سـنـــيـــــه والحــنــفيــه
المكان :(المطبخ) مفرش ومخده في ارضية المطبخ الحنفيه بتنقط طول الليل , والحوض سادد ودانه من شخير سنيه وخبط نقط الميه على دماغها
الزمان : منتصف الليل
الأشخاص : سنيه , الحنفيه , الحوض
الحوار : شخير وصوت ميه بتنقط
المكان: المطبخ
المنظر:
الحنفيه بتتمطع وحاطه اديها في بقها وبتتاوب, سنيه بتفتح الحنفية على المية الساقعه
الزمان الساعه 7 صباحبا
الأشخاص(1)
الحوار:
الحوض , يححححح
حسنيه بترمي الأطباق جو الحوض ولسه سايبة الحنفيه مفتوحه , حطت ميه على البراد وحطت الميه على النار
الأشخاص: (1)
الحوار: الحنفيه: انت حتسيبني مفتوحه كده ياست انت
سنيه: بتبرطمي بتقولي ايه ..الحنفيه: بقول اقفليني ينوبك ثواب
سنيه ولا تعبر الحنفيه وتسيبها مفتوحه وتطلع من المطبخ
الزمان الساعة السابعة ونص صباحا
االمكان اوضة السفرة:
سنيه تحط الفطار على السفره اشي زيتون على بيض على جبنه
وتفطر الراجل ومراته وابنهم الصغير .
سنية تشيل السفرة بعد ما راحو شغلهم وتحط الأطباق في المطبخ وتفتح عليهم الميه وبعد ما تغسل ما تقفلهاش وتسيبها تنقط
الأشخاص: سنيه والحنفيه
الحوار: الحنفيه: اقفليني الهي يتقفل عليكي باب البوتجاز ..... قادر ياكريم
سنيه مطنشة ولا كأن حد بيكلمه
االمكان الحمام: تروح على الحمام ومعاها ممسحه وليفة وجردل تغسل الحمام ,
و ترش أرضية الحمام جردلين ميه وعلبتين صابون (والدش مفتوح ) وحنفية حوض الحمام مفتوحة
الأشخاص: سنيه وحنفية الحمام, الممسحه, الليفة, الجردل
الحوار: سنيه: ياحنفيه ياحلوة يا ملعلعه ماترشي الحته المبقعة
الجردل: ياست سنيه يا ملزقة ما تخفي الميه بلا بعزقه
تطلع سنيه بعد ما خلصت تنظيف الحمام ( برضه سايبه الدش مفتوح)
ترجع للمطبخ والحنفيه لسه مفتوحه بس من غير ولا نقطة ميه ( شكل الحنفيه مخنوقه ومنكمشه)
الأشخاص: سنيه وحنفية المطبخ
الحوار: سنيه : ايه ده هو انت بظتي تاني يا حنفية الهم
الحنفيه: جبتيلي الجفاف الهي ينشف ريقك
سنيه بتحاول تصلح الحنفيه بمفتاح... وعماله تخبط فيها يمكن تجيب ميه
الأشخاص: سنيه والحنفيه والمفتاح
الحوار: الحنفيه: اييييييييي
المفتاح: استحملي يا اختي ما انا كمان متفعصه في اديها اهو
سنيه: ما تخرس انت وهيا خلونا نشوف شغلنا
اطاااااااااااااااااخ بوووووووووووووووم
تششششششششششش
المكان المطبخ:
سنيه رابطه الحنفيه بكيس بلاستك بعد ما حاولت تصلحها وفشلت والميه خرت على دماغها وملت ارض المطبخ فتروح قافلاها بالعافيه الي حين ميسرة وترجع على الحمام تلاقيه غرقان ميه
المكان الحمام
الأشخاص: سنيه والحنفيه(حنفية الحمام)
الحوار: سنيه : انت لسه مفتوحه ؟؟ طب خليكي شويه على بال ما اعمل الغدا
حنفية الحمام: تحمر وتتنرفز وبصوت عالي ( الهي يحرموكي مني ويحموكي في مية ناااااار)
المكان المطبخ
الزمان الساعة 2 بعد الظهر سنيه بتفتح التلاجة وبتطلع البامية , حطت الباميه في الحوض بعد ما فتحت الحنفيه وعماله تغسل الباميه وتقمعها (وتحطها على النار)
الأشخاص: سنية والحوض والحنفيه والباميه
الحوار:الباميه: نااااااار يا حبيبي نااااااااااار
الحنفيه: يا اختي عليكي يا مدلعه
