دي جزاة اللي يجيب قطط تربية شوارع
في مرة كانت بتجري ورايا زي عوايدها دايما وانا في المطبخ او في أي مكان
الأكل بتاعها موجود والميه واللبن وكله جاهز..
المهم كان في شوية ميه ادلقت على الأرض .. لقيتها يا عيني بتشرب الميه بشراهه ..
امممممم.. عايزة ميه يا نونو.. طب ما الميه قدامك في الطبق بتاعك
رحت شايلاها ومديها الميه اللي في الطبق بتاعها
سابت الطبق ومشيت قال ايه عايزة الميه اللي في الأرض...
امبارح باليل طلعت لها الجنونة بتاعة القطط وعايزة تلعب
اديتها حاجة كده زي الكورة
قعدت تلعب بيها
وفـــجــأة
جريت على اوضتي وطلعت منديل ورق مرمي في الزبالة ...
وهاتك يا لعب واخر انسجام ..
تقلش بتلعب في مبارة كاس العالم يا خي.....
طب ما انا مدياكي حاجة تلعبي بيها .. حبكت يعني على المناديل المرميه ..وتلخبطيلي ديكور الأوضة؟؟!!!
طب خدي منديل جديد...
فعلا قطط تربية شوارع بصحيح
بس بصراحة بصراحة .. دمها زي العسل...........
|
واضح انك قطه جميله ذى قطتك بس نصيحه ياقمر ما تخليش نفسك قريب من القطه ولا تنيميها فى حضنك وانتى نايمه ولو ناويه تخليها عندك لازم تطعميها عشان تبقى مطمنه وهى معاكى دى نصيحه من اخت ليكى ياجميله