صيام مقبول
مقبول دايما فجعان
من اول يوم نعسان
ده ياابه شهر صيام
ياناس والله جعان
*************
اديني اللحمة الطازة
الشاي عبيه في قزازة
الفاكهة من دا على دا
والفول حديله اجازة
*****************
بقى دي حلة ملوخيه
امال فين التقليه
ولا الباميه المهريه
يخرب بيتك ياوليه
*************
اه ياا ني منك اه
عمرك ما تقول الله
ده طبيخي فين تلقاه
طب روح منك لله
****************
ياحلاوة الدش ياليلي
اشي عربي واشي مكسيكي
ناوليني التمر الهندي
وادي الفزدق جمبيكي
******************
نفسكش في أي صواني
ولا عايز شاي من تاني
طب اجيبلك جمبه سوداني!!
لألأ دي سناني واجعاني
19/9/2006 |
ههههههههههههههههههههههههههه
جميله جداً يا شهوده
ههههههههههههههه فظيعة فعلاً
وفعلاً مقبول دا فيه منه نسخ كتيرة ... لدرجة إن مقابيل كتير حافظين التليفزيون حفظ عن ظهر قلب يا بنتي
ويكادوا يسمعوه للواحد
مدونة لذيذه ياجميل