الحوض: .ماكانش يومك يا مقمعه
سنيه موصلة الميه من حنفية الحمام بخرطوم للصالة و بترش الميه على الحيطة والأرض
زي الي بيسقي الجنينه (بعد ما فضت الصالة من العفش وكومته في المخزن فوق بعضه )
الأشخاص: الخرطوم/ سنيه
الحوار:الخرطوم يا وليه كفاية شد حيجيلي تمزق خرطومي
سنيه: شششششش رش وانت ساكت
جرس البال يرن
سنية تسيب سنيه الخرطوم مفتوح وتروح تفتح الباب تلاقي ست جارتهم داخله بزعاببيها وبتزعق
الأشخاص: سنيه , والجارة
الحوار: الجارة : وبصوت عالي ومنفعل انت ياست سنيه
ما تقفلي الميه غرقتيلي الشقه
سنيه: ميتي وانا حرة فيها الله
يمسكوا في خناق بعض وسنيه تاخد جارتها هيلا بيلة على برة الشقة وتقفل الباب وتكمل تنظيف
سنيه ماسكة الخرطوم ولسه بترش الميه ودلوقتي دخلت على المطبخ وابتدت تغسل الأطباق وبرضة الخرطوم مفتوح كالعادة
الأشخاص: الحنفية , سنية ,الحوار: الحنفيه: يامفتريه شيلي الي انت حاطه على مناخيري ده حتخنق
سنيه: متنرفزة من خناقة جارتهم ( ماتتخنقي بلا دلع حنفيات مرق..
المكان الجنينه:
سنيه بعد ما خلصت تنظيف البيت وعملت الغدا راحت واخدة الخرطوم وعلى الجنينه بتسقي الزرع عشان الجنايني مش موجود
تفتح الميه على الأخر وهاتك يارش على الشجر والورد بكميات كبييييييييرةا
لأشخاص: سنيه والخرطوم والشجر
الحوار: سنيه : ياميه رشي رشي على الشجرة الحلوة رشي
الشجرة من كتر الميه ورقها وقع ومن غيظها بتقول لسنيه
الشجرة: وبتغني كمان يا برووووووووودك ..يا شماتتة شجرة الجيران فياااااااااا
اترجع سنيه للشقة بعد ما غرقت الجنينه ورمت الخرطوم والميه مفتوحه فوق الشجر وتخش البيت ويرن جرس التليفون
( اصحاب البيت بيتصلوا)
الأشخاص: سنيه والهانم الحوار: سنيه :
الوووووووووو ايوه ياست هانم .... حتتعشوا برة انت والبيه ماااااااشي
سنيه تقفل السماعه وتتصل بالجيران تعزم الشغالة بتاعتهم على العشا
ماهي فرصة..والشغالة تعزم التانية ويلموا بعض ويروحوا لسنيه
الباب بيخبط ....
الأشخاص:سنيه, في الشقة, بهية والي معاها داخلين عندها
الحوار: بهيه افتحي يا سنيه جايبالك معايا سعديه وحسنيه وفتحيه وعطيات وام الخير ووووووووو..........
سنيه: يوه جتك ايه يا بهيه جايبالي شغالات العمارة كلها في ديلك...
تدخل بهيه ومعاها شغالات العمارة عند سنيه وكل واحدة شايلة ابنها على دراعها
سنيه تحضرلهم العشا ويقعدوا قدام التلفزيون وهاتك يارغي وقزقزة لب وسوداني على بال العشا ما يجهز
الأشخاص: سنيه في المطبخ هيا وبهيه يحضروا العشا ( تطلع جوز فراخ ورز واللوزازم الباقية )
الحوار: بهيه: هيا الحنفيه مفتوجه كده ليه يا سنيه مش حرام كده يا اختي
سنيه: حرام ليه يعني هو مال ابويا
بهيه: على رأيك سنيه تبتدي تنظف الفراخ وبهيه تغسل الرز
الأشخاص: بهيه وسنيه الحوار: بهيه: ما تفتحي الميه السخنة ياسنيه
الميه السخنة نازلة على الحوض والفرخة جوا الحوض ويا الزروكله بيتغسل مع بعضه والميه مفتوحه سخن وساقع على الأخر
الأشخاص: الحنفيه والرز والفراخ
الحوار: الرز: مليون مرة اقلك ما تاخديش الشامبوا بتاعي
الفرخه: شامبوا ايه يا ام شامبوا ... الله يرحم ...
