طلب لزيارة القطة
لما قطتي الأمورة لولو ضاعت
حالتي النفساوية تعبت
وكل شوية افتح الموبايل اتفرج على صورها
واتحسر ...
وشوية حعيط لولا الملامة
أي والله
اصل دمها زي السكر
ما علينا
يارب تكون في ايد امينة
ويفطروها جبنة Président..و Regal Picon زي ما كنت باكلها بأديا
ولومااكلتهاش بأديا تسيبها في الطبق وتمشي
ياترى بيغدوكِ ايه؟؟
ولا بيكروتوكي يا قطتي الكميلة
ويأكلوكي البيض المقلي اللي انتِ بتكرهيه
عدت الأيام وجتلي قطة جديدة
جميلة جداااااا
واجمل من قطتي لولو
صاحبتها حاطاها عندي امانة عشان حتاخدها معاها السعودية اما تسافر
فيها شبه من دي
بس دمها مش خفيف زي لولو
لولو كانت مجننة البيت كله لدرجة انها عملت فراغ كبير
دي يادوب تلعب شوية وتاكل وتناااام وما بتروحش لحد غيري
اختي نازلة عليها تريقه
بتقلي .. انتِ جبتي قطة تونسك ولا تنيمك ؟
امبارح بتقلي شكلك حتتعلقي بالقطة دي
خلاص قولي لصحبتها لما تسافر
تبعتلك طلب زيارة
وتكتب فيه
مربية القطة بتاعتي !!!
|
شهووووووووووود
فينك يابنتى وحشانى
متزعليش على لولو ان شاء الله تكون كويسة
بقولك ايه انا مستعدة انونو زيها وتاخدينى تربينى هههههههههههههه
هههههه شكلك طيوبة وحنينة على القطط
وحشتينىىىىى متتاخريش تانى