تساؤلات فرنية مطبخية
الأطباق بتعمل ايه كووووول ده هي رجعت تتخانق تاني ولا ايييييييه??!!
الفرن: هما الجماعة دول راحوا فين !?الطبق اليمني والمصري والسوداني اتأخروا ليه لايكون في حلة وقعت على دماغتهم جابت اجلهم
المطبخ: ياشيخة فال الله ولا فالك افتح شوف كده يمكن يكونوا مدارين عندك وانت مش واخد بالك
الفرن: لا ياعم مافيش حاجة عندي يكونوش متلقحين في دولاب من دواليبك
المطبخ: مااظنش انا دواليبي بتلمع والأطباق دي زفرة
الفرن: عندك حق حاكم الأطباق الثلاثة دي حاجة مملة قوي
قعدوا ساعات وساعات لحد ما يخشوا الفرن تقلش عايزين عزومة
البت بت الصحن اليمنية والتانيه المصرية دي الي اسمها صينية البطاطس ..والمنيلة السودانيه هي اسمها ايه
اممممممم مش فاكر ما علينا قال ايه عامله فيها مصلح اجتماعي
المطبخ: بدل ما انت عمالتلت وتعجن كده ماتروح تشوفهم راحوا فين انا عايز اطفي النور وانام بقى هومش من حقي استريح يعني كل الأطباق تبقى مترصصه في الدواليب الادول هو ده وقت الصرمحة يا خواااتي
الفرن : انت يا طبق منك ليه ماتروحوا تشوفوا اخواتكم داهية لايكونوا اراحو المطبخ الأمريكاني ولا الطلياني دي فضيحتنا تبقى بجلاجل
المطبخ: ليه يعني هما احسن مننا في ايه يعني هو احنا الي عندهم عندنا بس الفرق في الماركات
الفرن: على رأيك حلل وعندنا اطباق وعلى قفا مين يشيل
لا ناقصين شوكة ولا سكينة
المطبخ: انا بصراحة كده ابتديت اقلق حروح اشوف الحكاية بنفسي
الفرن: ياعم استنى بس ...ماتخلي طبق صغير يقوم يطقس
يمكن يعرف يحيبلك خبر بدل البهدلة وقلة القيمة قدام اطباق غريبة زي دي
المطبخ: عندك حق حاكم انت رغم انك بتلسع احيانا الاان عليك افكار اااه ياني منك
واااااااااد انت ياطبق يا صغير تعالى هنا يلالالالا
ويصحا الطبق الصغيرمن نووووووم عميق ويروح لامم كام حلة على كام طبق.. اشي صغير واشي كبير وتبدأ رحلة البحث والتقصي عن الطبق اليمني والمصري والسوداني
بس ياترى حيلاقوهم وهما فين اصلا ومين الأطباق الي حتدور عليهم
|