الحنفيه: ما تتلهي منك ليها ...واستحموا وانتوا ساكتين
الفرخة والرز ابتدو يتعبوا من كتر الميه النازلة عليهم
سنيه نازلة دعك في الفرخة وسايبة الحنفيه مفتوحه على الرز
الأشخاص: الفرخة والر ز والحنفيه وسنيه
الحوار: الفرخة: ما تقفلي بقك يا حنفيه وانت عمالة تريلي كده
الحنفيه : ومين سمعك يا ام ريش مقلوع ... اجري البسي هدومك وبعدين كلميني
سنيه: انتوا مش حتجيبوها البر ... طيب حقفل الميه السخنة واستحملوا الساقع
سنيه تقفل الميه السخنة وتفتح على الساقع وتسيب الميه ترش الفرخة وتروح تطبخ الرز بعد ما تدلق الميه ( الي نقعت فيها الرز في الحوض فوق الفرخة ويتسد الحوض والرز يتكسر
الأشخاص: الفرخة والرز والحوض
الحوار: الفرخة: الهي يخرب بيتك كده بوظتيلي الميك اب
الرز: اشوف فيكي يوم ياسنيه يابنت ام سنيه كده كسرتي ضوافري
الحوض : روحي منك لله عنيااااااااا ...
ااااااااااااه يا عنيااااااااااااااا
سنيه وبهيه بعد ما خلصوا طبخ بيحطوا العشا والشغالات الباقين قاعدين قدام التلفزيون ولا الأمرا وعمالين يقزقزوا في اللب والسوداني
والبيت رجع اتوسخ تاني ولا كأن سنيه نظفت ولا عملت أي حاجة
الأشخاص: سنيه وبهيه , ماسكين الصواني وبيحطوها على السفرة
الحوار: سنيه:شيلي العيل ده يا ام الخير عايزة احط الأكل
أم الخير: ايه ده لحمة احمدك يااااااااااارب
هنيه: يا وليه يا مفجوعه دي حتتة فرخة يتميه يا ولدااااه
الكل يهجم على الأكل وهاتك يا هبر والعيال تخش تلغوص بأديها في الحلل وبعد ما يخلصوا اكل
(سنية تطلب من ام الخير و سعديه يشيلوا السفرة ويوضبوا
اوضة الصالون الي اكلوا فيها
الأشخاص: ام الخير وسعديه
الحوار: هما حيشغلونا بلقمتنا ولا ايه يا ام الخير يا اختي
أم الخير: انا عارفة يا سعديه .... كان زماني كلت مع عيالي والراجل جوزي هو الي بينظف كل حاجه
بهيه: نعم يا ست هانم جوزك ده الي بيصبحك بعلقة ويمسيكي بعلقة
سنيه: هو اكل وبحلقة قومي فزي شيلي السفرة ....
تقوم ام الخير وسعديه من سكات
تخش ام الخير وسعديه على المطبخ ويحطو بواقي الأكل في الزباله
ويحطوا الأطباق والحلل في الحوض وفي نفس الوقت تكون بنت ام الخير وابن سعديه نازلين ضرب في بعض
وتكسير في التحف الي في الصالونفتروح سنيه شاخطه فيهم وضاربة ابن سعديه
فتقوم بنت ام الخير قال ايه بتدافع عنه وتعض سنيه
الأشخاص: العيال الصغيرة وسنيه
الحوار: سنيه: اوعا ياواد طاااااااخ
ابن سعديه: ايييييييييي واااااااااااااااااع
بنت ام الخير: عننننننننننننننننن تعض سنيه
تطلع سعديه وام الخير من المطبخ واحدة ماسكة حلة والتانيه ماسكه سكينه
الأشخاص: ام الخير وسعديه, وعيالهم و سنيه
الحوار: ام الخير : في ايه يا ضنايا مالك ياروح ماما
بنت ام الخير: الست دي عضتني اييييييي
سنيه: انا يا مقصوفة الرقبة
ابن سنيه: اااااه يامة وضربتني بالكرسي
في بقي ااااااااااااااااي
ام الخير وسعديه يمسكوا سنيه وهاتك يا ضرب وحدف بالأطباق ورزع بالمعالق والشوك
بهيه تحاول تحوش عن سنيه بس لما تشوف مافيش فايدة تاخد ديلها في سنانها ويا فكيك
بعد ما يدوها العلقة التمام يروحوا الشغالات لبيوتهم
تقوم سنيه وهيا متغاظة ومتعورة تصلح الي بوظوه قبل اصحاب البيت ما
يرجعوا ...
تدخل المطبخ وهيا عماله تكلم نفسها
الأشخاص: سنيه والحنفيه
الحوار: سنيه: ان ما وريتكوا ان ما طلعت البلا على جتتك انت وهيااا.....اااااه يا دماااااااغي
الحنفيه: انت اتهبلتي يا وليه بتكلمي نفسك .
