسوا

يروح لأبو العجايب يشتكيلة

الحوار:ابو العجايب: مالك ياابو خشون ايه اللي عمل فيك كده يا اخويا

ابو خشون: اللي ما تتسمى ام رابسو سرقتني

ابو العجايب: وسرقة منك ايه يافالح

ابو خشون: سرقة مسفنسفنجتي حبيبتي

ابو العجايب: يا رااااااااجل .. ايش حال لو ماكنتش شايفاك وانت شايلها في شوال ورايح تديها لأم رابسوا

ابو خشون: ايوة يا بني ماهو على اساس نتقاسمها انا وام رابسوا واخد حقي

ابو العجايب: اااااااااة وهي ضحكة عليك وقالت لك عليك وااااااااحد مالكش عندي حاجة؟؟

ابو خشون: لا ابدا موش كده هيا ادتني الحتت دي

ابو العجايب : وريني كده.. ياحلاوة ياحلاوة .. امال فين الحتة اللي في النص

ابو خشون : خدتها لنفسها ولما قلت لها ان القسمة مش عاجباني راحت طردتني ورمتني بره

ابو العجايب: ياحرام لالالا مالكيش حق يا ام رابسوا تعملي كده في خشاخيشو

ابو خشون: هوانا بقلك الكلام ده عشان تقعد تمصمصلي شفافيفك وتقلي ياحرام ومش عارف ايه؟؟

ابو العجايب: هو انا في ايدي ايه يا خشخش يااخوي

اابو خشون: عايزك تاخدلي حقي وتقول للدنيا كلها

ام رابسوا الوحشة عملت فيا ايه؟؟

ابو العجايب: عايزني اناااااااا ابو العجايب الغلبان المسكين اقف في وش ام رابسو لا يا عم انا مش مستغني. عن فيشي

ابو خشون: بقى كده يا عجب حتسيبني في الأزمة دي لوحدي

ابو العجايب: انا ممكن اساعدك بس بشرط

ابو خشون: شرط ايه ؟؟ابو العجايب: تروح تستسمح ام رابسوا وتبوس ايديها وبعد كده ممكن اتوسطلك عندها واخليها تسامحك

ابو خشون: اناااااا... لالالالا..

 موستحييل .. كراااامتي....

ابو العجايب: خلي كرامتك تنفعك يا ابو كرامة.. لما ام رابسوا ترش عليك رشة جاز وتعصرك عصرة محترمة من اللي قلبك يحبها.

ابو خشون: طززززززززز في كرامتي .. وديني لأم رابسو ابوس جزمتها.


***************************************

المكان: قدام باب فيلة ام رابسواالأشخاص: ابوخشون , وابو العجايب. ام رابسو

الحوار:ابو العجايب يا خد ابو خشون في ايده ويوديه لأم رابسوا عشان يستسمحها


ابو العجايب: مساء الفل على احلى ام رابسوا في الدنيا كلها

ام رابسوا: اهلا يا عجب ها فيه ايه؟؟

ابو العجايب: ابدا ياست الكل بس ابو خشون جاي يعتذرلك ويبوس على راسك.

ابو خشون يبوس راس ام رابسوا ويوطي على ايدها يبوسها

سامحيني يا ام رابسو حقك عليا مش حزعلك تاني ابدا

ام رابسوا: همممم.. طب ولو ما سمعتش الكلام بعد كده ؟؟

ابو خشون: ابقى قطعيني حتت زي ما عملتي في مسفنسفنجة

ام رابسوا: هاااااااا انت حتبتدي تعك تاني.. انا ما عملتش حاجة فيها..

انا كنت بدافع عن نفسي بس!!

ابو العجايب: ايو طبعا طبعا هو في حد يستجري يقول غير كده

ام رابسوا: اخرس انت يا عجب انا زعلانة منك

.ابو العجايب: زعلانة مني انا؟؟ ليه بـــس ؟؟

ام رابسوا: فين الخبر اللي حتوصلة للعالم كله؟؟؟

ابو العجايب: الخبر جاهز وحينزل بكره الصبح يا ست الكل

بس كنت بظبطه عشان يكسر الدنيا

******************************************

المكان: مقر ابو العجايب

الزمان: الساعة الثامنة صباحاً

الأشخاص: ابو العجايب , ام رابسوا, مسفسفنجة

الحوار:ابو العجايب : سيداتي انساتي سادتي اليكم الخبر الأت

يانهالت اليوم مسفنسنجة المجرمة على ام رابسو المسكينة الغلبانة بالضرب والشتائم الوحشة

وام رابسو يا كبدي ساكتة وصابرة

ولكن وبعد ان طفح الكيل وزاد لسان مسفسفنجة طولا وعرضا واستمرت في الضرب والتخريب ام رابسوا ما قدرتش تستحمل

الأهانة اكثر من كده وقررت ان تأثر لكرامتها


ابو العجايب: معانا على الهواء مباشرة

ام رابسوا المغلوبة على امرها المتهانة كرامة اهلها

ام رابسو ماسكة منديل وبتعيط والدم بيخر من جسمها

اام رابسوا: انا مش حتكلم.. بصولي بس وانت تعروفوا

شوفوا الصور وحتتأكدو ..اهئ اهئ

ابو العجايب:بصوا وشوفوا يا عالم عمايل مسفنسنجة الووحشة

صورة لمسفنسفنجة ماسكة سكينه وبتقطع في ام رابسوا بشكل مرعب

صورة لأم رابسوا وهي بتعيط وتستنجد بالعالم كله عشان ينقذها من مسفنسفنجة المتوحشة

صورة ابو خشون وهو راكع تحت رجلين ام رابسوا

***********************************************

صوت جاي من بعييد ..بيصرخ



اصحواااا.. يا عااااالم


فوقوا يا بشر

رالميزان اتقلب .. والبيت اتخرب

ام رابسوا هي اللي يا عيني بتنضرب

ومسفنسنجة المجرمة بتدفنها يوماتي في الترب

كبدي عليها ما ادتهاش حتى فرصة للهرب


اصحاااااااااااااااااااا يا بوخشون



ضيعتني ..قطعتني ..دمرتني


ومن تحت راسك بيتي اتخرب .


*******************


اصرخي



ابكي


زعقي


ان شالله حتى تلطمي



ماحدش حيسمعك ولا حيعبرك



الكل نااااايم



كما البهاااايم


والناموسية كحليي.....



تمت


ابو خشون: الحكومات العربية


ام رابسوا: اسرائيل


مسفنسفنجه: الأراضي العربية


ابو العجايب: الاعلام العربي
posted by شهووووده @ 14.9.10   2 comments
 
About Me


الأسم: شهووووده
المكان: صنعاء, Yemen
عني: شهووودة .. الشهيرة بتيته شهد ( كي جي 1)
See my complete profile

Previous Post
Archives
 

 

 

..عداد الزوار.. 

free hit counter