السبت، أغسطس 28، 2010
شحات وأليط
شحات وأليط



حيث انني اتزنقت زنقة الستات في سوق التلات ، واضطررت الى مغادرة العمل- تاركة حقيبتي فوق الطاولة، واخذت معي موبايلي حتى لا يتمكن سارق الموبايلات من لطشه -،وهرولة الى المنزل لدخول ولا مؤاخذه بيت الادب

ربما يسأل سائل :

(هو يعني الشغل مافيهوش ؟؟!)

بالطبع اخي السائل يوجد ثلاثة بيوتات مش بيتوت واحد ....

المهم في الامر هو عامل النظافه الذي رآني في ذهابي وايابي، فقد التزم الصمت في
المرة الاولى ، ولكنه لم يتمالك نفسه في المرة الثانيه ،وحدث زميله وهما يجلسان على الرصيف قائلا

( اما الشحتات دول)!!!

 فالتفت اليه بألاطتي المعهوده ،وكدت ان اغتاله بنظراتي قائلة بلسان الحال

شحااااته؟؟


اخبرت أمي وشقيقتي بما حدث لي

ضحكت شقيقتي وقالت ( كل الشياكه دي وشحاته اتهزآتي!!)



ادركت حينها بما لا يدع مجال للشك معنى قولهم

 (شحات وأليط)












posted by شهووووده @ 28.8.10   7 comments
مريومة حبيبة عمتووو
posted by شهووووده @ 28.8.10   0 comments
الأحد، أغسطس 22، 2010
خطرفة عيال
خطرفة عيال



بوسي بح و لانا كمان بح

وممنوع العب مع توتو ولارا



هو صحيح توتو شكله وحش

بس بيحبني قوي

وانا كمان بحبه واتعودت عليه

مسكين يا عيني ما عندوش ماما

مامته لدغها تعبان



جالي وهو لسه نونو صغنن

طب هما عيانين بأيه

بس توتو موش عيان ولارا خفت خلاص
بس هيه اللي عدت لانا

ولانا راحت ومش حشوغها تاني

هو فعلا في مسمار دخل في جسمها بس هيه كانت خلاص تعبانه قوي

طب اعمل ايه انا دلوقتي نفسي العب مع لا را


وتوتو دايما بيجري عليا عشان اشيله وادلعه

لكن ماما قالت لا مافيش لعب معاهم وما تقربيش لحد فيهم بعدين تتعدي


اسفه ياتوتو

ماتزعليش مني يالارا


لازم اسمع كلام ماما







posted by شهووووده @ 22.8.10   4 comments
الخميس، أغسطس 19، 2010
صيام مقبول
صيام مقبول

مقبول دايما فجعان
من اول يوم نعسان
ده ياابه شهر صيام
ياناس والله جعان
*************
اديني اللحمة الطازة
الشاي عبيه في قزازة
الفاكهة من دا على دا
والفول حديله اجازة

*****************
بقى دي حلة ملوخيه
امال فين التقليه
ولا الباميه المهريه
يخرب بيتك ياوليه

*************
اه ياا ني منك اه
عمرك ما تقول الله
ده طبيخي فين تلقاه
طب روح منك لله
****************
ياحلاوة الدش ياليلي
اشي عربي واشي مكسيكي
ناوليني التمر الهندي
وادي الفزدق جمبيكي

******************
نفسكش في أي صواني
ولا عايز شاي من تاني
طب اجيبلك جمبه سوداني!!
لألأ دي سناني واجعاني

19/9/2006
posted by شهووووده @ 19.8.10   4 comments
 
About Me


الأسم: شهووووده
المكان: صنعاء, Yemen
عني: شهووودة .. الشهيرة بتيته شهد ( كي جي 1)
See my complete profile

Previous Post
Archives
 

 

 

..عداد الزوار.. 

free hit counter