سنيه: اخرسي انت كمان لااقطع خبرك اييييييييييي
سنيه بتفتح الميه عشان تغسل الأطباق مافيش ولا نقطة ميه
تحاول تفتح تاني برضه مافيش فايدة الميه خلاص خلصت تخبط الحنفيه بمفتاح البوتجاز برضه مافيش أي فايدة
تروح على الحمام برضه ولا نقطة ميه تنزل الجنينه تفتح الخرطوم مافيش ميه
ترجع البيت تخش المطبخ وتقف قدام الحنفيه وهيا حاطة اديها على خدها
وبتفكر حتعمل ايه في المصيبة دي الميه خلصت والبيت اتوسخ و المطبخ مليان اطباق وحلل وسخة واصحاب البيت جايين كمان شويه
تخبط على الجيران يسلفوها شوية ميه برضة هما الميه مقطوعه عندهم
الأشخاص: سنيه
الحوار:سنية حاطة ايديها على خدها وبتلم نفسه
سنيه: ياترى حتعملي ايه يا سنيييييييييه؟؟؟
فوج حنفيات وخراطيم ميه نازل من العمارة والعمارات اللي حواليها ومنظر عجب
الحنفيات عاملة اضراب ومتجمعين في كل الشوارع وشايلين يافته كبيييييييييييرة
كاتبين فيها مطالبهم
المكان : ميدان التحرير في القاهرة
الأشخاص: مسؤل اول حنفيات شرق غرب شمال جنوب عموم القاهرة الكبرى و زعيمة الحنفيات
الحور: مسؤل اول حنفيات شرق غرب شمال جنوب عموم القاهرة الكبرى:
ايه ياست حنفية هانم الهوليلة الي انت وصحباتك عاملينها
زعيمة الحنفيات:
يا افندم احنا لينا مطالب ولازم تتحقق ولا اكمننا حنفيات غلابة ؟؟
مسؤل اول حنفيات شرق غرب شمال جنوب عموم القاهرة الكبرى: غلابة ايه وكلام فاضي ايه يعني حضراتكو مش عارفين ان الشرق الأوسط في ازمة؟؟؟؟؟؟؟
ولا يعني مش عارفين ان نادي الزمالك في ازمه؟؟؟؟
المكان : ميدان التحرير الزمان: 5 العصر تستمر المظاهرة وتوصل الصحافة لتغطية الحدث صحفي:
انتوا ايه علاقتكو بتنظيم القاعدة؟؟؟
الحنفيه : القاعده دي ليها علاقة بالكبانيه والبانيو ..
انما الحنفيه دي شخص تاني ليه حقوقه ولازم المسئولين يلبو حقوقو وحقوق كل حنفيات الميه
وفي وسط الهليلة دي يقوم واحد من المتفرجين طالع وبعلو صوته
والله عندها حق .. هو مش البنزين غلي والبنزين بينزل من حنفيه برضه .. ليه الحنفيات دايما مظلومه؟؟
مسؤل اول حنفيات شرق غرب شمال جنوب عموم القاهرة الكبرى: عاجبك كده جبتيلنا الكلام خلصي طلباتك ايه خلينا نخلص
زعيمة الحنفيات ترفع اليافته الي مكتوب فيها الطلبات
نتفتح بشويش من غير بعزقة
الي عايز يغسل عربيته يمسك جردل ميه وبتاعه يمسح بيها مش يرش بخطوم
اللي بتغسل الأطباق تقفل الحنفية لما تحط صابون على الطبق التاني
اللي بتظف ارضية الشقة في اختراع اسمه جردل وممسحه واللي بتستعمل الجردل مافيش داعي 10 جرادل ميه لآرضيه نص متر
اليل بيسقي الجنينه يدي الشجر
والورد حقه بلا ش يغرق الدنيا
لوالحنفيه فينا بايظة وبتنقط يا تصل
حوها ولو مش قادرين يبقى تحطو
تحتها أي حاجة
المهم الميه ما تروحش هدر
وكل ده كوووووووووم والي بيسبونا مفتوحين عمال على بطال دول كووووووووووم
دول عليهم غرامة 50 جنيه على كل جردل ميه يدلق
من غير أي فايدة
هاااااااا قلتو ايييييييييه حتفتحونا بالأدب؟؟؟؟؟؟؟
ولا وعهد الله
ننشف ريقكوووووووووووووو
الثلاثاء 6 يونيو 2006
